ᐱᓕᕆᕝᕕᑉ ᖃᓄᐃᑦᑑᓂᖓ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᒐᕙᒪᑐᖃᒃᑯᑎᒍᑦ ᑎᑎᕋᖅᑕᐅᓯᒪᕗᖅ ᖃᑭᒍᑎᒃᓴᓕᐅᙱᑦᑑᓪᓗᓂ ᑯᐊᐳᕇᓴᐅᓪᓗᓂ. 70−ᐅᓪᓗᑎᑦ ᐅᖓᑖᓃᑦᑐᑦ ᐃᓚᒋᔭᐅᔪᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᑐᑭᒧᐊᑦᑎᑕᐅᕗᖅ ᐊᑭᓕᖅᓱᖅᑕᐅᙱᑦᑐᑎᒍᑦ ᑲᑎᒪᔨᓄᑦ ᓂᕈᐊᖅᑕᐅᓲᖑᓪᓗᑎᑦ ᑖᒃᑯᐊ ᑲᑎᒪᔩᑦ ᐃᓚᒋᔭᐅᔪᖁᑎᖏᓐᓄᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᙳᖅᑎᑕᐅᓚᐅᖅᓯᒪᕗᑦ ᐃᓚᒋᔭᐅᔪᓄᑦ ᓄᓇᕘᒥ ᓄᑭᓪᓚᐅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᔩᑦ ᑲᑎᒪᔨᖏᓐᓄᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᓖᑦ, ᓇᒻᒥᓂᖁᑎᒋᔭᐅᔪᑦ, ᑲᑐᔾᔨᖃᑎᒌᑦ ᐊᒻᒪᓗ ᐃᓄᐃᑦ ᑕᒪᒃᑯᐊ ᒐᕙᒪᒃᑯᓐᓄᑦ ᐃᑭᐊᖅᑭᔾᔪᑎᖃᖅᑎᑕᐅᙱᑦᑐᑦ ᑲᓱᕈᓐᓇᕋᔭᕐᒪᑕ ᐃᑭᐊᖅᑭᔾᔪᑎᓄᑦ ᐊᑭᑐᓗᐊᙱᑦᑐᒃᑯᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖃᑭᒍᑎᒃᓴᓕᐅᙱᑦᑐᑦ ᑯᐊᐳᕇᓴᐅᓪᓗᑎᑦ, ᐊᐅᓚᑕᐅᔪᑦ ᓄᓇᕗᒥᐅᑕᓄᑦ.  ᐃᓚᒋᔭᐅᔪᑦ ᑖᒃᑯᐊ ᐱᓕᕆᐊᖃᕈᒪᔪᑦ ᐃᓄᐃᑦ ᐊᔾᔨᒌᙱᑐᒡᒍᑕᐅᓪᓗᑎᑦ ᐱᓕᕆᖃᑦᑕᖅᓯᒪᓂᖏᑦ, ᐱᖃᓯᐅᑎᓪᓗᒋᑦ ᐃᓄᐃᑦ ᑭᒃᑯᑐᐃᓐᓇᐃᑦ, ᐊᒻᒪᓗ ᐃᓄᐃᑦ ᐃᖅᑲᓇᐃᔭᖅᑐᑦ ᓇᒻᒥᓂᖁᑎᒋᔭᐅᔪᓄᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓕᓐᓂ ᑲᑐᔾᔨᖃᑎᒌᑦ, ᐊᒻᒪᓗ ᓄᓇᓖᑦ ᒐᕙᒪᖏᑦ ᕼᐊᒻᓚᐅᔪᑦ − ᐃᓚᒋᔭᐅᓕᕈᓐᓇᖅᑐᑎᑦ ᓄᓇᕗᒥᐅᑕᐅᒍᕕᑦ ᑖᓐᓇᑐᐊᖅ ᐋᖅᑭᒃᑕᐅᓯᒪᓪᓗᓂ ᐃᓚᒋᔭᐅᔪᒪᔪᓄᑦ.  ᒫᓐᓇᐅᔪᖅ 55%−ᑎᖏᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᓚᒋᔭᐅᔪᑦ ᑎᑎᕋᖅᑕᐅᓯᒪᖃᑕᐅᕗᑦ ᓄᓇᕗᑦ ᓄᓇᑖᕐᓂᖓᓄᑦ ᐊᖏᕈᑎᖓᒍᑦ ᐃᓅᓪᓗᑎᑦ.  ᑭᓇᑐᐃᓐᓇᖅ ᓄᓇᕗᒦᑦᑐᖅ ᐃᓚᒋᔭᐅᓕᕈᓐᓇᖅᑐᖅ ᐊᑎᓕᐅᖅᑕᐅᖃᑕᐅᓗᓂ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓇᒻᒥᓂᖃᖅᐳᖅ 100%−ᓂᑦ ᐊᐅᓚᑕᐅᔪᒧᑦ ᑯᐊᐳᕇᓴᒧᑦ, ᐃᓕᓴᕆᔭᐅᓪᓗᓂ ᐃᓄᐃᑦ ᓇᒻᒥᓂᕆᔭᐅᓂᖓᓄᑦ ᒪᓕᑦᑐᒍ ᓄᓇᕗᑦ ᓄᓇᑖᕈᑕᐅᓂᖓᓄᑦ ᐊᖏᕈᑎᑎᒍᑦ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᖁᑎᖏᓐᓂᑦ ᕿᓂᒃᑯᑦ ᓇᒻᒥᓂᖃᖅᑐᖅ ᐃᓚᖏᓐᓂᑦ ᒪᓕᑦᑐᒍ ᓄᓇᕘᒥ ᓄᑭᓪᓚᐅᑎᓕᕆᔨᒃᑯᑦ ᐃᑭᐊᖅᑭᔾᔪᑎᓄᑦ ᐱᕙᓪᓕᐊᓂᖓ ᑯᐊᐳᕇᓴ ᑲᑎᒪᔨᖏᓐᓄᑦ.  ᑖᒃᑯᐊ ᐱᖁᑏᑦ ᓇᓪᓕᐅᒃᑯᒫᖑᕗᑦ ᐊᑐᖅᑐᒥᓂᐅᓂᖏᓐᓄᑦ ᑮᓇᐅᔭᓂᑦ ᑕᒪᒃᑯᐊ ᐅᑎᖅᑎᑕᐅᕙᓪᓕᐊᓪᓗᑎᑦ ᐊᑭᓕᖅᓱᖅᑕᐅᕙᓪᓕᐊᔪᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐊᐅᓚᑦᑎᔨ Ssi Micro Ltd-ᒃᑯᓐᓄᑦ.  ᑖᒃᑯᐊ ᐊᑭᓕᒃᓴᑦ ᐊᑭᓕᖅᑕᐃᓐᓇᐅᑐᐊᕈᑎᑦ ᐱᖁᑏᑦ ᑎᒍᒥᐊᖅᑕᐅᔪᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓄᑦ ᓴᒃᑯᑕᐅᒐᔭᖅᑐᑦ ᐃᑭᐊᖅᑭᔾᔪᑎᓕᕆᔾᔪᑎᓂᑦ ᐊᐅᓚᑦᑎᔨᐅᔪᒧᑦ.