ᖃᓄᐃᓕᐅᕈᑕᐅᓯᒪᓂᖏᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᒻᒪᕆᐊᓗᒻᒥᒃ ᐱᓕᕆᐊᖃᕐᓂᑰᕗᑦ ᐊᑭᑐᓗᐊᙱᑦᑐᒥ ᑕᑎᒋᔭᒃᓴᒥᓪᓗ ᐃᑭᐊᖅᑭᔾᔪᑎᖃᖅᑎᑕᐅᓪᓗᑎᑦ ᑕᒪᐃᓐᓄᑦ ᓄᓇᕗᒥ ᓄᓇᓕᖏᓐᓄᑦ. ᐅᑯᐊᖑᑎᓪᓗᒍ 2003-2016 ᐊᕐᕌᒍᖏᑦ (ᓂᕆᐅᒋᔭᐅᔪᑦ ᐊᕐᕌᒍᑦ ᐊᒡᒋᖅᐸᓪᓕᐊᔪᑦ), ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᔪᓐᓇᖅᓯᓯᒪᕗᑦ ᐊᒻᒪᓗ ᐊᐅᓚᑦᑎᓪᓗᑎᑦ ᐃᑲᔫᑎᓂᑦ ᑮᓇᐅᔭᖅᑖᕆᔭᐅᔪᓂᑦ ᐅᖓᑖᓃᑦᑐᑦ $66 ᒥᓕᐊᓐ ᐃᑭᐊᖅᑭᔾᔪᑎᓕᕆᓂᕐᒧᑦ ᖃᕋᓴᐅᔭᓕᕆᓂᕐᒧᓪᓗ ᖃᓄᐃᓕᐅᕈᑕᐅᔪᓂᑦ ᓄᓇᕗᒥ.

ᐊᑭᖏᑦ ᓄᑭᓪᓚᐅᑎᓄᑦ ᐃᑭᐊᖅᑭᔾᔪᑎᓄᑦ (ᑖᒃᑯᑎᒎᓇᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᒍᑦ) ᐱᒋᐊᓚᐅᖅᓯᒪᕗᑦ 2002-2003-ᖑᑎᓪᓗᒍ ᐃᓄᓕᕆᔨᑐᖃᒃᑯᑦ ᑮᓇᐅᔭᖅᑖᖅᑎᑦᑎᒻᒪᑕ ᐋᖅᑭᒃᓱᐃᔪᖃᕐᓗᓂ ᐱᓕᕆᕝᕕᑉ ᐸᕐᓇᐅᑎᖓᓂ ᓄᓇᕗᒧᑦ.  ᑲᓇᑕᒥ ᓴᓇᔪᓕᕆᔨᒻᒪᕆᒃᑯᑦ ᐊᒻᒪᓗ ᓄᓇᕗᑦ ᒐᕙᒪᖏᑦ ᐃᑯᐱᒡᕕᓕᕆᔨᒃᑯᑦ  ᑮᓇᐅᔭᖃᖅᑎᑦᑎᒃᑲᓐᓂᓚᐅᖅᓯᒪᕗᑦ ᐱᓕᕆᕝᕕᑉ ᐸᕐᓇᐅᑎᖓᓂᑦ ᐊᕐᕌᒍ ᐊᓂᒍᖅᑎᓪᓗᒍ.  ᐱᓕᕆᕝᕕᑉ ᐸᕐᓇᐅᑎᖓ ᐋᖅᑭᓱᖅᑕᐅᖁᓪᓗᒍ ᐃᒪᐃᓕᐅᓚᐅᖅᓯᒪᔪᑦ, ᐃᓄᓐᓂᑦ ᑭᒃᑯᑐᐃᓐᓇᕐᓄᑦ ᑐᒃᓯᕋᖅᑐᑎᑦ ᐊᑭᑦᑐᕋᐅᑎᖁᔨᓪᓗᑎᑦ, ᖃᐅᔨᓴᖅᑕᐅᓪᓗᑎᑦ ᐱᖁᑎᕐᔪᐊᖃᖅᑎᑦᑎᔪᓐᓇᖅᑐᑦ ᑐᒃᓯᕋᐅᑎᖏᓐᓂᒃ (ᒪᕐᕉᒃ ᐱᔭᐅᓪᓗᑎᑦ, ᐊᐃᑉᐹ SSI Micro Ltd ᐊᒻᒪᓗ ᐊᐃᑉᐸᖓ ᓄᐊᔅᕕᔅᑎᐅᓪ ᐅᖄᓚᐅᓯᓕᕆᔨᒃᑯᑦ), ᐊᒻᒪᓗ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂ, ᓄᓇᓕᒻᒥᐅᓂᑦ ᓇᒻᒥᓂᖃᖅᑐᓂᓪᓗ ᑐᓴᕆᐊᕐᕕᖃᓚᐅᖅᑐᑎᑦ. ᐱᓕᕆᕝᕕᑉ ᐸᕐᓇᐅᑎᖓ ᐱᔭᕇᖅᑕᐅᓚᐅᖅᓯᒪᕗᖅ ᑐᓂᔭᐅᓪᓗᓂᓗ ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᕿᒥᕐᕈᔭᐅᒍᒫᕐᓂᐊᖅᑐᓂ ᔫᓂ 6, 2003−ᖑᓕᖅᐸᑦ.  ᑕᐃᓐᓇ ᐱᓕᕆᕝᕕᑉ ᐸᓇᐅᑎᖓ ᐊᑐᖁᔭᐅᔪᖅ SSI Micro Ltd-ᒃᑯᓐᓄᑦ ᐊᑭᑦᑐᕋᐅᑎᖁᔨᔾᔪᑎᓐᓂᑦ ᓈᒻᒪᑦᑐᓂᑦ ᐱᓕᕆᔪᓐᓇᓚᐅᕐᒪᑕ ᐱᓕᕆᖁᔭᕗᑦ ᒪᓕᑦᑐᒋᑦ (ᐊᑭᑭᓚᖑᓪᓗᑎᓪᓗ ᐱᔨᑦᑎᕋᕈᓐᓇᕐᓂᖏᑕ ᐊᑭᖏᑦ) ᐊᒻᒪᓗ ᑕᐃᒪᐃᓚᐅᖅᑎᓪᓗᒋᑦ ᓴᖅᑭᓚᐅᖅᐳᖅ ᕿᓂᖅ ᖃᕋᓴᐅᔭᓕᕆᔨᒃᑯᑦ.

ᐊᖏᖅᑕᐅᓚᐅᖅᑎᓪᓗᒍ ᓴᓇᔪᓕᕆᔨᒻᒪᕆᒃᑯᓐᓄᑦ ᑲᓇᑕᒥ (ᒐᕙᒪᒃᑯᓐᓃᙶᖅᑐᖅ ᑮᓇᐅᔭᖅᑎᒍᑦ ᐃᑲᔪᓛᖑᓯᒪᔪᑦ), ᑳᓐᑐᕌᒃᑦ−ᒃᓴᖓ ᐋᔩᕋᕈᑕᐅᓂᖓ ᐱᔭᕇᖅᑕᐅᓚᐅᖅᑐᖅ ᑳᓐᑐᕌᒃᑦ−ᑕᐅᓪᓗᑎᑦ SSi−ᒃᑯᑦ, ᑮᓇᐅᔭᓂᒃ ᐱᔪᓐᓇᒃᑲᓐᓂᖅᑐᑕ ᐊᓯᖏᓐᓂᒃ ᐊᔾᔨᒌᙱᑦᑐᓂᑦ, ᐊᒻᒪᓗ ᕿᓂᖅ ᖃᕋᓴᐅᔭᓕᕆᔩᑦ ᐋᖅᑭᓱᖅᑕᐅᓚᐅᖅᑐᑦ ᐊᑐᖅᑕᐅᒋᐊᖅᑐᑎᓪᓗᒍ ᐅᐱᕐᖔᒥ 2005-ᖑᑎᓪᓗᒍ ᑕᒪᐃᓐᓂ 25-ᖑᔪᓂ ᓄᓇᕗᑉ ᓄᓇᓕᖏᓐᓂᑦ.  ᕿᓂᖅ ᖃᕋᓴᐅᔭᓕᕆᔾᔪᑏᑦ ᐱᓕᕆᕝᕕᖓ ᓴᖅᑭᖅᑎᑕᐅᒋᐊᙵᓚᐅᖅᓯᒪᕗᖅ 2005-ᖑᑎᓪᓗᒍ ᑲᖏᖅᖠᓂᕐᒥ.

ᑕᐃᑲᓂ ᕿᓂᖅ ᖃᕋᓴᐅᔭᓕᕆᔾᔪᑏᑦ ᓴᖅᑭᑕᐅᒻᒪᑦ, ᓄᐊᔅᕕᔅᑎᐅᓪ ᑐᓴᖅᑎᑦᑎᓚᐅᖅᑐᖅ ᐊᑐᐃᓐᓇᐅᒪᑎᑦᑎᓂᐊᓕᕐᓂᖏᓐᓂᑦ NetKaster, KA ᖁᒻᒧᐊᑦᑎᑕᐅᔾᔪᒃᑯᑦ ᐃᑭᐊᖅᑭᔾᔪᑎᒃᓴᒥᒃ ᐊᖏᕐᕋᒥ ᐊᑐᖅᑕᐅᔪᓐᓇᖅᑐᑦ ᐊᑭᑦᑐᕋᐅᑎᓪᓗᑎᑦ ᕿᓂᒃᑯᓐᓂᑦ.

2005−ᕈᕋᓱᐊᕐᓂᖓᓂ, ᐱᐅᓂᖅᓴᒥᒃ ᐅᖄᓚᐅᑎᒃᑯᑎᒍᑦ ᐃᑭᐊᖅᑭᔾᔪᑎᑖᕈᓐᓇᖅᑐᑦ ᐱᔨᑦᑎᕋᖅᑕᐅᓚᐅᖅᑐᑦ ᓄᓇᕗᒥ ᐃᓚᖏᓐᓂ ᒐᕙᒪᒃᑯᑦ ᐊᓪᓚᕝᕕᖏᓐᓂ, ᐊᒻᒪᓗ ᐃᖃᓗᓐᓂ ᐅᖄᓚᐅᑎᒃᑯᑎᒍᑦ ᐃᑭᐊᖅᑭᔾᔪᑎᑖᕈᓐᓇᖅᑐᑦ ᐱᔨᑦᑎᕋᖅᑕᐅᓂᖏᑦ ᓴᖅᑭᖅᑎᑕᐅᓚᐅᖅᓯᒪᓪᓗᑎᑦ ᓄᐊᔅᕕᔅᑎᐅᓪ−ᒃᑯᓐᓄᑦ ᐅᖄᓚᐅᓯᕆᔨᒃᑯᑦ 2004 ᐃᓱᓕᑦᑎᓕᖅᑎᓪᓗᒍ.  ᑕᐃᑲᓂ, ᖃᑦᑏᓐᓇᑯᓗᐃᑦ ᓄᓇᓕᓐᓂ ᓄᓇᕗᒥ ᐱᖃᓚᐅᖅᓯᒪᔪᑦ ᑖᔅᓱᒥᖓ ᑲᓱᖅᑎᕈᑎᒥᒃ ᐃᑭᐊᖅᑭᔾᔪᑎᑖᕐᓗᑎᑦ ᐅᖄᓚᐅᑎᒃᑯᑎᒍᑦ.  ᑖᒃᑯᐊ ᕿᓂᒃᑯᑦ ᓴᖅᑭᖅᑎᓪᓗᑎᑦ ᐃᑭᐊᖅᑭᔾᔪᑎᓕᕆᔾᔪᑎᓂᑦ ᖃᕋᓴᐅᔭᖅᑎᒍᑦ ᑕᒪᐃᓐᓄᑦ, ᐅᑭᐊᒃᓵᖑᓕᖅᑎᓪᓗᒍ 2005-ᒥ ᑕᒪᐃᓐᓂᑦ ᓄᓇᓕᐅᔪᑦ ᐊᑕᐅᓯᒥᒃ “ᓄᑭᓪᓚᐅᑎᖃᓚᐅᖅᑐᑦ” ᐃᑭᐊᖅᑭᔾᔪᑎᒃᓴᖏᓐᓂᑦ ᖃᕋᓴᐅᔭᖏᓐᓄᑦ − ᑕᐃᔭᐅᖃᑦᑕᓚᐅᖅᓯᒪᓪᓗᓂ ᑕᐃᔅᓱᒪᓂ ᓱᑲᓐᓂᖓ ᐃᑭᐊᖅᑭᔾᔪᑎᑎᒍᑦ ᑐᑭᓯᒋᐊᕈᑎᓂᑦ ᑕᑯᓂᐊᕋᓱᓪᓗᓂ 256ᕗᑕᔨᐅ − ᑕᒪᐃᓐᓄᑦ ᐊᖏᕐᕋᕆᔭᐅᔪᑦ ᓇᒻᒥᓂᕆᔭᐅᔪᓪᓗ ᓄᓇᓕᓐᓂ ᐊᑐᖅᑕᐅᔪᓐᓇᖅᑐᓂ.