ᑕᐅᑐᙳᐊᖅᑕᕗᑦ ᖃᓄᐃᓕᖓᓛᕈᒪᓂᑦᑎᓐᓂᒃ ᐊᒻᒪᓗ ᐱᓇᓱᐊᖅᑕᑦᑕ ᑐᙵᕕᖏᑦ

ᐱᓇᓱᐊᖅᑕᕗᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᐱᓇᓱᐊᖅᑕᖏᑦ ᐅᑯᐊᖑᕗᑦ:

  • ᖃᐅᔨᒪᑦᑎᐊᕐᓗᑎᑦ ᓄᓇᕗᒥ ᓄᓇᓕᓕᒫᑦ ᐊᑭᑐᓗᐊᙱᑦᑐᒥᑦ ᑕᑎᒋᔭᒃᓴᒥᓪᓗ ᐃᑭᐊᖅᑭᔾᔪᑎᖃᕋᓗᐊᕐᒪᖔᑕ.
  • ᐊᔭᐅᕆᒋᐊᕐᓗᑎᑦ ᐱᔨᑦᑎᕋᖅᑕᐅᒐᓗᐊᕐᒪᖔᑕ ᐊᔾᔨᒌᒥᒃ ᓇᓕᒧᒌᑦᑐᒥᒃ ᓄᓇᕗᒥᐅᑦ ᓄᓇᓕᖏᑦ ᐊᒻᒪᓗ ᓄᓇᕗᑉ ᓄᓇᓕᖏᑦ ᑖᒃᑯᓄᖓ ᓇᓕᒧᒌᑦᑐᓂᒃ ᐱᔨᑦᑎᖅᑕᐅᒐᓗᐊᕐᒪᖔᑕ ᐊᔭᐅᕆᓗᑎᑦ ᑲᓇᑕᒥ ᓄᓇᓕᐸᐅᔭᐅᙱᓂᖅᓴᓃᑦᑐᑦ.
  • ᐱᕙᓪᓕᐊᑎᓐᓇᓱᓪᓗᒍ ᑐᑭᓯᒋᐊᕈᑏᑦ ᑐᓴᐅᒪᖃᑦᑕᐅᑎᔾᔪᑏᓪᓗ ᖃᕋᓴᐅᔭᖅᑎᒎᖓᔪᑦ ᒪᑭᑕᔪᓐᓇᕐᓂᖓ ᓄᓇᓕᓐᓂ.

ᑕᐅᑐᙳᐊᖅᑕᕗᑦ ᖃᓄᐃᓕᖓᓛᕈᒪᓂᑦᑎᓐᓂᒃ ᐅᖃᖅᓯᒪᓂᖏᑦ

2017−ᖑᓕᖅᐸᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᓛᒃᑰᖓᓛᖅᑐᖅ ᐊᔭᐅᕆᔨᐅᓗᓂ ᐊᒻᒪᓗ ᑐᑦᑕᕐᕕᐅᓗᓂ ᑲᑐᔾᔨᖃᑎᒌ ᐅᑭᐅᖅᑕᖅᑐᒥ ᑐᑭᓯᒋᐊᕈᑏᑦ ᑐᓴᐅᒪᖃᑦᑕᐅᑎᔾᔪᑏᓪᓗ ᖃᕋᓴᐅᔭᖅᑎᒎᖓᔪᑦ ᖃᓄᖅᑑᕈᓐᓇᕐᓗᑎᑦ ᐊᒻᒪᓗ ᐊᑐᐊᒐᖅᑎᒍᑦ ᖃᐅᔨᓴᖅᑎᐅᓗᑎᑦ ᐱᕙᓪᓕᐊᓂᒃᑯᑦ.

ᐱᓇᓱᐊᖅᑕᕗᑦ ᐅᖃᖅᓯᒪᓂᖏᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᓇᓱᐊᖅᑐᑦ ᖃᐅᔨᒪᑎᑦᑎᑦᑎᐊᕋᓱᒃᑐᓂ ᓄᓇᕗᒥᐅᓕᒫᑦ, ᓇᒻᒥᓂᖁᑎᓕᓕᒫᑦ, ᑲᑐᔾᔨᖃᑎᒌᓕᒫᑦ ᐊᒻᒪᓗ ᓄᓇᓖᑦ ᒐᕙᒪᓕᒫᖏᑦ ᓇᓕᒧᒌᑦᑐᒥᒃ, ᐊᑭᑐᓗᐊᙱᑦᑐᒥᒃ ᑕᑎᒋᔭᒃᓴᒥᓪᓗ ᐃᑭᐊᖅᑭᔾᔪᑎᖃᕈᓐᓇᕋᓗᐊᕐᒪᖔᑕ ᐊᒻᒪᓗ ᓄᓇᓕᖏᓐᓂ ᖃᕋᓴᐅᔭᓕᕆᔾᔪᑎᖃᕈᓐᓇᕋᓗᐊᕐᒪᖔᑕ, ᓄᓇᕗᒥᐅᑕᑦ ᐊᔾᔨᒌᓂᑦ ᐱᕕᖃᕈᓐᓇᖁᓪᓗᒋᑦ ᐃᓅᓯᖏᑦ ᖃᓄᐃᑦᑕᐃᓕᓗᑎᑦ ᐊᒻᒪᓗ ᑮᓇᐅᔭᓕᐅᕈᓐᓇᖁᓪᓗᒋᑦ ᑕᐃᒫᒃᓴᐃᓐᓇᖅᑎᑐᑦ ᑲᓇᑕᒥᑕᑦ ᐊᓯᖏᑦ ᐱᔪᓐᓇᐸᒻᒪᑕ.