ᐅᕙᒍᑦ ᒥᒃᓵᓄᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓂᐅᕕᕐᕕᐅᕗᖅ ᐊᒻᒪᓗ ᖃᕋᓴᐅᔭᓕᕆᔩᑦ, ᖃᑭᒍᑎᒃᓴᓕᐅᙱᑦᑐᑦ ᑲᑐᔾᔨᖃᑎᒌᖑᓪᓗᑎᑦ ᐊᔭᐅᕆᒋᐊᖅᑎᐅᔪᑦ ᓄᓇᕗᒥ ᑭᒡᒐᖅᑐᐃᓪᓗᑎᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᕗᑉ ᓄᓇᓕᖏᑦ ᐊᑭᑐᓗᐊᙱᑦᑐᒥᒃ, ᑕᑎᒋᔭᒃᓴᒥᒃ ᐊᒻᒪᓗ ᓈᒻᒪᑦᑐᒥᒃ ᐃᑭᐊᖅᑭᔾᔪᑎᖃᕋᓗᐊᕐᒪᖔᑕ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᙳᖅᑎᑕᐅᓚᐅᖅᓯᒪᔪᖅ ᐅᑭᐊᒃᓵᖑᑎᓪᓗᒍ 2002-ᒥ ᐃᓚᒋᔭᐅᔪᓄᑦ ᓄᓇᕘᒥ ᖃᕋᓴᐅᔭᓕᕆᔾᔪᑎᑖᕋᓱᐊᕐᓂᕐᒧᑦ ᑲᒪᔩᑦ ᑲᑎᒪᔨᖏᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᕗᒥᐅᑦ ᑕᑎᒋᔭᒃᓴᒥᒃ, ᐊᑭᑐᓗᐊᙱᑦᑐᒥᒃ ᖃᕋᓴᐅᔭᓕᕆᔾᔪᑎᖃᕈᓐᓇᕋᓗᐊᕐᒪᖔᖅ ᑕᒪᐃᓂᑦ ᓄᓇᕗᑉ ᓄᓇᓕᖏᓐᓂ.  ᖃᑭᒍᑎᒃᓴᓕᐅᖃᑦᑕᕋᑕ ᑯᐊᐳᕇᓴᐅᓪᓗᑕ ᐃᓚᒋᔭᐅᔪᖁᑎᕗᑦ ᓄᓇᕗᓕᒫᕐᒦᙶᖅᑐᑎᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᑐᑭᒧᐊᖅᑎᑕᐅᕗᖅ ᑖᒃᑯᓄᖓ ᐊᑭᓕᖅᓱᖅᑕᐅᙱᑦᑐᓄᑦ ᑲᑎᑎᒪᔨᓄᑦ ᓂᕈᐊᖅᑕᐅᓲᖑᓪᓗᑎᑦ ᐃᓚᒋᔭᐅᔪᖁᑎᖏᓐᓄᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᖓᓱᓂᑦ ᐱᓕᕆᐊᒃᓴᖃᓗᐊᙳᐊᐊᖅᑐᑦ ᐱᓕᕆᐊᖃᖅᑐᑎᑦ ᑎᑭᓐᓇᓱᒃᑕᖏᓐᓂᑦ ᐊᑭᑐᓗᐊᖅᑎᑦᑎᑦᑕᐃᓕᓪᓗᑎᑦ, ᑕᑎᒋᔭᒃᓴᐅᓗᑎᑦ, ᐊᒻᒪᓗ ᓈᒻᒪᑦᑐᒥᒃ ᖃᕋᓴᐅᔭᓕᕆᔾᔪᑎᑕᖃᓗᐊᕐᒪᖔᖅ ᓄᓇᓕᓐᓄᑦ:

  • ᖃᐅᔨᒪᑦᑎᐊᕐᓗᑎᑦ ᐱᖁᑎᕐᔪᐊᑦ ᓴᓇᔭᐅᔪᑦ ᓇᒻᒥᓂᖁᑎᓕᓐᓄᑦ ᑕᑎᒋᔭᒃᓴᐅᑦᑎᐊᕋᓗᐊᕐᒪᑕ, ᐊᑭᑐᓗᐊᙱᓪᓗᑎᑦ ᐱᔨᑦᑎᕋᕈᑎᖏᑦ, ᐊᒻᒪᓗ ᐸᐸᑦᑎᔨᐅᓗᑎᑦ ᑭᒡᒐᖅᑐᕐᓗᒋᑦ ᐃᓄᐃᑦ ᑭᒃᑯᑐᐃᓐᓇᐃᑦ;
  • ᐱᕙᓪᓕᐊᑎᑕᐅᓇᓱᓪᓗᑎᑦ ICT−ᒃᑯᑦ (ᑐᑭᓯᒋᐊᕈᑏᑦ ᑲᒪᒋᔭᐅᓂᖏᑦ ᐊᒻᒪᓗ ᑐᓴᐅᒪᖃᑎᒌᒍᑏᑦ ᖃᕋᓴᐅᔭᕐᓄᑦ) ᐱᓕᒻᒪᒃᓴᕈᑎᒋᔭᐅᔪᓐᓇᑦᑎᐊᕐᓂᐊᕐᒪᑕ;
  • ᐃᖅᑲᓇᐃᔭᖃᑎᒋᔭᐅᓗᑎᑦ ᓄᓇᕗᑉ ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᕗᑦ ᒐᕙᒪᖏᑦ, ᒐᕙᒪᑐᖃᒃᑯᑦ, ᐊᒻᒪᓗ ᖃᕋᓴᐅᔭᓕᕆᕙᒃᑐᑦ ᖃᐅᔨᒪᓇᑦᑎᐊᖁᓪᓗᒍ ᐱᕙᓪᓕᐊᑎᑕᐅᓇᓱᐃᓐᓇᕐᓂᐊᕐᒪᑦ ᖃᕋᓴᐅᔭᓕᕆᔾᔪᑎᓄᑦ ᓄᑭᓪᓚᐅᑎᖏᑦ ᐊᒻᒪᓗ ᐱᔨᑦᑎᕋᕐᓂᖏᑦ ᓄᓇᕗᒥ ᓄᓇᕗᒥᐅᑕᑦ ᑕᑎᒋᔭᒃᓴᒥᒃ, ᐊᑭᑐᓗᐊᙱᑦᑐᒥᒃ ᓄᑭᓪᓚᐅᑎᑎᒍᑦ ᐱᔨᑦᑎᕋᖅᑕᐅᔪᓐᓇᕐᓂᐊᕐᒪᑕ ᓄᓇᕗᑉ ᓄᓇᓕᓕᒫᖏᓐᓂ.