ᑲᑎᒪᔨᖏᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᐅᓚᑕᐅᕗᖅ ᑮᓇᐅᔾᔭᒃᓴᑎᑕᐅᙱᑦᑐᓄᑦ ᑲᑎᒪᔨᓄᑦ.

ᑲᑎᒪᔩᑦ ᑭᒡᒐᖅᑐᐃᔪᑦ ᑕᒪᐃᓐᓂᑦ ᐊᕕᑦᑐᖅᓯᒪᔪᓂᑦ ᓄᓇᕗᒥ, ᐊᒻᒪᓗ ᐱᖃᓯᐅᔾᔨᓪᓗᑎᑦ ᐃᓚᒋᔭᐅᔪᑦ ᐊᖏᔪᓂᑦ ᒥᑭᔪᓂᓪᓗ ᓄᓇᓕᓐᓂ ᓄᓇᕗᒥ.  ᐱᖓᓲᔪᖅᑐᑦ ᐊᑕᐅᓯᕐᓗ ᐊᒥᓲᑎᒋᔪᑦ ᑲᑎᒪᔨᖏᑦ ᓂᕈᐊᖅᑕᐅᓲᑦ “ᐃᓄᐃᑦ ᐃᓛᒃᑰᖓᔪᑦ” ᐃᓚᒋᔭᐅᔪᓂᑦ, ᐊᒻᒪᓗ ᒪᕐᕉᒃ ᑲᑎᒪᔩᒃ ᑎᒃᑯᐊᖅᑕᐅᓲᖑᓪᓗᑎᒃ “ᒐᕙᒪᒃᑯᓐᓃᙶᖅᑑᒃ”, ᑕᒪᐃᓐᓂᑦ ᐊᒥᓲᓂᖏᑦ ᑲᑎᒪᔩᑦ ᑎᓴᒪᐅᔪᖅᑑᓪᓗᑎᑦ ᐊᑕᐅᓯᕐᓗ.

2013-ᒥ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖃᖅᑎᓪᓗᒋᑦ, ᐱᖓᓱᑦ ᑲᑎᒪᔩᑦ ᓂᕈᐊᖅᑕᐅᓚᐅᖅᓯᒪᔪᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓂᑦ “ᐃᓄᐃᑦ ᐃᓛᒃᑰᖓᔪᓂᑦ” ᐃᓚᒋᔭᐅᔪᓂᑦ.  ᑖᒃᑯᐊ ᐋᑕᒥ ᐃᑦᑐᐊᑦᓯᐊᖅ ᐃᖃᓗᒻᒥᐅᖅ (ᐅᑎᖅᑐᖅ), ᔨᐊᓯ ᐅᓈᐱᒃ ᒪᐃᒃ ᐃᖃᓗᒻᒥᐅᖅ, ᐊᒻᒪᓗ ᐃᐅᕆᒃ ᐊᓄᐃ ᓄᑲᖅᑎᖅ ᐊᕐᕕᐊᕐᒥᐅᖅ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᓄᓇᕗᑦ ᒐᕙᒪᖏᓐᓂᑦ ᑎᒃᑯᐊᖅᓯᓲᖑᕗᑦ ᐊᑕᐅᓯᕐᒥᒃ ᐃᓚᒋᔭᐅᔪᓂᑦ “ᒐᕙᒪᒃᑯᓐᓃᙶᖓᔪᓂᑦ” ᐃᓚᒋᔭᐅᔪᓂᑦ.  ᓄᓇᕗᑦ ᑐᙵᕕᒃ ᑎᒥᖓ ᑎᒃᑯᐊᖅᓯᓲᖑᒋᓪᓗᓂ ᐊᑕᐅᓯᕐᒥᒃ ᐃᓚᒋᔭᐅᔪᒥᑦ “ᒐᕙᒪᒃᑯᓐᓃᙶᖓᙱᑦᑐᒥᒃ” ᐃᓚᒋᔭᐅᔪᒥᒃ.

ᐃᒃᓯᕙᐅᑕᖓ NBDC-ᑯᑦ
ᐃᖃᓗᒃᑑᑦᑎᐊᖅ

ᒥᔅᑕ ᐅᕼᐅᒃᑲᓐᓄᐊᒃ ᓯᕗᓪᓕᖅᐹᒥ ᓂᕈᐊᖅᑕᐅᓚᐅᖅᑐᖅ ᐃᒃᓯᕙᐅᑕᖓᓄᑦ NBDC-ᑯᑦ 2005-ᒥ ᑖᒃᑯᓇᓐᖓᑦ NBDC-ᑯᑦ ᑲᑎᒪᔨᖏᓐᓂᑦ. ᐊᖓᔪᖅᑳᕆᔭᐅᔪᓪᓗᓂ Polarnet-ᑯᓐᓂᑦ, ᒥᔅᑕ ᐅᕼᐅᒃᑲᓐᓄᐊᒃ ᒫᓐᓇᐅᔪᖅ ᑲᒪᒋᔭᖃᑦᑐᖅ ᐊᑐᓕᖅᑕᐅᓂᖓᓄᑦ ᕿᓂᖅ ᐃᓘᓇᖏᓐᓂ ᓄᓇᓕᖏᓐᓂ ᕿᑎᕐᒥᐅᑦ, Polarnet-ᒥᑦ ᓄᓇᓕᓐᓂ ᖃᕋᓴᐅᔭᓕᕆᓂᕐᒧᑦ ᐱᔨᑦᑎᕋᖅᑎᐅᓪᓗᓂ, ᑳᑦᑐᓛᒃᑕᐅᓯᒪᔪᖅ ᑖᒃᑯᓇᓐᖓᑦ SSI Micro (ᑲᑉᐸᓂᐅᔪᖅ ᓴᓇᓚᐅᖅᑐᖅ ᓄᑖᒥᒃ ᕿᓂᖅ ᓱᒃᑲᔪᒃᑯᑦ ᖃᕋᓴᐅᔭᓕᕆᔾᔪᑎ) ᐱᓕᒻᒪᔅᓴᐃᓂᖃᖃᑦᑕᕐᓗᑎᒃ ᐃᓘᓇᖏᓐᓄᑦ ᓄᓇᓕᓐᓂ ᖃᕋᓴᐅᔭᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᓄᓇᓕᓕᒫᓂ. ᒥᔅᑕ ᐅᕼᐅᒃᑲᓐᓄᐊᒃ ᐃᓚᒋᔭᓪᓗᐊᑕᐅᓚᐅᖅᑐᖅ ᐃᓄᓐᓄᑦ ᐱᒋᐊᖅᑎᑦᑎᓚᐅᖅᑐᓄᑦ Polarnet-ᒥᒃ 1997-ᐸᒥ - ᓄᓇᓕᓐᓂ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᕋᓴᐅᔭᒃᑰᕈᓐᓇᐅᑎᖃᑦᑎᑦᑎᓯᒪᔪᑦ ᑕᓪᓕᒪᓄᑦ ᕿᑎᕐᒥᐅᑦ ᓄᓇᓕᖏᓐᓄᑦ. ᐅᓪᓗᒥ, ᑕᑯᔪᒪᔪᖅ ᓱᒃᑲᔪᒃᑯᑦ ᖃᕋᓴᐅᔭᓕᕆᓂᕐᒧᑦ ᓄᑖᓐᖑᖅᐸᓪᓕᐊᔪᑦ ᐊᑐᐃᓐᓇᐅᓗᑎᒃ ᓄᓇᕗᑦᒥ ᐊᑦᔨᖓᑎᑐᑦ ᓄᑖᓐᖑᖅᐸᓪᓕᐊᔪᑦ ᖃᓪᓗᓈᓂ. ᐊᖏᔪᒻᒪᕆᐊᓗᒻᒥᒃ ᑕᑯᓐᓈᖅᑐᖅ ᐃᑲᔪᕈᓐᓇᕐᓗᓂ ᓄᓇᕗᒻᒥᐅᓂᒃ ᐋᖅᑭᐹᓪᓕᖅᑎᕆᓂᕐᒧᑦ ᑐᓴᐅᒪᖃᑦᑕᐅᑎᓕᕆᓂᕐᒥᒃ - ᐱᖃᓯᐅᑎᓪᓗᒍ VoIP, ᑕᓚᕖᓴᒃᑯᑦ ᑲᑎᒪᖃᑦᑕᕐᓂᖅ, ᐊᒻᒪᓗ ᐊᑦᔨᒌᖏᑦᑐᑎᒍᑦ ᐱᓪᓚᑦᑖᒃᑯᑦ ᑐᓴᐅᒪᖃᑦᑕᐅᑎᓂᕐᒥᒃ. ᐃᓅᓯᓕᒫᖅ ᓄᓇᖃᑦᑎᐅᔪᖅ ᐃᖃᓗᒃᑑᑦᑎᐊᕐᒥ, ᖃᐅᔨᒪᑦᑎᐊᖅᑐᑦ ᐱᓕᕆᐊᖃᕐᓂᒃᑯᑦ ᐊᑦᔨᒌᖏᑦᑐᓂᒃ ᑲᑎᒪᔨᐅᔪᓂ ᑲᑐᔾᔨᖃᑎᒌᓄᑦ. ᑲᑎᒪᔨᐅᖃᑕᐅᓯᒪᔪᖅ ᓄᓇᕗᑦᒥ ᐸᐸᑦᑎᔨᒃᑯᓐᓄᑦ, ᐊᒻᒪᓗ ᑲᑎᒪᔨᐅᓯᒪᒻᒥᔪᖅ ᓄᓇᕗᑦᒥ ᐃᒥᐊᓗᓕᕆᓂᕐᒧᑦ ᑲᑎᒪᔨᖏᓐᓄᑦ. ᐃᑲᔪᖅᑎᐅᖃᑦᑕᖅᑐᑦ ᐃᖃᓗᒃᑑᑦᑎᐊᑉ ᒪᓕᒐᓕᕆᔨᒃᑯᑦ ᑲᑎᒪᔨᕋᓛᖏᓐᓂ, ᐊᒻᒪᓗ ᓄᓇᓕᓐᓂ ᐅᓇᓕᒃᓴᕋᓛᓂᒃ ᑲᒪᖃᑦᑕᖅᑐᓂ. ᒥᔅᑕ ᐅᕼᐅᒃᑲᓐᓄᐊᒃ ᐋᖏᖃᑎᒌᑦᑎᑦᑎᓇᓱᓚᐅᖅᑐᖅ ᑖᒃᓱᒥᖓ Polarnet-ᒥᒃ ᐊᖅᑯᑎᐅᖁᓪᓗᓂᐅᒃ Globalstar ᓂᐅᕕᐊᒃᓴᖃᑦᑎᐅᓪᓗᓂ ᖃᖓᑦᑕᖅᑎᑕᐅᓯᒪᔪᒃᑯᑦ ᐅᖄᓚᐅᑎᓂᒃ. ᐊᒻᒪᓗᒃᑕᐅᖅ ᓴᓇᔪᓕᕆᓂᕐᒧᑦ ᐊᔪᓐᖏᒻᒪᕆᑦᑎᓪᓗᒍ, ᐃᓄᓐᓂᒃᑕᐅᖅ ᐱᓕᕆᖃᑎᖃᕈᓐᓇᑎᐊᕐᒥᔪᖅ.

see more
ᑲᑎᒪᔨ
ᐊᕐᕕᐊᑦ

ᐃᐅᕆᒃ ᐊᓄᐃ ᓄᑲᖅᑎᖅ ᐊᐅᓚᑦᑎᒋᐊᙵᓚᐅᖅᓯᒪᔪᖅ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐊᑐᕋᒃᓴᒥᑦ ᐃᑭᐊᖅᑭᔾᔪᑎᓂᑦ ᐊᒻᒪᓗ ᐃᖅᑲᓇᐃᔮᖃᖅᓯᒪᓂᑰᓪᓗᓂ ᐊᔾᔨᒌᙱᑦᑐᓂᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᐊᓂᑦ ᐱᖃᓯᐅᑎᓪᓗᒋᑦ ᐊᕐᕕᐊᓂ ᐊᑐᖅᑕᐅᖃᑦᑕᕐᓂᑯᑦ ᐃᑭᐊᖅᑭᕕᖓ ᐊᒻᒪᓗ ᐊᕐᕕᐊᓂ ᐃᒡᓗ ᐃᑭᐊᖅᑭᕕᖓ.  ᐃᖅᑲᓇᐃᔮᖃᖅᑐᖅ ᐊᔾᔨᒌᙱᑦᑐᓂᑦ ᑐᓴᐅᒪᖃᑦᑕᐅᑎᔾᔪᑎᓕᕆᓂᕐᓂᑦ ᓲᕐᓗ ᑕᕐᕆᔮᒃᓴᓕᕆᓂᕐᒧᑦ, ᐃᑭᐊᖅᑭᕕᓕᐅᕐᓂᖅ, ᖃᕋᓴᐅᔭᖅᑎᒍᑦ ᓴᓇᓂᖅ ᓇᒻᒥᓂᖅ ᐱᓕᕆᐊᕆᓪᓗᓂᒋᑦ ᐊᒻᒪᓗ ᐃᖅᑲᓇᐃᔮᖓᓄᑦ ᑐᓴᐅᒪᖃᑎᒌᑦᑐᓕᕆᓂᕐᒧᑦ ᑲᒪᔨ ᓄᓇᕗᑦ ᒐᕙᒪᖏᓐᓄᑦ, ᐃᓕᓐᓂᐊᕐᓂᓕᕆᔨᒃᑯᓐᓄᑦ.  ᒥᔅᑕ ᐊᓄᐃ ᐊᕐᕕᐊᑦ ᕼᐊᒻᓚᖓᑕ ᑲᑎᒪᔨᐅᖃᑕᐅᕗᖅ, ᑮᓇᐅᔭᓕᕆᔨᐅᓪᓗᓂ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᑎᒥᖓᓄᑦ, ᐃᓚᒋᔭᐅᔪᖅ ᓄᓇᕗᒥ ᑕᕐᕆᔮᒃᓴᓕᐅᕐᓂᕐᒧᑦ ᑎᒥᖓᑕ ᑲᑎᒪᔨᖏᓐᓄᑦ, ᐊᒻᒪᓗ ᐱᒋᐊᖅᑎᑦᑎᓚᐅᖅᓯᒪᓪᓗᓂ ᐊᒻᒪᓗ ᐱᓕᕆᔨᐅᓪᓗᓂ ᐊᕐᕕᐊᓂ ᑕᕐᕆᔮᒃᓴᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ.  ᒥᔅᑕ ᐊᓄᐃ ᐃᓄᒃᑎᑐᑦ ᐃᓕᓴᐃᔨᐅᓪᓗᓂ ᐱᕈᕐᕕᒻᒧᑦ.  ᒥᔅᑕ ᐊᓄᐃᑉ ᐊᑖᑕᒋᓚᐅᖅᓯᒪᔭ, ᐃᐅᕆᒃ ᐊᓄᐃ ᐊᖓᔪᒃᑎᖅ, ᐃᓕᖅᑯᓯᓕᕆᓂᕐᒧᑦ ᐅᖃᐅᔾᔨᒋᐊᖅᑎᐅᓚᐅᖅᓯᒪᔪᖅ ᐃᓕᓴᐃᔨᐅᓪᓗᓂᓗ.  ᒥᔅᑕ ᐊᓄᐃ ᐊᖓᔪᒃᑎᖅ ᒐᕙᒪᑐᖃᒃᑯᓐᓄᑦ ᐃᓕᑕᕆᔭᐅᓚᐅᖅᓯᒪᔪᖅ 1980−ᐅᑎᓪᓗᒍ, ᑐᒃᓯᐊᕐᕕᒻᒥ ᐃᑲᔪᖅᑎᐅᓪᓗᓂ, ᐃᖅᑲᖅᑐᐃᔨᕋᓛᖑᓪᓗᓂ, ᓄᓇᓕᓐᓂ ᓯᕗᓕᖅᑎᐅᓪᓗᓂ, ᐊᒻᒪᓗ ᐃᓄᒃᑎᑐᑦ ᐃᓕᓴᐃᔨᐅᓚᐅᖅᓯᒪᓪᓗᓂ.  ᒥᔅᑕ ᐊᓄᐃ ᐊᓈᓇᖓ ᒥᖅᓱᖅᑎᐅᓚᐅᖅᓯᒪᕗᖅ ᐃᓅᔭᓕᐅᓲᖑᓚᐅᖅᓯᒪᓪᓗᓂ ᕿᓯᓐᓂᑦ ᐊᑐᖅᑐᓂ, ᐃᕐᓂᓱᒃᓰᔨᐅᓚᐅᖅᓯᒪᓪᓗᓂ, ᐃᓅᓯᖃᑦᑎᐊᕐᓂᕐᒧᑦ ᐃᑲᔪᖅᑎᐅᓚᐅᖅᓯᒪᓪᓗᓂ ᐊᒻᒪᓗ ᐊᖏᕐᕋᒥ ᐱᓕᕆᐊᒃᓴᓄᑦ ᐃᓕᓴᐃᔨᐅᓚᐅᖅᓯᒪᓪᓗᓂ, ᐊᒻᒪᓗ ᑐᒃᓯᐊᕐᕕᒻᒥ ᐊᕐᓇᐃᑦ ᐃᑲᔪᖅᑎᐅᖃᑕᐅᓪᓗᓂ.

see more
ᑲᑎᒪᔨ
ᑭᓐᖓᐃᑦ

ᒥᔅᑕ ᐱᐅᕆ ᕿᓂᖅ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑎᐅᕗᖅ ᑭᙵᕐᓂ.  ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᒃᑲᓐᓂᖁᔨᕗᖅ ᐃᓄᐃᑦ ᐊᒥᓱᑦ ᐱᔨᑦᑎᖅᑕᐅᒍᓐᓇᕐᓂᓕᒫᖏᓐᓂ ᒪᓕᑦᑐᒍ, ᐊᒻᒪᓗ ᖃᐅᔨᒪᓇᑦᑎᐊᖁᔨᓪᓗᓂ ᐃᓄᐃᑦ ᐃᑲᔪᖅᑐᖅᑕᐅᓂᐊᕐᒪᑕ ᐊᑐᑦᑎᐊᕐᓗᑎᑦ ᐃᑭᐊᖅᑭᔾᔪᑎᓂᑦ.  ᐃᑭᐊᖅᑭᔾᔪᑎᖃᖅᑐᑎᑦ, ᓄᓇᕗᒥᐅᑦ ᐋᖅᑭᒃᓱᐃᔪᓐᓇᕐᒪᑕ ᓄᑖᕐᒥᒃ ᓄᓇᕗᒥ − ᐃᓄᐃᑦ ᑐᓴᐅᒪᖃᑎᒌᒍᓐᓇᓂᖅᓴᐅᒍᓐᓇᕐᓗᑎᑦ ᐱᔭᕆᐊᑭᑦᑐᒃᑯᑦ.  ᒥᔅᑕ ᐱᐅᕆ ᐃᖅᑲᓇᐃᔭᖅᑐᖅ ᕼᐊᒻᓚᒃᑯᓐᓄᑦ ᐊᒻᒪᓗ ᓄᓇᓕᓐᓂ ᑕᓚᕖᓴᓕᕆᓂᕐᒧᑦ ᑲᒻᐸᓂᒥᒃ ᐊᐅᓚᑦᑎᓪᓗᓂ.  ᓄᓇᕗᒥᐅᑕᐅᑯᑖᒃᑐᖅ, ᐃᖃᓗᓐᓄᑦ ᓅᓚᐅᖅᓯᒪᔪᖅ 1978−ᖑᑎᓪᓗᒍ ᐊᒻᒪᓗ ᑭᙵᕐᓄᑦ ᓅᑦᑐᓂ ᐃᖅᑲᓇᐃᔭᕆᐊᖅᑐᓂ ᑭᙵᕐᓂ ᑯᐊᐸᒃᑯᖓᓄᑦ 1983−ᖑᑎᓪᓗᒍ.  ᐃᖅᑲᓇᐃᔭᕆᐊᓯᖔᓕᓚᐅᖅᓯᒪᒻᒥᔪᖅ ᓴᓇᔪᓕᕆᔨᒃᑯᓐᓄᑦ, ᓄᓇᑦᓯᐊᑉ ᒐᕙᒪᖓᓄᑦ, ᐊᒻᒪᓗ ᐅᓪᓗᒥᐅᔪᖅ ᕼᐊᒻᓚᑯᓐᓄᑦ ᐃᖅᑲᓇᐃᔭᓕᖅᑐᓂ.

see more
ᑲᑎᒪᔨ
ᐃᖃᓗᐃᑦ
ᑲᑎᒪᔨ
ᐃᖃᓗᒃᑑᑦᑎᐊᖅ
ᑲᑎᒪᔨ
ᐊᕐᕕᐊᑦ
Board Member
IQALUIT
BOARD MEMBER APPOINTED BY NTI
IQALUIT