ᐃᓚᒋᔭᐅᔪᑦ

ᐱᓕᕆᐊᖃᖃᑦᑕᕈᒪᓲᖑᕖᑦ ᐃᑭᐊᖅᑭᔾᔪᑎᓕᕆᓂᕐᒥᒃ ᐊᒻᒪᓗ ᐊᓯᖏᓐᓂᒃ ᑐᓴᐅᒪᖃᑦᑕᐅᑎᔾᔪᑎᓕᕆᓂᕐᒧᑦ ᐱᔾᔪᑎᓂᑦ ᓄᓇᕗᒥ? ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖃᑭᒍᑎᒃᓴᓕᐅᖅᐸᙱᑦᑐᑦ ᐃᓚᒋᔭᐅᔪᖁᑎᖃᖅᑐᓂ ᓄᓇᕗᒥᐅᑕᓂᑦ − ᐃᓕᑦᑐᑦ.

ᐃᓚᒋᔭᐅᓗᑎᑦ, ᑐᓴᕆᐊᖅᑎᑕᐅᖃᑦᑕᕋᔭᖅᑐᑎᑦ ᖃᕋᓴᐅᔭᖅᑎᒍᑦ ᐃᕐᖐᓐᓇᖅ ᐱᕙᓪᓕᐊᒍᑎᒋᔭᐅᓂᖓᓂᑦ ᑐᓴᐅᒪᖃᑦᑕᐅᑎᔾᔪᑎᓕᕆᓂᕐᒧᑦ ᐱᔨᑦᑎᕋᕈᑎᓂᑦ ᓄᓇᕗᒥ.  ᐃᓚᒋᔭᐅᒍᕕᑦ ᓂᕈᐊᕈᓐᓇᖃᑦᑕᕋᔭᕐᒥᔪᑎᑦ ᑲᑎᒪᔨᓂᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᕐᕌᒍᑕᒫᑦ ᑲᑎᒪᕕᔾᔪᐊᓕᕋᐃᑉᐸᑕ.  ᐃᓚᒋᔭᐅᔪᒪᓕᕐᓂᕈᕕᑦ, ᓇᕿᓪᓗᒍ ᓈᑎᕆᐊᓕᒃ ᓴᖅᑭᕋᔭᖅᑐᖅ ᐃᓚᒋᔭᐅᓂᕐᒧᑦ ᑎᑎᕋᕐᕕᒃᓴᖅ ᓈᑎᕆᐊᓕᒃ, ᑎᑎᕋᕐᓗᑎᑦ ᑐᑭᓯᒋᐊᕈᑎᖕᓂᑦ, ᐊᒻᒪᓗ ᐅᑎᖅᑎᓪᓗᒍ ᓱᑲᑦᑐᒃᑯᑦ ᖃᕋᓴᐅᔭᖅᑎᒍᓪᓘᓐᓃᑦ.  ᐊᑭᖃᙱᑦᑐᖅ ᐃᓚᒋᔭᐅᓕᕐᓗᓂ ᐊᒻᒪᓗ ᓄᓇᕗᒥᐅᑕᐅᔭᕆᐊᖃᖅᑐᑎᑦ ᐊᒻᒪᓗ ᐅᑭᐅᖃᕐᓗᑎᑦ 19 ᐅᖓᑖᓄᓪᓗ ᐃᓚᒋᔭᐅᔪᓐᓇᖁᓪᓗᑎᑦ.