Latest News
ᐱᓕᕆᕝᕕᒃ ᐅᑭᐅᖅᑕᖅᑐᒧᑦ ᓴᒃᑯᐃᕗᑦ ᐅᑭᐅᖅᑕᖅᑐᑉ ᑲᓱᖅᑎᑕᐅᓯᒪᓂᖓ ᐃᑭᐊᖅᑭᔾᔪᑎᓄᑦ ᐅᓂᒃᑳᖅ

Posted on: 29-July-2013

ᐱᓕᕆᕝᕕᒃ ᐅᑭᐅᖅᑕᖅᑐᒧᑦ ᓴᒃᑯᐃᕗᑦ ᐅᖄᓚᐅᓯᕆᓂᕐᒧᑦ ᐊᒻᒪᓗ ᓄᑭᓪᓚᐅᑎᓄᑦ ᐃᑭᐊᖅᑭᔾᔪᑎᓂᑦ ᑲᓱᖅᑎᑕᐅᓯᒪᓂᖏᑦ: ᓄᓇᙳᐊᓕᖅᓱᕐᓗᒍ ᐊᑯᓂᐅᔪᒧᑦ ᓇᓖᕌᕋᒃᓴᐅᔪᑦ ᑲᓇᑕᑉ ᐅᑭᐅᖅᑕᖅᑐᖓᓄᑦ , ᐅᓂᒃᑳᖅ ᐅᑭᐅᖅᑕᖅᑐᖅ ᑲᓱᖅᑎᑕᐅᓯᒪᓂᖓᓄᑦ. 

 

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖁᕕᐊᓱᑉᐳᑦ ᐅᓂᒃᑳᓕᐊᕆᔭᒥᓂᐅᔪᒥᑦ ᐊᔾᔨᖃᕐᒪᑦ ᐊᒥᓱᓂᑦ ᐃᓲᒫᓘᑎᑦᑎᓐᓂᑦ ᐊᒻᒪᓗ ᐊᑐᓕᖁᓯᒪᔭᖏᓐᓂᒃ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑕᒪᒃᑯᐊᓗ ᐅᖃᐅᓯᕆᖃᑦᑕᖅᓯᒪᓕᖅᑐᓂᒋᑦ ᐊᒥᓲᔪᓄᑦ ᐊᕐᕌᒍᓄᑦ:

 

  1. ᒫᓐᓇ ᑲᒪᒋᔭᐅᔭᕆᐊᖃᓕᕐᒪᑦ:  ᐅᓪᓗᒥᐅᔪᖅ ᑮᓇᐅᔭᖃᖅᑎᑕᐅᓂᕗᑦ ᐃᓱᓕᑦᑎᓛᕐᒪᑦ 2016-ᖑᓕᖅᐸᑦ, ᐅᓪᓗᒥᐅᔪᖅ ᓄᓇᕗᑉ ᖃᕋᓴᐅᔭᖅᑎᒍᑦ ᐃᑭᐊᖅᑭᔾᔪᑎᓂᒃ ᐊᑐᖅᐸᑦᑐᑦ ᐊᒥᓲᓂᖏᓐᓄᑦ ᐊᒥᒐᖅᓯᓗᐊᖅᑐᓂ.  ᐊᒥᓱᑦ ᐅᓂᒃᑲᑦ ᓴᖅᑭᖅᓯᒪᓕᖅᑐᑦ ᐊᕐᕌᒎᓕᖅᑐᓂᑦ ᐊᒥᓱᓂᑦ ᓇᓗᓇᐃᖅᓯᓯᒪᓪᓗᑎᑦ ᖃᓄᐃᑦᑐᑦ ᐱᑕᖃᙱᑦᑐᒡᒍᑕᐅᒻᒪᖔᑕ ᐊᒻᒪᓗ ᑐᐊᕕᕐᓇᕐᓂᕆᓕᖅᑕᖓ ᐸᕐᓇᐅᑎᓕᐅᖅᓯᒪᔪᖃᕐᓗᓂ ᐅᑭᐅᖅᑕᖅᑐᒧᑦ ᐅᖄᓚᐅᓯᕆᔭᐅᓂᖏᓐᓄᑦ ᑐᓴᐅᒪᖃᑎᒌᒍᑎᖃᕐᓂᖏᓐᓄᓪᓗ.
  2. ᓄᑭᓪᓚᐅᑏᑦ ᐃᑭᐊᖅᑭᔾᔪᑎᖏᑦ ᐊᑐᖅᑕᐅᖃᑦᑕᕆᐊᖃᓪᓚᕆᑦᑐᑦ:  ᑲᓇᑕᑉ ᒪᓕᒐᕋᓛᓕᐅᕐᓂᖏᑕ ᑐᙵᕕᖏᑦ ᐊᒻᒪᓗ ᐱᔨᑦᑎᕋᕈᑏᑦ ᐊᑦᑎᓛᖑᔪᑦ ᐱᔭᐅᓇᓱᒃᑎᓪᓗᒋᑦ ᐅᑭᐅᖅᑕᖅᑐᒧᑦ ᐅᖄᓚᐅᓯᕆᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᓄᓪᓗ ᖃᕋᓴᐅᔭᖅᑎᒎᖓᔪᑦ ᓱᖏᐅᑎᔭᕆᐊᓖᑦ.
  3. ᑲᑐᔾᔭᐅᔪᒥᒃ ᐱᑕᖃᕆᐊᓕᒃ ᐃᑭᐊᖅᑭᔾᔪᑏᑦ ᐊᐅᓚᔾᔪᑎᖏᑕ ᐱᖁᑎᕐᔪᐊᖏᑦ ᒐᕙᒪᒃᑯᓐᓄᑦ ᐊᑐᖅᐸᑦᑐᑦ ᑭᓴᕆᔭᐅᓗᑎᑦ:  ᑖᓐᓇ ᐊᑐᓕᖁᔭᐅᓚᐅᖅᓯᒪᔪᖅ 2002-ᖑᑎᓪᓗᒍ ᓄᓇᕘᒥ ᓄᑭᓪᓚᐅᑎᒃᑯᑦ ᐃᑭᐊᖅᑭᔾᔪᑎᑖᕐᓂᕐᒧᑦ ᐱᓕᕆᔩᑦ ᑲᑎᒪᔨᖏᑦ ᑭᓯᐊᓂᓕ ᐊᑐᓕᖅᑎᑕᐅᓪᓚᑦᑖᓚᐅᖅᓯᒪᙱᑦᑐᑎᑦ.
  4. ᐃᓄᐃᑦ ᐃᓚᐅᖃᑕᐅᓗᑎᑦ ᓇᒻᒥᓂᖃᖃᑕᐅᓗᑎᑦ ᐊᒻᒪᓗ ᐱᔨᑦᑎᕋᕈᑎᓂᑦ:  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓯᕗᒧᐊᑦᑎᑦᑎᓚᐅᖅᓯᒪᕗᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔨᒃᑯᑦ ᐊᑐᖅᑕᐅᓂᐊᕐᓗᓂ ᐃᓄᐃᑦ ᓇᒻᒥᓂᖃᖅᑐᑦ ᑳᓐᑐᕌᒃᑦ−ᑕᐅᖃᑦᑕᕐᓗᑎᑦ ᕿᓂᒃᑯᓐᓄᑦ.  ᕿᓂᒃᑯᑦ ᓴᖅᑭᓚᐅᖅᓯᒪᒻᒪᓂᑦ, ᑖᒃᑯᐊ ᓇᒻᒥᓂᖃᖅᑐᑦ ᓄᓇᕗᒥ ᑮᓇᐅᔭᖅᑖᖅᓯᒪᓕᖅᑐᑦ ᐃᒪᓐᓇᐸᓗᒃ $6 ᒥᓕᐊᓐᓂᒃ ᐱᓕᕆᖃᑦᑕᕐᓂᑯᖏᓐᓄᑦ.  ᐊᑯᓂᐅᔪᖅ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖃᐅᔨᓴᖅᓯᒪᓕᖅᑐᑦ ᐅᖄᓚᐅᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᓕᕆᔾᔪᑎᓄᓪᓗ ᐱᔨᑦᑎᕋᕈᑎᖏᑦ ᑲᓛᖡᑦ ᓄᓈᓐᓂ ᐊᑐᖅᑕᐅᕙᑦᑐᑦ ᐊᔪᕆᑕᐅᓗᑎᑦ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐅᑉᐱᕈᓱᑉᐳᑦ ᐊᔪᕐᓇᕋᓱᒋᔭᐅᒐᓂ ᐃᓄᐃᑦ ᓇᒻᒥᓂᖁᑎᓖᑦ ᑯᐊᐳᕇᓴᖏᓐᓄᑦ ᑲᒪᒋᔭᐅᓂᖅᓴᐅᓕᕐᓗᓂ ᑕᒪᓐᓇ ᐅᖄᓚᐅᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᓕᕆᔾᔪᑎᓂᓪᓗ.