ᓄᓇᕘᒥ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑎᒌᑦᑐᓕᕆᓂᕐᒧᑦ ᖃᕋᓴᐅᔭᓕᕆᔾᔪᑏᑦ

ᓄᓇᕘᒥ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑎᒌᑦᑐᓕᕆᓂᕐᒧᓪᓗ ᖃᕋᓴᐅᔭᖏᑦ ᐊᒃᓱᕈᕈᑕᐅᔪᑦ ᐅᓪᓗᒥ

ᐊᓂᒎᑎᖃᕋᓱᐊᖃᑦᑕᕐᓂᖅ ᐃᑭᐊᖅᑭᔾᔪᑎᓖᑦ ᐃᑭᐊᖅᑭᔾᔪᑎᖃᙱᑐᓪᓗ ᐊᕕᒃᓯᒪᓂᖏᑦ

ᐊᑐᕋᒃᓴᐅᔪᓂᑦ ᐊᑭᑐᓗᐊᙱᑦᑐᓂᓗ ᓄᓇᒃᑯᑦᓄᑭᓪᓚᐅᑎᖃᖅᑐᑎᒍᑦ ᐅᖄᓚᐅᑎᖃᕆᐊᖃᕐᓂᕋᖅᑕᐅᒐᓗᐊᖅᑎᓪᓗᒋᑦ ᓄᓇᕗᒥᐅᑦ ᐊᒻᒪᓗ ᐃᑲᔪᖅᑐᖅᑕᐅᓪᓗᓂ ᑲᓇᑕᒥ ᐃᑲᔫᓯᐊᖅᑖᕐᓂᕐᒧᑦ ᑮᓇᐅᔭᖃᕐᕕᖓᓂ, ᓄᑭᓪᓚᐅᑎᑎᒍᑦ ᐃᑭᐊᖅᑭᔾᔪᑎᖃᕈᓐᓇᕐᓂᖏᑦ ᐃᑲᔪᖅᑐᖅᑕᐅᖃᑦᑕᕐᓂᑰᕗᑦ ᐊᒥᓱᐊᖅᑎᖅᑐᑎᑦ ᒐᕙᒪᒃᑯᑦ ᐱᓕᕆᐊᖏᓐᓄᑦ ᑕᒪᒃᑯᐊᓗ ᐃᓱᓕᑦᑎᖃᑦᑕᖅᑐᑎᑦ ᐃᑲᔫᑎᖃᖅᑎᑦᑎᓂᖏᑦ, ᑭᖑᓪᓕᖅᐹᖓ ᐃᑲᔫᓯᐊᖅᑖᕐᓂᑯᕆᓯᒪᔭᕗᑦ ᐃᓱᓕᑦᑎᓛᓕᖅᑐᓂ 2016-ᖑᓕᖅᐸᑦ.  ᖁᓖᑦ ᐊᕐᕌᒍᑦ ᐅᖓᑖᓄᓪᓗ, ᐃᑭᐊᖅᑭᔾᔪᑏᑦ ᐱᔨᑦᑎᖅᑕᐅᒍᓐᓇᕐᓂᖏᑦ ᓄᓇᕗᒥ ᐱᐅᓯᕚᓪᓕᒐᓛᖃᑦᑕᕐᓂᑰᒐᓗᐊᑦ ᐱᔨᑦᑎᖅᑕᐅᓂᖏᑦ ᑲᓇᑕᑉ ᓂᒋᐊᓂ ᐱᐅᓯᔮᓪᓕᖅᓯᒪᕕᔾᔪᐊᖅᑐᑎᑦ.  ᐅᓪᓗᒥᐅᔪᖅ ᑐᓴᐅᒪᖃᑎᒌᒍᑎᓕᕆᔩᑦ ᓈᒻᒪᑦᑐᒥᒃ ᐊᑐᐃᓐᓇᐅᒪᑎᑦᑎᙱᓚᑦ ᐊᓯᔾᔨᖅᐸᓪᓕᐊᔪᑦ ᑭᙴᒪᒋᔭᑦ ᒪᓕᑦᑐᖏᑦ ᐊᒻᒪᓗ ᐊᑐᖅᑕᐅᒍᒪᔪᑦ ᓄᓇᕗᒥ ᐊᑐᖅᐸᑦᑐᓄᑦ ᐃᑭᐊᖅᑭᔾᔪᑎᓂᑦ ᐊᒻᒪᓗ ᐊᓯᔾᔩᔪᖃᖅᑐᒻᒪᕆᐅᙱᑉᐸᑦ, ᑕᒪᓐᓇ ᐊᕕᒃᓯᒪᓂᖓ ᐊᔾᔨᒌᙱᓐᓂᖏᑦ ᐅᑭᐅᖅᑕᖅᑐᒥ ᖃᓪᓗᓈᓂᓗ ᐊᖏᓪᓕᕙᓪᓕᐊᑐᐃᓐᓇᕐᓂᐊᕐᒪᑦ.

ᑕᒪᐃᓐᓂᑦ ᓄᓇᓖᑦ ᓄᓇᕗᒥ ᐱᔭᕆᐊᖃᖅᐳᑦ ᐊᒻᒪᓗ ᓇᓕᒧᒌᑦᑐᒥᒃ ᑐᓴᐅᒪᖃᑦᑕᐅᑎᑖᕐᓗᑎᑦ ᐱᔨᑦᑎᖅᑕᐅᓂᖏᑎᒍᑦ ᐊᒻᒪᓗ ᖃᓄᐃᑦᑐᑐᐃᓐᓇᖅ ᐸᕐᓇᐅᑎᐅᔪᖅ ᐊᒻᒪᓗ ᖃᓄᐃᑦᑐᑐᐃᓐᓇᑦ ᓄᓇᓖᑦ ᐃᓚᐃᓐᓇᖏᓐᓄᑦ ᐱᔨᑦᑎᖅᑕᐅᓂᐊᕈᑎᑦ ᐱᔭᕇᖅᓯᒪᙱᓚᖅ, ᓈᒻᒪᙱᓚᕐᓗ, ᓇᓕᒧᓐᓂᖃᕋᓂᓗ.  ᐊᑕᐅᓯᑐᖃᖅ ᖃᕋᐅᓴᔭᖅ, ᐊᑕᐅᓯᑐᐊᖅ ᓂᐅᕕᕐᕕᐅᔪᓐᓇᖅᑐᖅ ᐱᔨᑦᑎᕋᖅᑎᓘᓐᓃᑦ ᐃᑭᐊᖅᑭᔾᔪᑎᖃᖅᑎᑦᑎᓗᓂ ᓄᓇᕗᑉ ᑭᙴᒪᒋᔭᓕᒫᖏᓐᓂᒃ ᐊᑐᐃᓐᓇᐅᒪᑎᑦᑎᔪᓐᓇᔾᔮᙱᒻᒪᑦ, ᐅᕝᕙᓘᓐᓃᑦ ᐅᑭᐅᖅᑕᖅᑐᓕᒫᑉ ᑭᙴᒪᒋᔭᖏᓐᓂᒃ.  ᐊᒃᓱᕈᕈᑕᐅᔪᖅ ᐋᖅᑭᓱᒃᔪᖃᕐᓗᓂ ᑮᓇᐅᔭᖃᖅᑎᑦᑎᓂᑉ ᐊᐅᓚᓂᖏᓐᓂᑦ, ᒪᑭᒪᔾᔪᑎᒃᓴᐅᓗᑎᑦ ᑖᒃᑯᐊ ᑮᓇᐅᔭᑦ, ᐃᑲᔪᖅᑐᖅᑕᐅᖁᓪᓗᒍ ᓇᓕᒧᒌᑦᑐᒥᒃ, ᐊᑭᑐᓗᐊᙱᑦᑐᒥᒃ ᐊᒻᒪᓗ ᑕᑎᒋᔭᒃᓴᒥᒃ ᐱᔨᑦᑎᕋᕈᑎᓂᑦ, ᐱᖃᓯᐅᑎᔭᐅᓗᑎᑦ ᓄᑭᓪᓚᐅᑏᑦ ᐃᑭᐊᖅᑭᔾᔪᑏᑦ, ᑕᒪᐃᓐᓂᑦ ᐅᑭᐅᖅᑕᖅᑐᑉ ᓄᓇᓕᖏᓐᓄᑦ, ᐊᑐᕐᓗᑎᑦ ᐱᐅᓛᕐᒥᒃ ᐃᑭᐊᖅᑭᔾᔪᑎᓕᕆᓂᕐᒧᑦ ᖃᕋᓴᐅᔭᓕᕆᔾᔪᑎᖏᓐᓂᒃ ᐱᐅᓛᕐᒥᒃ ᓄᓇᒦᑎᑕᐅᓗᓂ ᐊᒻᒪᓗ ᑲᔪᖏᖅᓴᐃᔾᔪᑎᒋᔭᐅᔪᓐᓇᕐᓗᓂ ᐊᑭᑦᑐᕋᐅᑎᓂᖅ ᖃᓄᖅᑑᕐᓂᖅ ᓄᓇᓕᓐᓄᑦ ᐃᑭᐊᖅᑭᔾᔪᑏᑦ ᐊᑐᐃᓐᓇᐅᒪᑎᑦᑎᒍᑕᐅᔾᔪᑎᖏᓐᓂᑦ.

ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᓕᕆᔾᔪᑎᓄᓪᓗ ᖃᕋᓴᐅᔭᖅᑎᒍᑦ ᐱᓕᕆᔪᓐᓇᖅᑐᑦ ᐊᒥᒐᖅᑐᑦ

ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᓕᕆᔾᔪᑎᓄᓪᓗ ᖃᕋᓴᐅᔭᖅᑎᒍᑦ ᐱᓕᕆᐊᖃᖃᑦᑕᖅᑐᑦ ᓄᓇᕗᒥ ᐱᕈᖅᐸᓪᓕᐊᔪᒻᒪᕆᐅᕗᖅ ᐊᒻᒪᓗ ᑲᒥᒐᖅᓯᓪᓗᑎᑦ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᓕᕆᔾᔪᑎᓄᓪᓗ ᖃᕋᓴᐅᔭᖅᑎᒍᑦ ᐱᓕᕆᔪᓐᓇᖅᑐᑦ ᓲᕐᓗ ᐃᖅᑲᓇᐃᔮᒃᓴᑦ ᐱᒋᐊᕋᑖᖅᑐᑦᓯᐅ ᐊᖓᔪᖅᑳᕆᔭᐅᔪᓄᑦ ᐊᐅᓚᑦᑎᔨᓄᑦ.  ᐃᖅᑲᓇᐃᔮᒃᓴᖅᑕᓕᒻᒪᕆᐅᓛᖅᑐᑦ ᐊᒥᓱᓂᑦ ᓄᓇᕗᒥᐅᑕᕐᓄᑦ ᐃᓄᐃᑦ ᖃᐅᔾᔨᐊᓚᑉᐸᓪᓕᐊᓕᕈᑎᑦ ᑕᒪᓐᓇ ᖃᕋᓴᐅᔭᓕᕆᓂᕐᒧᑦ ᐃᖅᑲᓇᐃᔮᖃᖃᑦᑕᖅᑐᑦ ᐃᖅᑲᓇᐃᔮᒃᓴᑦᑎᐊᕙᒻᒪᕆᐅᒻᒪᑕ, ᐊᒻᒪᓗ ᐱᓕᒻᒪᒃᓴᕐᓂᖅᓴᐅᓕᕐᓗᑎᑦ ᐃᓕᓐᓂᐊᖅᓯᒪᑦᑎᐊᕋᔭᕐᒪᑕ ᐅᓪᓗᒥᐅᔪᖅ ᐊᑐᖅᑕᐅᕙᑦᑐᑦ ᒪᓕᓪᓗᒋᑦ.