Projects
ᑕᓪᓕᒪᓄᑦ ᐊᕐᕌᒍᓄᑦ ᐱᓕᒻᒪᒃᓴᐃᑎᑦᑎᓂᕐᒧᑦ ᖃᓄᖅᑑᕈᑎ: ᐊᔪᙱᒍᓐᓇᕐᓂᓕᒫᖏᑦ ᒪᓕᓪᓗᒋᑦ ᐊᔪᕈᓐᓃᖅᑎᑕᐅᓗᑎᑦ ᓄᓇᕗᒥ

Broadband Training Strategy: Maximizing the Potential in Nunavut

ᐃᖅᑲᓇᐃᔭᖃᑎᒋᔭᐅᓪᓗᑎᑦ ᐋᕐᓗᒃ ᖃᐅᔨᒪᔨᒃᑯᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐋᖅᑭᒃᓱᐃᓚᐅᖅᐳᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᒻᒪᒃᓴᕐᓂᖅ ᖃᓄᖅᑑᕈᑎ: ᐊᔪᕈᓐᓃᕈᓐᓇᕐᓂᓕᒫᖏᑦ ᒪᓕᑦᑐᒋᑦ ᐊᔪᕈᓐᓃᖅᑎᑕᐅᓇᓱᓐᓂᖏᑦ ᓄᓇᕗᒥ, ᐋᖅᑮᔪᑦ ᖃᓄᖅ ᐱᓕᒻᒪᒃᓴᐃᑎᑦᑎᒍᓐᓇᕐᓂᐊᕐᒪᖔᑦ ᐊᒃᓱᕈᕈᑕᐅᒐᓗᐊᖅᑎᓪᓗᒋᑦ ᖃᓄᐃᓕᐅᕈᑕᐅᒍᓐᓇᖅᑐᓪᓗ ᐊᑐᖅᑕᐅᖁᓪᓗᒋᑦ ᖃᕋᓴᐅᔭᓕᕆᓂᕐᒧᑦ.  ᖃᓄᖅᑑᕈᑎᐅᔪᖅ ᑐᙵᕕᖃᓚᐅᖅᑐᖅ ᓄᐊᑉᐸᓪᓕᐊᓯᒪᔭᐅᔪᑦ ᐊᐱᖅᓲᑎᓂᑦ, ᑎᑎᕋᖅᑕᐅᓯᒪᔪᑦ ᕿᒥᕐᕈᔭᐅᓪᓗᑎᑦ ᖃᐅᔨᓴᖅᑕᐅᓪᓗᑎᑦ, ᖃᐅᔨᓇᓱᑦᑐᑎᑦ ᐊᐱᖅᓱᕐᓂᒃᑯᑦ, ᐊᒻᒪᓗ ᕿᒥᕐᕈᔭᐅᓪᓗᑎᑦ ᐱᐅᓛᑦ ᐊᑐᖅᑕᐅᓲᑦ ᐊᓯᖏᓐᓂᒃ ᓄᓇᓂ ᐊᕕᑦᑐᖅᓯᒪᔪᓂᓪᓗ ᑲᓇᑕᒥ.

ᖃᐅᔨᒋᐊᕐᕕᖃᖅᑐᑕ ᐊᔾᔨᖐᙱᑦᑐᓂᑦ ᐱᓕᒻᒪᒃᓴᐃᔩᑦ ᑲᑐᔾᔨᖃᑎᒌᖏᓐᓂᒃ ᑎᓰᕝᕙ 2005−ᖑᑎᓪᓗᒍ, ᐱᓕᒻᒪᒃᓴᐃᓂᐊᖅᑐᑦ ᐊᑐᖁᔨᓚᐅᖅᑐᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᓕᕆᐊᖃᕐᓂᖅᓴᐅᓗᑎᑦ ᐃᓕᓐᓂᐊᕈᑎᓂᑦ ᐃᓕᓐᓂᐊᓕᓵᖅᑕᐅᓲᓂᑦ ᐊᒻᒪᓗ ᐊᑐᐃᓐᓇᐅᒪᑎᑕᐅᓲᖑᓂᖏᓐᓂᑦ ᐃᑭᐊᖅᑭᔾᔪᑏᑦ ᐱᔨᑦᑎᕋᕈᑎᖏᓐᓂᑦ, ᐱᓕᕆᐊᖃᕐᓗᑎᑦ ᑭᙴᒪᒋᔭᖏᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑎᒍᑦ.  ᐊᕐᕌᒍᑦ ᐊᓂᒍᖅᓯᒪᓕᖅᑎᓪᓗᒋᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᓕᕆᐊᖃᓚᐅᖅᐳᖅ ᐋᖅᑭᒃᓱᐃᓪᓗᓂ ᖃᕋᓴᐅᔭᖅᑎᒍᑦ ᐃᓕᓐᓂᐊᕈᑎᓂᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᓐᓄᑦ.

ᐃᓚᐅᖃᑕᐅᓚᐅᖅᑐᑦ ᐋᖅᑭᒃᓱᐃᖃᑕᐅᓪᓗᑎᑦ ᖃᓄᖅᑑᕈᑎᒥᑦ ᐋᕐᓗᒃ ᖃᐅᔨᒪᔨᒃᑯᑦ, ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑦ, ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖏᑦ, ᓄᓇᓕᓐᓂ ᐱᓕᒻᒪᒃᓴᐃᔩᑦ ᑲᑐᔾᔨᖃᑎᒌᖏᑦ, ᐃᓕᓐᓂᐊᕐᓂᓕᕆᔨᒃᑯᑦ − ᓄᓇᕗᑦ ᒐᕙᒪᖏᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ.

ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑦᑎᓚᐅᖅᑐᑦ ᖃᓄᖅᑑᕈᑎᓕᐅᕈᓐᓇᖁᓪᓗᑕ.