Projects
ᖃᐅᔨᓴᕐᓂᖅ ᐊᑦᑐᐃᓂᖃᕐᓂᖓ ᐊᓂᒃ F2 ᖁᒻᒧᐊᑦᑎᑕᐅᓯᒪᔪᖅ

ᓄᓇᕘᒥ ᐊᒃᑑᕝᕙ 6 ᑲᑉᐳᔮᖅᑕᐅᓂᖓ − ᐅᓂᒃᑳᖅ ᐊᑦᑐᐃᓂᖃᕐᓂᖓ ᐊᓂᒃ F2 ᖁᒻᒧᐊᑦᑎᑕᐅᓯᒪᔪᖅ ᐊᑐᕋᒃᓴᐅᙱᓐᓂᖓ ᓄᓇᕗᒥ

ᓄᓇᕘᒥ ᐊᒃᑑᕝᕙ 6 ᑲᑉᐳᔮᖅᑕᐅᓂᖓ − ᐅᓂᒃᑳᖅ ᐊᑦᑐᐃᓂᖃᕐᓂᖓ ᐊᓂᒃ F2 ᖁᒻᒧᐊᑦᑎᑕᐅᓯᒪᔪᖅ ᐊᑐᕋᒃᓴᐅᙱᓐᓂᖓ ᓄᓇᕗᒥ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖃᐅᔨᓴᕆᐊᙵᓚᐅᖅᓯᒪᔪᑦ ᐊᑦᑐᐃᓂᖃᕐᓂᖓᓂᒃ ᑎᐊᓕᓵᑦ ᐊᓂᒃ F2 ᖁᒻᒧᐊᑦᑎᑕᐅᓯᒪᔪᖅ ᐊᒃᑑᕝᕙ 6, 2011-ᖑᑎᓪᓗᒍ ᐊᑐᕋᒃᓴᐅᙱᓐᓂᖓ.  ᐊᑐᕋᒃᓴᐅᙱᓐᓂᖓ ᖁᒻᒧᐊᑦᑎᑕᐅᓯᒪᔪᒃᑯᑦ ᐱᔨᑦᑎᕋᕈᑎᖏᓐᓂᒃ ᐊᔪᕐᓇᖅᓯᑎᑦᑎᑦᑎᐊᓚᐅᖅᑐᑦ 16−ᖑᔪᓂᑦ ᐃᑲᕐᕋᓂᑦ.  ᑕᐃᒪᐃᓐᓂᖓᓄᑦ ᓄᓇᕗᑦ ᐊᑦᑐᖅᑕᐅᓂᖓ ᐊᖏᔪᒻᒪᕆᐅᓚᐅᖅᑐᖅ: ᐃᑭᐊᖅᑭᔾᔪᑦ, ᐅᖄᓚᐅᑎᕋᓛᑦ ᐊᒻᒪᓗ ᐅᖓᓯᑦᑐᒧᑦ ᐅᖄᓚᒍᓐᓇᓚᐅᙱᑦᑐᑦ; ᑮᓇᐅᔭᒃᑯᕖᑦ ᒪᑐᓯᒪᓚᐅᖅᑐᑦ, ᑮᓇᐅᔭᓂᑦ ᐲᖅᓯᔾᔪᑏᓪᓗ ᐱᔪᓐᓇᓚᐅᙱᑦᑐᑦ, ᐊᒻᒪᓗ ᐊᐅᒃᑕᔫᒃᑯᑦ ᓂᐅᕕᕐᕕᒃᓴᐅᓚᐅᙱᑦᑐᖅ ᑮᓇᐅᔭᖅᑎᒍᑦ ᑭᓯᐊᓂ; ᐊᒻᒪᓗ ᖃᖓᑕᓲᑦ ᖃᖓᑦᑕᕈᓐᓇᓚᐅᙱᑦᑐᑦ.

ᖃᕋᓴᐅᔭᖅᑎᒍᑦ ᖃᐅᔨᓵᑦ ᓈᑎᖅᑕᒥᓃᑦ 182-ᖑᔪᓄᑦ ᐊᐱᖅᓱᖅᑕᒥᓂᕐᓄᑦ ᐊᐱᖅᓱᖅᑕᐅᔪᒪᓪᓗᑎᑦ ᓇᒻᒥᓂᖅ ᓄᕖᕝᕙ 7-ᖑᑎᓪᓗᒍ ᐊᒻᒪᓗ ᓄᕖᕝᕙ 20, 2011-ᖑᑎᓪᓗᒍ.  ᓂᕆᐅᓇᓚᐅᕐᓂᖓᓄᑦ ᐅᖃᓚᐅᖅᑐᑦ, ᑕᒪᐃᓐᓂᑦ ᑐᓴᐅᒪᖃᑎᒌᒍᑏᑦ ᐱᔨᑦᑎᕋᐅᑕᐅᓂᖏᑦ ᐊᑦᑐᐃᓂᖃᓚᐅᖅᑐᑦ ᐃᖅᑲᓇᐃᔭᖅᑏᑦ ᐱᓕᕆᔪᓐᓇᕐᓂᖏᓐᓄᑦ, 90%−ᖑᔪᑦ ᑭᐅᔪᑦ ᐅᖃᖅᑐᒥᓂᐅᕗᑦ ᐊᑦᑐᖅᑕᒥᓂᒻᒪᕆᐅᒻᒪᑕ ᐱᓕᕆᔪᓐᓇᕐᓂᖏᑦ ᐊᒃᓱᒻᒪᕆᐊᓗᒃ.  ᐱᓗᐊᖅᑐᒥᒃ, ᐃᑭᐊᖅᑭᔾᔪᑏᑦ ᐱᔨᑦᑎᕋᕈᑎᖏᑦ ᑐᓴᐅᒪᖃᑎᒌᒍᑎᒋᔭᓪᓚᕆᐅᓂᕋᖅᑕᐅᓚᐅᖅᑐᑦ ᐃᖅᑲᓇᐃᔭᖅᑎᖏᓪᓗᒋᑦ ᓄᓇᕗᒥ (62%−ᖑᔪᑦ ᐅᓪᓗᓕᒫᖅ ᐊᑐᓲᖑᓪᓗᑎᑦ, 29%−ᖑᔪᑦ ᐊᑐᓲᖑᓪᓗᑎᑦ ᐃᑭᐊᖅᑭᔾᔪᑎᓂᒃ 2-7 ᐃᑲᕐᕋᓂᑦ ᐅᓪᓗᖅ ᐊᑕᐅᓯᖅ) ᐊᒻᒪᓗ ᓇᓗᓇᐃᖅᑕᐅᓚᐅᖅᑐᓂ ᐱᒻᒪᕆᐅᓛᖑᓂᕋᖅᑕᐅᓂᖓᓄᑦ (67%) ᐅᕝᕙᓘᓐᓃᑦ ᐱᒻᒪᕆᕐᔪᐊᖑᓂᕋᖅᑕᐅᓪᓗᓂ (19%) ᐃᖅᑲᓇᐃᔭᖅᑐᓄᑦ.  ᐊᑦᑐᐃᓂᖃᕐᓂᖏᑦ ᓇᒻᒥᓂᖅ ᐃᓅᓯᖏᓐᓄᑦ ᓇᓕᒧᒌᑦᑐᒃᑯᑦ ᐊᑦᑐᖅᑕᐅᔪᒻᒪᕆᐅᓲᖑᓂᕋᖅᑕᐅᓪᓗᓂ.  ᐊᐱᕆᔭᐅᓪᓗᑎᑦ ᖃᓄᖅ ᖁᒻᒧᐊᑦᑎᑕᐅᓯᒪᔪᖅ ᐊᔪᖅᑐᒥᓂᐅᑎᓪᓗᒍ ᐊᑦᑐᐃᓂᖃᖅᑐᒥᓂᐅᒻᒪᖔᖅ ᐃᓅᓯᖏᓐᓄᑦ, ᑭᐅᔪᑦ ᐅᖃᖃᑦᑕᓗᐊᓚᐅᖅᑐᑦ ᐅᖓᓯᑦᑐᒦᑦᑑᔮᕐᓂᕋᖅᑐᑎᑦ ᐃᓱᒫᓗᒃᑐᑎᓪᓗ ᑐᓴᐅᒪᖃᑎᖃᕈᓐᓇᐃᓕᓂᖏᓐᓄᑦ ᖃᑕᙳᑎᒥᓄᑦ.  ᑭᐅᔪᑦ ᐅᖃᖃᑦᑕᓚᐅᕐᒥᔪᑦ ᐊᔪᖅᑐᒥᓂᐅᑎᓪᓗᒋᑦ ᑐᓴᐅᒪᖃᑎᒌᒍᑏᑦ ᐊᑯᓂᐅᓂᖅᓴᖅ ᐱᔪᓐᓇᐃᓕᓯᒪᓐᓂᕈᑎᑦ, ᐃᓱᒫᓗᓇᕐᓂᖅᓴᐅᒐᔭᕆᐊᖓᓂᒃ.  ᓱᓕᔪᖅ, ᐊᐱᕆᔭᐅᒻᒪᑕ ᖃᓄᑎᒋ ᐱᔪᓐᓇᕐᓂᙱᒃᑯᑎᑦ ᑐᐊᕕᕐᓇᕋᓱᒋᔭᐅᓂᕋᖅᑕᐅᒐᔭᕐᒪᖔᑕ ᓄᓇᖏᓐᓂ, 90%−ᖏᑦ ᑭᐅᔪᑦ ᐅᖃᖅᑐᒥᓂᐅᕗᑦ ᐱᓇᓱᐊᕈᓯᓕᒫᑦ ᐊᔪᕐᓂᕈᑎᑦ ᑐᓴᐅᒪᖃᑎᒌᒍᑏᑦ ᑐᐊᕕᕐᓇᖅᑑᓂᐊᕋᓱᒋᔭᒥᓂᐅᕗᑦ.

ᐱᔪᓐᓇᐃᓕᓯᒪᓚᐅᖅᑎᓪᓗᒋᑦ, ᖃᓄᖅᑑᖅᓯᒪᓕᖅᑐᑦ ᐊᑐᕈᓐᓇᖃᑦᑕᖁᓪᓗᒋᑦ ᑐᓴᐅᒪᖃᑎᒌᔾᔪᑎᓂᒃ (ᐊᓯᐊᓄᑦ ᖁᒻᒧᐊᑦᑎᑕᐅᓯᒪᔪᒧᑦ ᐊᑐᕈᓐᓇᕐᓗᑎᑦ) ᐃᓚᖏᓐᓂᑦ ᑭᓯᐊᓂᓕ ᓄᓇᕗᑉ ᓄᓇᓕᓕᒫᖏᑦ ᑕᐃᒪᐃᒍᓐᓇᙱᓚᑦ ᓱᓕ.

ᐅᖃᓕᒫᕐᓗᒍ ᑕᒪᐃᓐᓂᑦ ᑎᑎᕋᖅᑕᐅᓯᒪᔪᖅ ᐅᓂᒃᑳᖅ.