Projects
ᖃᕋᓴᐅᔭᓕᕆᔾᔪᑏᑦ ᐱᔨᑦᑎᕋᕈᑕᐅᔭᕆᐊᖃᕐᒥᔪᑦ

Nunavut's growing digital divide

ᑲᓇᑕᒥ ᓈᓚᐅᓯᕆᔨᒃᑯᑦ−ᑕᓚᕖᓴᓕᕆᔨᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᑲᒥᓴᙱᑦ (CRTC) ᐅᓪᓗᒥᐅᔪᖅ ᕿᒥᕐᕈᒻᒪᑕ ᑐᓴᐅᒪᖃᑎᒌᒍᑎᓂᑦ.  ᓴᖅᑭᕐᓂᖏᑦ ᐊᑦᑐᐃᓂᖃᕈᓐᓇᒻᒪᕆᓐᓂᐊᕐᒪᑕ ᓯᕗᓂᒃᓴᖏᓐᓂᒃ ᑐᓴᐅᒪᖃᑦᑕᐅᑎᓕᕆᔾᔪᑎᖏᓐᓂᒃ ᓄᓇᕗᒥ ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (NBDC) ᐃᓚᐅᖃᑕᐅᔪᑦ ᕿᒥᕐᕈᔪᖃᖅᑎᓪᓗᒍ.  ᐅᑯᓂᖓ ᖃᐅᔨᒪᔭᕆᐊᖃᖅᑐᑎᑦ ᕿᒥᕐᕈᔭᐅᔾᔪᑎᖏᓐᓂᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᑕ ᐱᓕᕆᐊᖏᓐᓂᑦ ᐊᒻᒪᓗ ᖃᓄᖅ ᐃᓚᐅᖃᑕᐅᔪᓐᓇᕐᒪᖔᖅᐱᑦ.

ᑭᒃᑰᒻᒪᑕ ᑲᓇᑕᒥ ᓈᓚᐅᓯᕆᔨᒃᑯᑦ−ᑕᓚᕖᓴᓕᕆᔨᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᑲᒥᓴᙱᑦ (CRTC) ᐊᒻᒪᓗ ᑭᓲᒻᒪᑦ ᑕᒪᓐᓇ ᕿᒥᕐᕈᓂᐅᔪᖅ?

ᑲᓇᑕᒥ ᓈᓚᐅᓯᕆᔨᒃᑯᑦ−ᑕᓚᕖᓴᓕᕆᔨᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᑲᒥᓴᙱᑦ (CRTC) ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᑎᐅᔪᑦ ᑲᑐᔾᔨᖃᑎᒌ ᒪᓕᒐᕋᓛᖃᖅᑎᑦᑎᔪᑦ ᓴᖅᑭᔮᖅᑎᑕᐅᕙᑦᑐᓂᑦ ᑐᓴᐅᒪᖃᑦᑕᐅᑎᓕᕆᔾᔪᑎᓂᓪᓗ ᑲᓇᑕᒥ.  ᑕᒪᓐᓇ ᕿᒥᕐᕈᓂᐅᔪᖅ “ᖃᐅᔨᓴᕐᓂᐊᕐᒪᑦ ᓇᓕᐊᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᑎᕋᕈᑎᖏᑦ ᑲᓇᑕᒥᐅᑦ ᐊᑐᕆᐊᖃᕐᒪᖔᕐᒥᒋᑦ ᐱᓗᓂᒋᑦ ᐃᓚᐅᖃᑕᐅᒍᓐᓇᑦᑎᐊᖁᓪᓗᒋᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᓗᑎᑦ ᐊᒻᒪᓗ ᑲᒥᓴᐅᔫᑉ ᐱᓕᕆᐊᖓ ᖃᐅᔨᒪᓇᑦᑎᐊᖅᑎᑦᑎᓲᑦ ᐊᑐᐃᓐᓇᐅᒪᑦᑎᐊᖁᓪᓗᒋᑦ ᐊᑭᑐᓗᐊᙱᑐᒃᑯᑦ ᑐᓴᐅᒪᖃᑦᑕᐅᑎᓕᕆᔾᔪᑎᑎᒍᑦ ᐱᔨᑦᑎᕋᕈᑏᑦ ᑲᓇᑕᒥᐅᑕᓕᒫᕐᓄᑦ.”  ᖃᐅᔨᒃᑲᓐᓂᕈᓐᓇᖅᐳᑎᑦ ᕿᒥᕐᕈᓂᖏᑕ ᑐᑭᓯᒋᐊᕈᑎᖏᓐᓂᒃ ᑕᐃᑲᓂ ᑐᓴᖅᑎᑦᑎᒍᑎᖏᑦ ᖃᐅᔨᒋᐊᕐᕕᖃᕐᓂᖏᓐᓄᑦ ᑐᓴᕆᐊᕐᕕᖃᖅᑐᑎᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (NBDC) ᖃᓄᐃᓕᖓᓂᖃᕐᓂᖓ ᓇᐃᓈᖅᓯᒪᔪᒃᑯᑦ

ᖃᕋᓴᐅᔭᓕᕆᓂᕐᒧᑦ ᓄᑭᓪᓚᐅᑎᖏᑦ ᐱᔨᑦᑎᕋᕈᑕᐅᓗᑎᑦ ᐊᑐᐃᓐᓇᐅᒪᑎᑕᐅᓇᓱᐊᕆᐊᖃᕐᒪᑕ, ᐃᑲᔪᖅᑐᖅᑕᐅᓗᑎᓪᓗ ᐊᑯᓂᐅᔪᒧᑦ ᑮᓇᐅᔭᖃᖅᑎᑕᐅᓗᑎᑦ ᒪᑐᐃᖓᔪᒃᑯᑦ ᑐᙵᕕᒋᔭᐅᓂᐊᕐᒪᑕ ᖃᕋᓴᐅᔭᓕᕆᔾᔪᑎᓄᑦ ᓄᑭᓪᓚᐅᑎᐅᓗᑎᑦ ᐊᒻᒪᓗ ᖁᒻᒧᐊᑦᑎᑕᐅᓯᒪᔪᒃᑰᖓᓗᑎᑦ ᐊᒻᒪᓗ ᐃᑲᔪᖅᑐᐃᓂᖃᕐᓗᑎᑦ ᐅᖄᓚᐅᑎᕋᓛᑎᒍᑦ ᐊᒻᒪᓗ ᐱᖁᑎᑎᒍᑦ ᐱᔨᑦᑎᕋᕈᑕᐅᓗᑎᑦ.  ᐱᓕᕆᐊᖃᕐᓂᖅᓴᐅᓗᑕ ᑮᓇᐅᔭᖃᖅᑎᑕᐅᒍᓐᓇᕐᓂᖏᓐᓂᒃ ᑐᙵᕕᒋᔭᐅᔪᑦ ᑕᒪᒃᑯᐊ ᐊᖅᑯᑕᐅᖃᑦᑕᓂᐊᖅᑐᑦ ᖃᕋᓴᐅᔭᓕᕆᔪᓐᓇᕐᓗᓂ, ᑭᒃᑯᓕᒫᑦ ᐃᑲᔪᖅᑕᐅᒐᔭᖅᑐᑦ: ᓄᓇᓕᒻᒥᐅᑦ, ᓇᒻᒥᓂᖃᖅᑎᐅᔪᑦ, ᕼᐊᒻᓚᐅᔪᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᖃᑭᒍᑎᒃᓴᓕᐅᙱᑦᑐᑦ ᑲᑐᔾᔨᖃᑎᒌᑦ, ᐊᒻᒪᓗᑦᑕᐅᖅ ᒐᕙᒪᒃᑯᑦ.  ᐃᓕᓴᖅᓯᓪᓗᑕ ᐊᓯᖏᓐᓂᒃ ᐊᕝᕕᐊᕈᑕᑕᖃᕐᒥᒻᒪᑦ ᖃᕋᓴᐅᔭᓕᕆᔾᔪᑎᑎᒍᑦ ᐊᑐᖅᑕᐅᒍᓐᓇᕐᓗᑎᑦ ᐊᒻᒪᓗ ᐊᑐᕈᓐᓇᕐᓂᕗᑦ ᓄᓇᕗᒥ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (NBDC) ᐊᔭᐅᕆᔨᐅᒋᕗᑦ ᑮᓇᐅᔭᖅᑖᕋᓱᐊᖃᑦᑕᖅᑐᑎᑦ ᐅᑯᓄᖓ:

  • ᑮᓇᐅᔾᔭᓴᑦᑎᐊᙱᑦᑐᑦ ᐃᒡᓗᒥᐅᖃᑎᒌᑦ
  • ᐃᓕᓐᓂᐊᕐᕕᓄᑦ, ᐅᖃᓕᒫᒐᖃᕐᕕᓄᑦ ᐊᒻᒪᓗ ᐊᓯᖏᑦ ᓄᓇᓕᓐᓂ ᑐᙵᕕᒋᔭᐅᔪᑦ ᐱᓕᕆᕝᕖᑦ
  • ᖃᕋᓴᐅᔭᒃᑯᑦ ᐅᖃᓕᒫᕆᐅᖅᓴᓂᕐᒧᑦ ᐱᓕᕆᐊᓄᑦ

ᐅᖃᓕᒫᒃᑲᓐᓂᕈᒪᕖᑦ?  ᐱᓗᒍ ᑕᒪᐃᓐᓂ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (NBDC) ᑐᓂᔭᒥᓂᖏᑦ.

ᖃᓄᖅ ᐃᓚᐅᖃᑕᐅᔪᓐᓇᖅᐲᑦ?

ᐅᑭᐊᒃᓵᖑᓕᖅᐸᑦ ᑲᓇᑕᒥ ᓈᓚᐅᓯᕆᔨᒃᑯᑦ−ᑕᓚᕖᓴᓕᕆᔨᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᑲᒥᓴᙱᑦ (CRTC) ᓴᖅᑮᓂᐊᖅᑐᑦ ᑭᖑᓪᓕᕐᒥ ᕿᒥᕐᕈᓂᖃᕐᓂᖏᓐᓂᒃ, ᐊᐱᕆᓗᑎᑦ ᑲᓇᑕᒥᐅᑕᕐᓂᑦ ᖃᓄᐃᑦᑐᓂᑦ ᐱᔨᑦᑎᖅᑕᐅᔭᕆᐊᖃᕐᒪᖔᑕ ᖃᕋᓴᐅᔭᒃᑯᑦ ᐱᕙᓪᓕᐊᓇᓱᐊᒍᓐᓇᖁᓪᓗᒋᑦ − ᐅᓪᓗᒥᐅᔪᖅ ᐊᒻᒪᓗ ᓯᕗᓂᒃᓴᒥ.  ᐱᒻᒪᕆᐅᕗᖅ ᓱᖅᑯᐃᓇᑦᑎᐊᖅᑐᑯᓗᖕᓂᒃ ᑐᓴᖅᑎᑦᑎᒍᑦᑕ ᑖᒃᑯᓄᖓ ᑲᓇᑕᒥ ᓈᓚᐅᓯᕆᔨᒃᑯᑦ−ᑕᓚᕖᓴᓕᕆᔨᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᑲᒥᓴᙱᓐᓄᑦ (CRTC) ᓄᓇᕗᑦ ᐱᐅᓂᖅᓴᓂᑦ ᖃᕋᓴᐅᔭᓕᕆᔾᔪᑎᖃᕆᐊᖃᕐᒪᑕ.  ᑕᕝᕙᓂ ᑭᖑᓪᓕᕐᒥ ᖃᐅᔨᒋᐊᕐᕕᖃᓕᖅᑎᓪᓗᒋᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒥᒃ ᐱᕙᓪᓕᐊᔪᓕᕆᔨᒃᑯᑦ ᑎᒥᖓ (NBDC) ᐋᖅᑮᓛᕐᒪᑕ ᐊᔭᐅᕆᔾᔪᑎᒥᒃ ᓄᐊᑦᑎᓗᑎᑦ ᐅᓂᒃᑳᖏᓐᓂᒃ ᓄᓇᕗᒥᐅᑕᕐᓂᑦ ᐊᒻᒪᓗ ᑐᓴᕐᕕᒋᔪᒪᓛᖅᑐᑎᑦ.

ᑭᓲᒻᒪᑦ ᐱᔨᑦᑎᕋᕈᑕᐅᔾᔪᑎᒋᔭᐅᖁᔭᐅᔪᑦ ᐱᓇᓱᐊᒐᖏᑦ? (BSO)

ᐱᔨᑦᑎᕋᕈᑕᐅᔾᔪᑎᒋᔭᐅᖁᔭᐅᔪᑦ ᐱᓇᓱᐊᒐᖏᑦ (BSO) ᐋᖅᑭᒃᑕᐅᓚᐅᖅᓯᒪᔪᑦ 1999-ᖑᑎᓪᓗᒍ ᐊᒻᒪᓗ ᑐᑭᑖᖅᑎᑦᑎᔪᑦ ᐋᖅᑭᒃᓯᒪᔭᐅᔪᓂᑦ ᐱᔨᑦᑎᕋᕈᑎᖏᑦ ᐊᑐᐃᓐᓇᐅᒪᔭᕆᐊᓖᑦ ᑕᒪᐃᓐᓄᑦ ᑲᓇᑕᒥᐅᑕᓕᒫᕐᓄᑦ.  ᑖᒃᑯᐊ ᐱᔨᑦᑎᕋᕈᑕᐅᔾᔪᑎᒋᔭᐅᖁᔭᐅᔪᑦ ᐱᓇᓱᐊᒐᖏᑦ (BSO) ᑲᒪᒋᔭᐅᑎᓪᓗᒋᑦ ᑕᐃᑲᓂ ᐊᑭᑐᔫᑕᐅᓗᐊᖅᑐᓂ ᓄᓇᓂ ᐊᑭᑭᓪᓕᒋᐊᖅᑎᑦᑎᒍᓐᓇᓲᑦ ᑲᓇᑕᒥ ᑮᓇᐅᔭᖏᑎᒍᑦ ᐊᖏᔪᑦ ᑐᓴᐅᒪᖃᑦᑕᐅᑎᓕᕆᔾᔪᑎᓄᑦ ᐱᔨᑦᑎᕋᖅᑏᑦ ᐊᑭᓖᒋᐊᖃᓲᖑᓪᓗᑎᑦ.  ᐅᓪᓗᒥᐅᔪᖅ ᐱᔨᑦᑎᕋᕈᑕᐅᔾᔪᑎᒋᔭᐅᖁᔭᐅᔪᑦ ᐱᓇᓱᐊᒐᖏᑦ (BSO) ᑐᑭᖓ ᐱᖃᓯᐅᔾᔨᑐᐃᓐᓇᖅᓯᒪᒻᒪᑦ ᐅᖄᓚᐅᑎᓄᑦ, ᖃᕋᓴᐅᔭᓕᕆᔾᔪᑎᓅᙱᑦᑐᖅ.  ᑐᑭᖓ ᐱᖃᐅᓯᔾᔨᑎᑦᑎᒍᑦ ᐱᔨᑦᑎᕋᕈᑕᐅᔾᔪᑎᒋᔭᐅᖁᔭᐅᔪᑦ ᐱᓇᓱᐊᒐᖏᑦ (BSO)−ᒃᑯᑦ ᐱᖃᓯᐅᔾᔨᒍᑎᑦ ᖃᕋᓴᐅᔭᓕᕆᔾᔪᑎᓂᑦ ᐊᐱᖅᑰᑕᐅᓗᐊᖅᑐᑦ ᕿᒥᕐᕈᓂᖃᖅᑎᓪᓗᒋᑦ.

ᖃᓄᖅ ᖃᕋᓴᐅᔭᓕᕆᔾᔪᑏᑦ ᑮᓇᐅᔭᖃᖅᑎᑕᐅᓯᒪᕙᑦ ᐅᑭᐅᖅᑕᖅᑐᒥ?

ᑖᒃᑯᐊ ᐃᑲᔪᕋᓱᑦᑑᒐᓗᐊᑦ, ᑭᓯᐊᓂᓕ ᐅᓪᓗᒥᐅᔪᖅ ᑲᒪᒋᔭᖃᕆᐊᙵᕈᑎᖏᑦ ᑕᑎᖃᖅᑐᑕ ᓂᐅᕕᐊᖑᒍᒪᓂᖏᑎᒍᑦ ᒪᓕᑦᑐᒋᑦ ᐊᑭᖃᖅᑎᑕᐅᓲᑦ ᐊᒻᒪᓗ ᒐᕙᒪᒃᑯᑦ ᐱᓕᕆᐊᖏᓐᓄᑦ ᐃᑭᐊᖅᑭᔾᔪᑎᓄᑦ ᐊᑐᖅᑕᐅᑎᑦᑎᓇᓱᐊᖅᑐᑎᑦ ᓄᓇᕗᒥ ᐊᒻᒪᓗ ᐊᓯᖏᓐᓂᒃ ᐅᖓᓯᑦᑐᒥᐅᑕᕐᓄᑦ ᖃᑦᑏᓐᓇᐅᔪᓂᓪᓗ ᐃᓄᖃᓲᓄᑦ ᑲᓇᑕᒥ ᑲᔪᓯᑦᑎᐊᖅᓯᒪᓂᖃᙱᑦᑐᖅ.  ᕿᒥᕐᕈᓗᒋᑦ ᓄᓇᕗᑦ ᐊᒻᒪᓗ ᑲᓇᑕᒥ ᐊᔾᔨᒌᙱᓐᓂᖏᑦ ᐃᑭᐊᖅᑭᔾᔪᑎᓕᕆᓂᕐᒧᑦ: 

Download speed over time

Monthly data usage over time