Projects
ᓱᑲᑦᑐᒃᑯᑦ ᖃᕋᓴᐅᔭᓕᕆᔾᔪᑏᑦ ᐃᓅᓯᕐᒧᑦᑮᓇᐅᔭᓕᐅᕈᓐᓇᓂᕐᒧᓪᓗ ᐊᑦᑐᐃᓂᖃᕐᓂᖏᑕ ᖃᐅᔨᓴᖅᑕᐅᓂᖏᑦ

ᓱᑲᑦᑐᒃᑯᑦ ᖃᕋᓴᐅᔭᓕᕆᔾᔪᑏᑦ ᐃᓅᓯᕐᒧᑦᑮᓇᐅᔭᓕᐅᕈᓐᓇᓂᕐᒧᓪᓗ ᐊᑦᑐᐃᓂᖃᕐᓂᖏᑕ ᖃᐅᔨᓴᖅᑕᐅᓂᖏᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᒋᐊᖅᑎᑦᑎᓯᒪᕗᑦ ᐃᓅᓯᕐᒧᑦ ᑮᓇᐅᔭᓕᐅᕈᓐᓇᕐᓂᕐᒧᓪᓗ ᐊᑦᑐᐃᓂᖃᕐᓂᖏᑦ ᖃᐅᔨᓵᕐᒥᒃ ᓄᐊᑦᑎᔪᖃᖁᓪᓗᒍ ᑐᑭᓯᒋᐊᕈᑎᓂᑦ ᐊᒻᒪᓗᐋᖅᑭᒃᓱᐃᔪᖃᕐᓗᓂ ᑮᓇᐅᔭᓕᐅᕈᓐᓇᓂᕐᒧᑦ ᓂᕆᐅᓐᓂᕆᔭᐅᔪᑦ ᑕᑯᒃᓴᐅᑎᑦᑎᒍᓐᓇᖁᓪᓗᑕ ᐊᑦᑐᐃᓂᖃᓪᓚᑦᑖᕐᓂᖏᑦ ᐊᓯᐊᒍᓪᓗ ᓱᑲᑦᑐᒃᑯᑦ ᖃᕋᓴᐅᔭᓕᕆᔾᔪᑏᑦ ᑲᓱᖅᓯᒪᓂᖏᑎᒍᑦ ᐃᓄᐃᑦ.  ᖃᐅᔨᓴᕐᓃᑦ ᑲᓇᑕᑉ ᓯᓚᑖᓂ ᑕᑯᒃᓴᐅᑎᑦᑎᓯᒪᒻᒪᑕ ᑮᓇᐅᔭᓂᑦ ᐊᑐᖅᑐᖃᕐᓗᓂ ᑐᑭᓯᒋᐊᕈᑎᓂᑦ ᑐᓴᐅᒪᖃᑎᒌᒍᑎᓕᕆᔾᔪᑎᓂᓪᓗ ᖃᕋᓴᐅᔭᖅᑎᒍᑦ, ᖃᕋᓴᐅᔭᓕᕆᓂᕐᒧᑦ ᐱᔾᔪᑎᖃᕐᓗᑎᑦ, ᐃᑲᔪᕐᓂᖃᕐᒪᑕ ᐃᖅᑲᓇᐃᔭᑦᑎᐊᕈᓐᓇᓂᖅᓴᐅᓪᓗᑎᑦ ᑕᒪᐃᓐᓂᑦ ᑮᓇᐅᔭᓕᐅᕋᓱᐊᖅᐸᑦᑐᓕᒫᓂᑦ.  ᓱᑲᑦᑐᒃᑯᑦ ᖃᕋᓴᐅᔭᓕᕆᔾᔪᑏᑦ ᓄᑭᓪᓚᐅᑏᑦ ᐃᑲᔪᕐᓂᖓ ᓄᓇᕗᑉ ᐃᓅᓯᖓᓄᑦ ᐊᒻᒪᓗ ᑮᓇᐅᔭᓕᐅᕈᓐᓇᐅᑎᐅᑦᑎᐊᕐᓂᖓ ᐊᐱᖅᑯᑕᐅᔭᕆᐊᖃᙱᒻᒪᕆᑦᑐᖅ, ᖃᑦᑏᓐᓇᐅᔪᓂᑦ ᖃᐅᔨᓴᖅᑐᖃᖅᓯᒪᙱᑦᑎᓪᓗᒍ ᑎᑎᕋᖅᑕᐅᓯᒪᔪᓂᑦ ᐊᒻᒪᓗ ᓈᓴᐅᑎᑎᒍᑦ ᖃᐅᔨᔭᐅᓗᑎᑦ ᓲᕐᓗ ᐃᓅᓯᖏᓐᓄᑦ ᑮᓇᐅᔭᓕᐅᕈᑎᖃᕈᓐᓇᕐᓂᖏᑕᓗ ᐊᑦᑐᐃᓂᖃᕐᓂᖏᑦ ᓱᑲᑦᑐᒃᑯᑦ ᓄᑭᓪᓚᐅᑏᑦ ᖃᕋᓴᐅᔭᓄᑦ ᐱᖁᑎᕐᔪᐊᖏᓐᓂᒃ ᐋᖅᑭᓱᖅᑕᐅᓯᒪᔪᑦ ᓄᓇᕗᒧᑦ.  ᐊᔾᔨᒌᙱᑦᑐᕈᓘᔭᒃᑯᑦ ᓲᕐᓗ ᖃᐅᔨᓵᑦ, ᐊᐱᖅᓱᖅᑐᖃᕐᓗᓂ, ᑎᑎᕋᖅᑕᐅᓯᒪᔪᑦ ᓯᓚᑦᑐᓴᕐᕕᕐᔪᐊᕐᓂ ᕿᒥᕐᕈᔪᖃᕐᓗᓂ, ᐊᒻᒪᓗ ᐱᕙᓪᓕᐊᔪᓕᕆᓂᒃᑯᑦ ᐋᖅᑭᒃᓱᐃᔪᖃᕐᓗᓂ, ᖃᐅᔨᓴᖅᑕᐅᓂᖏᓐᓂᒃ ᑕᒪᒃᑯᐊ ᓇᓚᐅᒃᑖᖅᑕᐅᓯᒪᔪᑦ ᐊᑦᑐᐃᓂᖃᓪᓚᐅᑦᑖᕐᓂᖏᑦ ᐊᓯᐊᒍᓪᓗ ᐊᑦᑐᐃᓂᖃᕐᓂᖏᑦ ᐃᑲᔪᕐᓂᖓᑕ ᓄᓇᕗᑉ ᓱᑲᑦᑐᒃᑯᑦ ᖃᕋᓴᐅᔭᓕᕆᔾᔪᑎᖏᑦ ᐱᖁᑎᕐᔪᐊᑦ.  ᓴᖅᑭᖅᑐᒥᓃᑦ ᑕᒪᒃᑯᐊ ᖃᐅᔨᓴᖅᑕᐅᓚᐅᖅᑎᓪᓗᒋᑦ ᐅᓂᒃᑳᖅ ᐊᑑᑎᒋᔭᒃᓴᐅᒻᒪᑦ ᑕᑯᒃᓴᐅᑎᑦᑎᓗᑕ ᐊᑦᑐᐃᓂᖃᕐᓂᖓᓂᒃ ᑮᓇᐅᔭᖅᑎᒍᑦ ᐊᑐᖅᑕᐅᖃᑦᑕᕐᓂᑯᒥᓃᑦ ᐱᖁᑎᕐᔪᐊᕐᓄᑦ ᐊᒻᒪᓗ ᑐᑭᒧᐊᒍᑎᒋᔭᐅᓗᑎᑦ ᓯᕗᓂᒃᓴᒥ ᑮᓇᐅᔭᖅᑎᒍᑦ ᐊᑐᖅᑐᖃᕐᓂᐊᖅᑎᓪᓗᒍ ᐱᖁᑎᕐᔪᐊᕐᓄᑦ ᑐᑭᓯᒋᐊᕈᓕᕆᓂᕐᒧᑦ ᑐᓴᐅᒪᖃᑎᒌᒍᑎᓄᓪᓗ ᖃᕋᓴᐅᔭᒃᑯᑦ ᐱᖁᑎᕐᔪᐊᖏᓐᓂᒃ ᓄᓇᕗᒥ.

ᖃᐅᔨᓴᕈᑕᐅᓯᒪᔪᑦ ᑕᒪᒃᑯᐊ ᓇᓗᓇᐃᖅᓯᓯᒪᕗᑦ, ᑕᒪᐃᓐᓂᑦ, ᐊᑦᑐᐃᓂᖃᕐᓂᖏᑦ ᐃᑭᐊᖅᑭᔾᔪᑎᖃᕈᓐᓇᕐᓂᖏᑦ ᓄᓇᕗᒥ ᓴᖅᑮᓯᒪᕗᑦ ᐊᑦᑐᐃᓂᖃᓪᓚᑦᑖᕐᓂᖏᓐᓂᒃ ᐱᒋᐊᕈᑎᒋᔭᐅᓯᒪᒍᓐᓇᖅᓯᒪᔪᓪᓗ ᑮᓇᐅᔭᓕᐅᖅᑐᖃᖃᑦᑕᕆᐊᓯᓗᑎᑦ, ᐊᕐᕌᒍᑕᒫᑦ, ᐅᑯᐊᖑᓪᑯᓗᑎᑦ:

  • $15.2 ᒥᓕᐊᓐ ᐊᕐᕌᒍᑕᒫᑦ ᑮᓇᐅᔭᓕᐅᕈᑎᐅᒍᓐᓇᖅᑐᑦ ᓂᐅᕕᖅᑐᖃᖃᑦᑕᕐᓂᒃᑯᑦ,
  • $9.9 ᒥᓕᐊᓐ ᐊᑦᑐᐃᓂᖃᓪᓚᑦᑖᕐᓂᖏᑦ ᐊᒻᒪᓗ ᑮᓇᐅᔾᔭᒃᓵᕆᔭᐅᒋᐊᙵᖅᑐᑦ ᐃᖅᑲᓇᐃᔭᖅᑎᓄᑦ (ᐃᒡᓗᒥᐅᑕᐅᖃᑎᒌᑦ ᑮᓇᐅᔾᔭᒃᓵᖏᑦ),
  • 198 ᐃᖅᑲᓇᐃᔮᑦ ᓴᖅᑭᖅᑐᑦ ᐊᒻᒪᓗ ᐃᖅᑲᓇᐃᔮᖃᕆᐊᙵᖅᑐᑦ,
  • $1 ᒥᓕᐊᓐ ᐊᑦᑐᐃᓂᖃᓪᓚᕆᓐᓂᖏᑦ ᐊᒻᒪᓗ ᒐᕙᒪᑐᖃᒃᑯᓐᓄᑦ ᑖᒃᓰᔭᐃᔪᑦ, ᐊᒻᒪᓗ
  • $530,000 ᑖᒃᓯᔅᑎᒍᑦ ᑮᓇᐅᔭᓕᐊᕆᔭᑦ ᑮᓇᐅᔭᓕᐊᕆᔭᐅᒋᐊᙵᖅᑐᓪᓗ.

ᑖᒃᑯᐊ ᐱᒻᒪᕆᐅᔪᑦ ᑮᓇᐅᔭᓕᐅᕈᑕᒥᓃᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓪᓗᒍ, ᑲᓱᖅᓯᒪᒍᒪᔪᑦ ᓱᓕ ᐊᒥᓱᒻᒪᕆᐅᕗᑦ.  ᑎᒍᒥᐊᖅᑎᐅᖃᑕᐅᔪᑦ ᐊᐱᖅᓱᖅᑕᐅᓂᖏᑦ ᐊᒻᒪᓗ ᐱᖅᑳᖅᑕᐅᓯᒪᓂᖏᑦ ᓄᓇᕗᒥ ᑲᓱᖃᑦᑕᖅᑐᑦ ᐊᔾᔨᒌᙱᓐᓂᖏᑦ ᖃᐅᔨᓴᖅᑕᐅᓪᓗᑎᑦ ᓯᓚᑖᓃᑦᑐᑦ ᓄᓇᕗᒥ ᓇᓗᓇᐃᖅᓯᓯᒪᕗᑦ ᑲᑐᔾᔨᖃᑎᒌᖑᔪᑦ ᐃᓄᐃᓪᓗ ᐊᑐᓂᑦ ᐅᑕᖅᑭᕗᑦ ᓱᑲᓐᓂᖅᓴᒥᒃ ᐱᔨᑦᑎᖅᑕᐅᔪᒪᓪᓗᑎᑦ ᐊᑐᓕᖅᑎᑦᑎᒍᓐᓇᕈᒪᓪᓗᑎᑦ ᐊᒻᒪᓗ ᐊᑐᕈᒪᓪᓗᑎᑦ ᓈᒻᒪᑦᑐᓂᒃ ᖃᕋᓴᐅᔭᒃᑰᖓᔪᓂᒃ ᐋᖅᑭᒍᑎᒃᓴᓂᑦ ᐃᑲᔪᖅᑐᐃᒐᔭᖅᑐᑦ ᓱᑲᓐᓂᖅᓴᕈᖅᑎᑦᑎᒐᔭᖅᑐᓪᓗ ᓄᓇᓕᓐᓂ ᐃᓅᓯᕐᒧᑦ−ᑮᓇᐅᔭᓕᐅᕈᑎᒋᔭᒃᓴᐅᔪᓂᑦ.

ᓄᓇᕗᑦ ᓇᓕᒧᒌᑦᑎᑦᑎᓕᕈᓐᓇᖅᐸᑦ ᓄᑭᓪᓚᐅᑎᑎᒍᑦ ᐃᑭᐊᖅᑭᔾᔪᑎᓂᑦ ᐊᔾᔨᐸᓗᒋᓕᕐᓗᓂᒋᑦ ᐅᖓᓯᑦᑐᒥᐅᑕᐃᑦ ᓄᓇᓖᑦ ᖃᓪᓗᓈᓂ ᐊᑐᖅᐸᑦᑕᖏᓐᓂᒃ, ᐅᓪᓗᒥᐅᔪᖅ ᐊᑦᑐᐃᓂᖃᕐᓂᖏᑦ ᐃᑭᐊᖅᑭᔾᔪᑎᓂᒃ ᐊᑐᕈᓐᓇᕐᓂᖏᓐᓄᑦ ᐊᒥᓱᕈᕆᐊᖅᑐᒻᒪᕆᐅᒐᔭᖅᑐᑦ ᒪᕐᕈᐊᖅᑎᒃᑲᓐᓂᒻᒪᕆᓪᓘᓐᓃᑦ 3.2 −ᒃᑲᓐᓂᒻᒪᕆᓪᓘᓐᓃᑦ ᐅᓪᓗᒥᐅᔪᖅ ᓇᓕᒧᓐᓂᖓ ᒪᓕᑦᑐᒍ, $30-ᓂᑦ $50−ᓄᑦ ᒥᓕᐊᓐᓂᑦ ᐊᕐᕌᖑᑕᒫᑦ ᑮᓇᐅᔭᓕᐅᕈᓐᓇᓕᕐᓗᑎᑦ ᑕᒪᐃᓐᓂᑦ (ᒪᓕᑦᑐᒋᑦ ᑮᓇᐅᔭᑦ ᐊᑐᖅᑕᐅᖃᑦᑕᖅᑐᑦ), ᐃᒪᓐᓇᓗ $20-ᒥᓕᐊᓐ ᐊᒻᒪᓗ $30−ᒥᓕᐊᓐ ᑮᓇᐅᔾᔭᒃᓵᕆᔭᐅᓕᕐᓗᑎᑦ ᑮᓇᐅᔾᔭᒃᓴᒋᐊᙵᕐᓗᑎᓪᓗ ᑮᓇᐅᔾᔭᒃᓴᔪᓪᓗ (ᐃᒡᓗᒥᐅᖃᑎᒌᑦ ᑮᓇᐅᔾᔭᒃᓵᖏᑦ), 390-ᐅᔪᑦ ᐊᒻᒪᓗ 630−ᖑᔪᑦ ᐃᖅ ᑲᓇᐃᔮᒃᓴᑦ ᓴᖅᑭᕈᓐᓇᕋᔭᖅᑐᑎᑦ, ᐊᒻᒪᓗ ᐃᒪᓐᓇ $3 ᐊᒻᒪᓗ $5 ᒥᓕᓐᐊ ᑖᒃᓯᔅᑎᒍᑦ ᑮᓇᐅᔾᔭᒃᓴᓕᖅᑎᑦᑎᓗᑎᑦ.

ᓱᑲᓐᓂᖅᓴᒥᒃ ᐊᑐᕈᒪᔪᑦ ᐃᑭᐊᖅᑭᔾᔪᑎᑎᒍᑦ ᐱᔨᑦᑎᖅᑕᐅᓗᑎᑦ ᐊᑐᕈᒪᔪᑦ ᐊᒥᓲᕗᑦ ᓄᓇᕗᑉ ᓄᓇᓕᖏᓐᓂ, ᑭᓯᐊᓂᓕ ᑮᓇᐅᔭᖅᑎᒍᑦ ᐊᑐᖅᑐᖃᕆᐊᖃᖅᐸᖅ ᓇᑉᐸᐃᔪᖃᕐᓗᓂ ᐱᖁᑎᕐᔪᐊᓂ − ᒐᕙᒪᒃᑯᑦ ᕿᕕᐊᕐᕕᐅᓪᓗᑎᑦ ᐃᑲᔪᖅᑕᐅᔪᒪᓪᓗᑎᑦ ᑕᒪᓐᓇ ᐊᔪᕐᓇᕈᓐᓃᖁᓪᓗᒍ.

ᐅᖃᓕᒫᕐᓗᒍ ᑕᒪᐃᓐᓂᑦ ᑎᑎᕋᖅᑕᐅᓯᒪᔪᖅ ᐅᓂᒃᑳᖅ.

ᖃᐅᔨᓵᖅ ᑮᓇᐅᔭᖅᑎᒍᑦ ᐊᔪᕐᓇᙱᑦᑎᑕᐅᓚᐅᖅᑐᖅ ᑲᓇᑕᑉ ᐅᑭᐅᖅᑕᖅᑐᖓᑕ ᐱᕙᓪᓕᐊᑎᑕᐅᓂᖓᓄᑦ ᑎᒥᖓᓄᑦ, ᑳᓐᓄᐊᕐ−ᖑᓂᕋᖅᑕᐅᔪᖅ ᐊᒻᒪᓗ ᖃᐅᔨᓴᖅᑐᑎᑦ ᖃᓄᖅᑑᖅᑏᑦ ᐱᓕᕆᖃᑎᒌᑦᑐᑎᑦ ᑲᑐᔾᔨᔨᖏᑦ, ᓂᕈᐊᖅᑕᐅᓚᐅᖅᑐᑎᑦ ᐃᓄᐃᑦ ᑭᒃᑯᑐᐃᓐᓇᐃᑦ ᐊᑭᑦᑐᕋᐅᑎᖁᔨᔾᔪᑎᑎᒍᑦ.