Projects
ᓄᑭᓪᓚᐅᑏᑦ ᒥᒃᓵᓄᑦ ᐃᓕᓐᓂᐊᖅᑎᑦᑎᓂᖅ ᐆᑦᑐᕋᖅᑕᐅᔪᖅ ᐱᓕᕆᐊᖅ

Screen shot of “Nunavut’s Broadband Learning Network” online program

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓄᑭᓪᓚᐅᑏᑦ ᒥᒃᓵᓄᑦ ᐃᓕᓐᓂᐊᖅᑎᑦᑎᓂᕐᒥᒃ ᐆᑦᑐᕋᓚᐅᖅᓯᒪᔪᖅ ᐅᐱᕐᖔᖑᑎᓪᓗᒍ 2007−ᒥ, ᖃᐅᔨᓴᖅᑐᑎᑦ ᖃᕋᓴᐅᔭᖅᑎᒍᑦ ᐃᓕᓐᓂᐊᕋᒃᓴᐅᔪᓂᑦ ᑖᒃᑯᓄᖓᓗᐊᖅ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᓖᑦ ᐃᑲᔪᖅᑕᐅᒐᔭᕋᓗᐊᕐᒪᖔᑕ ᓄᑭᓪᓚᐅᑎᒃᑯᑦ ᐃᑭᐊᖅᑭᔪᓐᓇᐅᑎᓂᑦ ᐊᒻᒪᓗ ᐊᓯᖏᓐᓂᑦ ᖃᕋᓴᐅᔭᕐᓅᖓᔪᓂᑦ.  2007−ᖑᑎᓪᓗᒍ ᑕᐃᒪᐃᖁᔭᐅᓚᐅᖅᓯᒪᓂᖓᓄᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔨᒃᑯᓐᓄᑦ ᐱᔨᑦᑎᕋᖅᑏᑦ ᑲᑎᒪᕕᔾᔪᐊᕐᓂᖃᖅᑎᓪᓗᒋᑦ, ᐆᑦᑐᕋᐅᑎᐅᔪᖅ ᑕᒪᓐᓇ ᐋᖅᑭᒃᓱᐃᔾᔪᑕᐅᓇᓱᓚᐅᖅᑐᖅ ᐃᓕᓐᓂᐊᕈᓯᕐᓂᑦ ᑖᒃᑯᓄᖓ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔨᓄᑦ ᓄᑖᕐᓂᑦ ᐱᓕᕆᐊᖃᓕᕐᓂᕈᑎᑦ ᐃᓕᓐᓂᐊᖃᑦᑕᕋᔭᕐᒪᑕ ᐱᐅᓯᕚᓪᓕᖁᓪᓗᒋᑦ ᕿᓂᖅ ᐱᔨᑦᑎᕋᕈᑎᖏᑦ, ᐊᒻᒪᓗᑦᑕᐅᖅ ᐃᓕᓐᓂᐊᕋᒃᓴᖅᑕᖃᖅᑐᓂ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᓄᑖᕐᓂᑦ ᖃᕋᓴᐅᔭᓕᕆᔪᓐᓇᐅᑎᓂᑦ ᐃᓕᓐᓂᐊᖁᓪᓗᒋᑦ ᐃᑭᐊᖅᑭᔾᔪᑎᓕᕆᓂᖅ ᐱᓪᓗᒍ.  ᐱᓕᕆᐊᖅ ᑕᒪᓐᓇ ᒪᕐᕉᓐᓄᒃ ᐊᕐᕌᒎᓐᓄᒃ ᐊᑯᓂᐅᑎᒋᔪᖅ ᑲᒪᒋᔭᐅᓚᐅᖅᓯᒪᔪᖅ, ᐃᖅᑲᓇᐃᔭᕐᕖᑦ ᐊᔾᔨᒌᑦᑐᒡᒍᑕᐅᑎᑕᐅᓕᖅᑐᑎᑦ ᐆᑦᑐᕋᖅᑕᐅᓚᐅᖅᓯᒪᓪᓗᑎᑦ ᑕᒪᒃᑯᐊ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ ᓴᖅᑮᑦᑎᐊᖅᑐᒻᒪᕆᐅᓚᐅᖅᑐᓂ.  ᐅᒡᒍᕐᓇᖅᑑᒐᓗᐊᖅ, ᑮᓇᐅᔭᖃᖅᑎᑦᑎᔪᑦ ᑲᑐᔾᔨᖃᑎᒌᑦ ᑮᓇᐅᔭᖃᖅᑎᑦᑎᔪᓐᓇᓚᐅᖅᓯᒪᙱᓚᑦ ᑖᔅᓱᒥᖓ ᐱᓕᕆᐊᕐᒥ ᐆᑦᑐᕋᖅᑕᐅᓚᐅᖅᑎᓪᓗᒍ, ᑕᐃᒪᐃᓐᓂᖓᓄᑦ ᑕᒪᓐᓇ ᐱᓕᕆᐊᖅ ᓄᖅᑲᖅᑎᑕᐅᑐᐃᓐᓇᓚᐅᖅᓯᒪᕗᖅ.

ᐃᒪᐃᓕᐅᓚᐅᖅᓯᒪᔪᑦ: ᓯᕗᓪᓕᖅᐹᕐᒥ ᖃᓄᐃᓕᐅᕈᑕᐅᔪᑦ:

  • ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑏᑦ ᐋᖅᑭᒃᓱᐃᓪᓗᑎᑦ ᓯᕗᓪᓕᐅᔾᔭᐅᖁᔭᖏᓐᓂᒃ ᐃᓕᓐᓂᐊᕐᓂᕐᒧᑦ, ᐊᒻᒪᓗ ᐋᖅᑮᓪᓗᑎᑦ ᖃᓄᐃᓕᖓᒐᔭᕐᒪᖔᖅ ᐃᓕᓐᓂᐊᕐᓂᖏᑦ, “ᐃᓕᓐᓂᐊᖅᑎᑕᐅᓗᓂ ᓄᓇᓕᒻᒥᐅᖅ” ᐱᖃᓯᐅᔾᔭᐅᓪᓗᓂ ᐊᑐᕋᒃᓴᐅᓗᓂ ᓄᓇᓕᒻᒥᐅᓄᑦ;
  • ᑕᑯᒃᓴᐅᑎᑦᑎᕖᑦ ᐋᖅᑭᓱᖅᑕᐅᓚᐅᖅᑐᑦ ᕿᒥᕐᕈᔭᐅᓪᓗᑎᓪᓗ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᓄᑦ ᐊᖏᖅᑐᑎᑦ ᑕᒪᔅᓱᒥᖓ “ᐅᖃᐅᑎᙵ, ᑕᑯᑎᙵ, ᐆᑦᑐᕋᖅᑎᙵ” ᖃᕋᓴᐅᔭᒃᑯᑦ ᐃᓕᓐᓂᐊᕈᑎ ᐋᖅᑭᓱᖅᑕᐅᔪᖅ ᖃᕋᓴᐅᔭᒃᑯᑦ ᐃᓕᓐᓂᐊᖅᑎᑦᑎᔩᑦ ᑲᑐᔾᔨᔨᖏᓐᓄᑦ.
  •  

ᑭᖑᓪᓕᖅ 2008-2009−ᒧᑦ ᓴᖅᑮᓚᐅᖅᑐᑦ ᐊᒻᒪᓗ ᐊᑐᓕᖅᑎᑕᐅᓪᓗᑎᑦ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᓂᑦ, ᐅᑯᐊᖑᓪᓗᑎᑦ:

  • ᓇᓗᓇᐃᖅᑕᐅᓪᓗᑎᑦ ᖃᓄᐃᑦᑐᓂᑦ ᖃᐅᔨᒪᔭᕆᐊᖃᕐᒪᖔᑕ ᐊᔪᙱᒋᐊᓕᖏᓪᓗ ᑖᒃᑯᐊ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑎᓄᑦ ᑲᔪᓯᑦᑎᐊᖁᓪᓗᒋᑦ ᐱᔨᑦᑎᕐᓂᖏᓐᓂᑦ ᓄᓇᖏᓐᓂᑦ ᐊᒻᒪᓗ ᓇᒻᒥᓂᖁᑎᖏᓐᓂᒃ ᐊᐅᓚᑦᑎᑦᑎᐊᖁᓪᓗᒋᑦ ᖃᐅᔨᒪᔭᐅᔪᑦ ᖃᕋᓴᐅᔭᒃᑯᑦ ᐊᑐᕋᒃᓴᓂᑦ ᐃᓕᓐᓂᐊᖅᓯᒪᓗᑎᑦ ᓄᓇᕗᒥᐅᑦ ᐃᑭᐊᖅᑭᔾᔪᑎᓕᕆᔩᑦ ᖃᐅᔨᒪᔭᕆᐊᓕᖏᑦ ᒪᓕᓪᓗᒋᑦ;
  • ᐋᖅᑭᒃᓱᐃᓪᓗᑎᑦ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒃᓴᓂᑦ ᖃᕋᓴᐅᔭᒃᑯᑦ ᐊᔪᙱᑦᑐᑦ ᐃᓕᓐᓂᐊᕐᕕᑎᒍᑦ (ᐃᓱᒪᒋᔭᐅᔪᖅ 2005-ᖑᑎᓪᓗᒍ ᓴᖅᑭᖅᑕᐅᖁᔭᐅᓚᐅᖅᓯᒪᔪᖅ);
  • ᒪᕐᕉᒃ ᓯᕗᓪᓖᑦ ᐃᓕᓐᓂᐊᕋᒃᓵᒃ ᐃᓕᓐᓂᐊᖅᑕᐅᓪᓗᑎᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔨᒃᑯᓐᓄᑦ ᓄᓇᕗᒥ;
  • ᖃᐅᔨᓴᖅᑐᑎᑦ ᐊᒻᒪᓗ ᐱᓕᕆᖃᑎᒌᓐᓂᒃᑯᑦ ᑐᙵᕕᓕᐅᖅᑐᑎᑦ ᐊᒻᒪᓗ ᑮᓇᐅᔭᖃᖅᑎᑕᐅᓂᒃᓴᖓᓄᑦ ᓯᕗᓂᒃᓴᒥ ᐃᓕᓐᓂᐊᕈᑕᐅᒐᔭᖅᑐᓂᑦ.

ᐃᓕᓐᓂᐊᖃᑕᐅᔪᑦ ᐱᓕᕆᔪᒪᔪᒻᒪᕆᐅᓚᐅᖅᐳᑦ ᐃᓕᓐᓂᐊᕈᓐᓇᖅᑕᒥᓂᑦ, ᐊᒻᒪᓗ ᓯᕗᓂᒃᓴᒥ ᐃᑲᔫᑎᖃᕈᓐᓇᕋᔭᕐᓂᖓᓂᒃ ᖃᕋᓴᐅᔭᒃᑯ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔮᖏᓐᓄᑦ.  ᑕᒪᒃᑯᐊ ᐱᐅᔪᒡᒍᑕᐅᓚᐅᕋᓗᐊᖅᑎᓪᓗᒋᑦ, ᑮᓇᐅᔭᖃᖅᑎᑦᑎᔪᓐᓇᖅᑐᓂᑦ ᓇᓂᓯᔪᓐᓇᓚᐅᙱᓚᒍᑦ ᐆᑦᑐᕋᓚᐅᖅᑎᓪᓗᑕ.  ᐊᒥᓱᑦ ᑮᓇᐅᔭᖃᖅᑎᑦᑎᔪᑦ ᐱᓕᕆᐊᖃᓚᐅᙱᒻᒪᑕ ᑮᓇᐅᔭᖃᖅᑎᑦᑎᔪᓐᓇᖅᑐᒥᑦ ᓯᕗᓂᒃᓴᒥ ᐃᓕᓐᓂᐊᕆᐊᖅᑐᖃᖅᑐᒃᓴᓄᑦ ᖃᕋᓴᐅᔭᒃᑯᑦ, ᑮᓇᐅᔭᓂᑦ ᐃᑲᔫᓯᐊᖅᑖᖅᑎᑦᑎᒍᓯᖏᑦ ᐋᖅᑭᓱᖅᑕᐅᓯᒪᓂᖏᓐᓄᑦ ᐃᓄᒃᑎᒍᑦ ᐅᐸᑦᑐᖃᕐᓗᓂ ᐃᓕᓐᓂᐊᖅᑎᑦᑎᔪᖃᖅᑎᓪᓗᒍ ᑭᓯᐊᓂ.

ᐊᒥᓱᑦ ᐃᓄᐃᑦ ᑲᑐᔾᔨᖃᑎᒌᖑᔪᓪᓗ ᐃᓚᐅᖃᑕᐅᓚᐅᕐᒪᑕ ᐋᖅᑭᓱᖅᑕᐅᑎᓪᓗᒍ ᖃᕋᓴᐅᔭᒃᑯᑦ ᐃᓕᓐᓂᐊᕈᑎ, ᐱᖃᓯᐅᑎᓪᓗᒋᑦ Ssi−ᒃᑯᑦ, ᖃᕋᓴᐅᔭᓕᕆᔩᑦ ᐃᓕᓐᓂᐊᖅᑎᓄᑦ, ᓂᐅᓪ ᕗᕐᒋᐊᔅ ᐅᒃᐱᒡᔪᐊᑉ ᓯᓚᑐᔫᓂᖓ ᖃᐅᔨᒪᔩᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᐃᖅᑲᓇᐃᔭᖅᑎᖏᑦ, ᐊᒻᒪᓗ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑏᑦ.

ᑮᓇᐅᔭᖃᖅᑎᑕᐅᓚᐅᖅᑐᑦ ᐃᓄᓕᕆᔨᑐᖃᒃᑯᓐᓄᑦ, ᒐᕙᒪᑐᖃᒃᑯᓐᓂᑦ ᐊᒻᒪᓗ ᐱᕙᓪᓕᐊᔪᓕᕆᔨᒃᑯᓐᓂᑦ ᐃᖏᕐᕋᔪᓕᕆᔨᒃᑯᓐᓂᑦ, ᓄᓇᕗᑦ ᒐᕙᒪᖏᑦ.