Projects
ᐋᖅᑭᓱᖅᑕᐅᕙᓪᓕᐊᓂᖏᑦ ᕿᓂᒃᑯᑦ ᐃᑭᐊᖅᑭᔾᔪᑎᖏᑦ

Qiniq installation in Repulse Bay

SSi Micro ᐋᖅᑭᒃᓱᐃᓚᐅᖅᑐᑦ ᕿᓂᒃᑯᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᖁᑎᕐᔪᐊᖏᓐᓂᒃ 2004-ᒥ 2005-ᒧᑦ ᑳᓐᑐᕌᒃᑦ−ᑕᐅᓪᓗᑎᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓄᑦ.  ᓴᓇᔭᐅᓂᖏᑦ ᕿᓂᖅ ᐃᑭᐊᖅᑭᔾᔪᑎᓕᕆᓂᑉ ᑮᓇᐅᔭᖃᖅᑎᓐᓇᓱᒃᑐᒍ ᐊᒃᓱᕈᕐᓇᓚᐅᖅᑐᖅ ᑕᐃᒫᑎᒋᓗ ᐋᖅᑭᒃᓱᐃᓇᓱᒃᑐᓂ ᐊᐅᓪᓚᖅᑎᒋᐊᓕᖏᓐᓂᑦ ᐊᓯᖏᓪᓗ.  ᐊᐅᓪᓚᖅᑎᒋᐊᓖᑦ ᑎᑭᓵᕆᔭᓪᓗ ᐊᓯᖏᓪᓗ ᐋᖅᑭᒃᓱᕋᓱᑦᑐᒋᑦ ᓴᓇᔭᐅᖁᓪᓗᒋᑦ ᐃᑭᐊᖅᑭᔾᔪᑏᑦ, ᐊᒻᒪᓗ ᑮᓇᐅᔭᖃᖅᑎᓐᓇᓱᒃᑐᒍ ᕿᓚᒥᐅᔪᒃᑯᑦ ᐱᕕᖃᖅᑐᑕ ᑐᑭᖃᓚᐅᖅᑐᖅ Ssi-ᒃᑯᑦ ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᐃᖅᑲᓇᐃᔭᖃᑎᖃᕆᐊᖃᒻᒪᕆᓚᐅᕐᒪᑕ ᐊᒥᓱᓂᑦ ᒐᕙᒪᐅᔪᓂᑦ, ᑲᑐᔾᔨᖃᑎᒌᓂᑦ ᐊᒻᒪᓗ ᓄᓇᓕᓐᓂ ᒐᕙᒪᐅᔪᓂᑦ ᓴᓇᔭᐅᖁᓪᓗᒍ ᐊᑐᕋᒃᓴᐅᓕᕐᓂᖓᓗ ᓴᖅᑭᖅᑎᑦᑐᒍ ᕿᓂᖅ ᐃᑭᐊᖅᑭᔾᔪᑎᓕᕆᔩᑦ.

SSi−ᒃᑯᑦ ᓵᓚᒃᓴᓚᐅᖅᑐᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑮᓚᐅᖅᑎᓪᓗᒋᑦ ᐊᑭᑦᑐᕋᐅᑎᖁᔨᔾᔪᑎᒥᑦ ᓴᓇᓗᑎᑦ ᑕᒪᒃᑮᓐᓂᒃ ᖁᒻᒧᐊᑦᑎᑕᐅᓯᒪᔪᒃᑯᑦ ᑲᓱᕈᑎᖏᑦ ᐊᒻᒪᓗ ᓄᓇᓕᓐᓄᑦ ᑲᓱᖅᑎᒍᑎᖓᓂᒃ ᓄᑭᓪᓚᐅᑎᖏᑦ ᑕᒪᐃᓐᓂᑦ 25-ᖑᔪᓄᑦ ᓄᓇᕘᒥ ᓄᓇᓕᖏᓐᓄᑦ.  Ssi−ᒃᑯᑦ ᐊᑕᐅᓯᕐᒥᒃ ᐊᕐᕌᒍᒥᒃ ᐱᕕᖃᓚᐅᖅᓯᒪᔪᑦ ᐱᔭᕇᖅᓯᓇᓱᓪᓗᑎᑦ ᓴᓇᓂᖏᓐᓂᒃ ᑕᒪᐃᓐᓂᑦ 25-ᖑᔪᓂᑦ ᓄᓇᓕᓐᓂ, ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᑎᓂᖏᑕ ᒪᓕᒋᐊᓕᖁᑎᖏᑦ ᑕᐃᒪᓐᓇ ᐅᖃᖅᓯᒪᓚᐅᕐᒪᑕ.  ᓴᓇᔭᐅᔾᔪᑎᖏᑦ ᐅᖓᑖᓃᓚᐅᖅᑐᑦ $10,000,000 ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᖅᑲᓇᐃᔭᓚᐅᖅᐳᑦ ᓇᓕᒧᑦᑎᑦᑎᓗᑎᑦ ᑮᓇᐅᔭᓂᑦ ᓄᑖᕐᓂᓪᓗ ᐃᑲᔫᓯᐊᖅᑖᕋᓱᐊᖅᑐᑎᑦ ᑮᓇᐅᔭᓂᑦ ᐊᔾᔨᒌᙱᑦᑐᓂᑦ ᒐᕙᒪᒃᑯᓐᓂᑦ SSI-ᒃᑯᑦ ᓴᓇᑎᓪᓗᒋᑦ ᓄᑖᖑᓛᕐᓂᑦ ᐃᑭᐊᖅᑭᔾᔪᑎᓂᑦ.

ᖃᓄᐃᓕᐅᕈᑕᐅᓗᐊᙳᐊᓚᐅᖅᑐᑦ ᐅᑯᐊᖑᕗᑦ:

  • ᓄᓇᓕᓐᓂ ᖃᐅᔨᓴᖅᑐᑎᑦ ᖁᓕᐅᔪᓂᑦ ᒥᑭᓛᓂᑦ ᓄᓇᓕᓐᓂ ᖃᓄᐃᓕᖓᓂᖏᑦ ᖃᐅᔨᔭᐅᖅᑳᖁᓪᓗᒋᑦ;
  • ᐱᔭᕇᖅᑕᐅᓗᑎᑦ Ssi-ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᐃᑭᐊᖅᑭᔾᔪᑎᓕᐅᕐᓂᐊᕐᓂᕐᒧᑦ ᐊᖏᕈᑎᖓ;
  • ᑮᓇᐅᔭᖅᑎᒍᑦ ᐃᑲᔫᓯᐊᑦ ᓴᓇᔭᐅᓂᐊᕐᓂᖏᓐᓄᑦ ᐃᑭᐊᖅᑎᔾᔪᑏᑦ ᐱᔭᕇᖅᑕᐅᓪᓗᑎᑦ ᑖᒃᑯᓇᙵᑦ ᑮᓇᐅᔭᖅᑎᒍᑦ ᐃᑲᔪᖅᑐᑦ, ᑮᓇᐅᔭᖃᖅᑎᑦᑎᔪᑦ ᐊᒻᒪᓗ ᐃᑭᐊᖅᑭᔾᔪᓕᕆᓂᕐᒧᑦ ᐊᐅᓚᑦᑎᔨ;
  • Ssi: ᐋᖅᑭᒃᓱᐃᓗᑎᑦ ᓇᑉᐸᐃᓪᓗᑎᑦ ᖁᒻᒧᐊᑦᑎᑕᐅᓯᒪᔪᒃᑯᑦ ᐱᖁᑎᖏᓐᓂᒃ 15-ᓂᑦ ᓄᓇᓕᓐᓂ, ᓄᓇᓕᓐᓄᑦ ᑲᓱᖅᑎᒍᑎᖏᑦ 25-ᓂᑦ ᓄᓇᓕᓐᓂᑦ;
  • Ssi: ᐱᔭᕇᖅᓯᓗᑎᑦ ᓄᓇᓕᓕᒫᓂᑦ ᐊᑭᓕᖅᓱᖅᑕᐅᔭᕆᐊᓖᑦ ᐋᖅᑭᓱᖅᓯᒪᔭᕆᐊᓕᓐᓂᑦ, ᐊᐅᓚᔾᔪᑎᖏᓐᓂᑦ, ᐃᑭᐊᖅᑭᔾᔪᑎᑉ ᑲᓱᖁᑎᖏᑦ ᐃᒡᒥᓗᐅᑕᑦ ᐊᒻᒪᓗ ᑭᒃᑯᓐᓄᑦ ᐱᔭᐅᒻᒪᖔᑕ ᖃᐅᔨᓴᐅᑎᖏᑦ;
  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ−ᓄᓇᕘᒥ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᙵ ᐊᖏᕈᑎᖓ ᐱᔭᕇᖅᑕᐅᓪᓗᓂ ᐊᑐᖅᑐᐊᕐᓂᕐᒧᑦ ᐊᒻᒪᓗ ᐊᖏᕈᑎᑖᕐᓂᕐᒧᑦ ᖁᒻᒧᐊᑦᑎᑕᐅᓯᒪᔪᓕᕆᔾᓇᑎᓄᑦ;
  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐋᖅᑭᒃᓱᐃᓚᐅᖅᑐᑦ ᐃᑲᔪᖅᑕᐅᖁᓪᓗᒋᑦ ᐆᑦᑐᕋᖅᑕᐅᓂᖏᑦ ᑲᓱᖅᑎᒍᑎᖏᑦ ᐃᑭᐊᖅᑭᔾᔪᑏᑦ ᐃᒡᓗᒥᐅᑕᑦ ᑖᒃᑯᑎᒎᓇ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑎᒍᑦ;
  • ᐋᔩᕋᖃᑎᖃᖅᑐᑎᑦ ᐊᑐᕆᐊᓕᖅᑎᑦᑎᓪᓗᑎᓪᓗ ᑮᓇᐅᔭᓂᑦ ᓄᑭᓪᓚᐅᑎᓄᑦ ᕿᓂᒃᑯᓐᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐱᓕᕆᐊᖓᒍᑦ;

ᐅᐸᓗᖓᐃᔭᖅᑕᐅᓂᖏᑦ ᓴᖅᑭᖅᑎᑕᐅᓂᐊᕐᓂᖓᓄᑦ ᑲᖏᖅᖠᓂᕐᒥ ᒪᐃ 2005-ᖑᑎᓪᓗᒍ, ᑭᖑᓂᐊᒍᑦ ᐊᑐᕆᐊᙵᖅᑕᐅᓪᓗᑎᑦ ᓄᓇᓕᓐᓂ ᓄᓇᕗᓕᒫᕐᒥ 2005-ᖑᑎᓪᓗᒍ.

ᑕᒪᐃᓐᓂᑦ ᓄᓇᓕᐅᔪᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᓄᑭᓪᓚᐅᑎᒃᑰᙱᑦᑐᖅ ᐃᑭᐊᖅᑭᔾᔪᑏᑦ ᐋᖅᑭᓱᖅᑕᐅᓚᐅᖅᐳᑦ 2.5 ᓄᑭᓪᓚᐅᑎᖃᙱᓪᓗᒋᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᖅᑕᐅᓕᖅᑐᑎᑦ ᑕᒪᐃᓐᓂᑦ 25-ᖑᔪᑦ ᓄᓇᓖᑦ.

ᑮᓇᐅᔭᑦ ᕿᓂᖅ ᐃᑭᐊᖅᑭᔾᔪᑎᓕᕆᓂᕐᒧᑦ ᐊᔪᕐᓇᙱᑦᑎᑕᐅᓚᐅᖅᐳᑦ ᐅᑯᓇᙵᑦ:

  • ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ, ᒐᕙᒪᑐᖃᒃᑯᑦ (BRAND ᐱᓕᕆᐊᖓ − ᓱᓇᒃᑯᑕᓄᑦ/ᐋᖅᑭᓱᖅᑕᐅᓂᖏᓐᓄᑦ ᐱᖁᑏᑦ);
  • ᓴᓇᔪᓕᕿᔨᒻᒪᕆᒃᑯᑦ ᑲᓇᑕᒥ, ᒐᕙᒪᑐᖃᒃᑯᑦ (ᑲᓇᑕᒥ ᖁᒻᒧᐊᑦᑎᑕᐅᓯᒪᒧᓕᕆᓂᕐᒧᑦ ᐱᓕᕆᐊᖅ − ᓄᑭᓪᓚᐅᑏᑦ);
  • ᐊᑐᖅᑐᐊᕐᕕᒃ ᑯᐊᐳᕇᓴᙵ ᐱᖁᑎᖃᖃᑕᐅᓂᐊᕐᓗᑎᑦ ᑮᓇᐅᔭᖅᑎᒍᑦ ᐃᑲᔪᖅᑐᑦ ᐊᒻᒪᓗ ᐊᑐᖅᑐᐊᖅᑎᑦᑎᔪᑦ (ᓱᓇᒃᑯᑖᓄᑦ);
  • ᓄᓇᕘᒥ ᓇᒻᒥᓂᖃᖅᑐᑦ ᓇᒻᒥᓂᖃᖅᑐᓄᑦ ᑯᐊᐳᕇᓴᙵ ᐊᑐᖅᑐᐊᖅᑎᑎᓪᓗᑎᑦ (ᓱᓇᒃᑯᑖᑦ, ᐃᒡᓗᒥ ᑲᓱᖅᑎᕈᑎᖏᑦ ᐃᑭᐊᖅᑭᔾᔪᑎᓄᑦ);
  • Ssi ᑮᓇᐅᔭᓂᑦ ᐊᑐᕐᓂᐊᕐᓂᕐᒧᑦ ᐊᖏᕈᑎᖏᑦ (ᓱᓇᒃᑯᑖᓄᑦ);
  • ᕼᐊᒻᓚᒃᑯᑦ ᐃᑲᔫᓯᐊᖅᑖᖅᑎᑦᑎᓪᓗᑎᑦ 2.5 GHz ᓄᑭᓪᓚᐅᑎᖃᙱᑦᑐᑎᒍᑦ ᐃᑭᐊᖅᑭᔾᔪᑎᖃᖁᓪᓗᒋᑦ ᑕᒪᐃᓐᓂ ᓄᓇᓕᓐᓂ (22−ᖑᔪᑦ ᓄᓇᓖᑦ);
  • ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ (2.5 GHz ᓄᑭᓪᓚᐅᑎᖃᙱᑦᑐᓄᑦ);
  • ᓄᓇᓕᓐᓄᑦ ᒐᕙᒪᓄᓪᓗ ᐱᔨᑦᑎᕋᖅᑎᖏᑦ, ᓄᓇᕗᑦ ᒐᕙᒪᖏᑦ (2.5 GHz ᓄᑭᓪᓚᐅᑎᖃᙱᑦᑐᓄᑦ);

ᑲᑭᕙᒃ ᑲᑐᔾᔨᖃᑎᒌᖏᑦ (ᐊᑐᖅᑐᐊᖅᑎᑦᑎᓚᐅᖅᑐᑦ ᓇᓪᓕᐅᒃᑯᒫᓄᑦ BRAND ᐊᑎᓕᐅᖅᑕᐅᑎᓪᓗᒍ)