Projects
ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ

Original logo - NBDC

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑭᖅᑎᑕᐅᓚᐅᖅᓯᒪᕗᖅ ᐃᓚᒋᔭᐅᔪᓄᑦ ᓄᓇᕘᒥ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᐊᓖᑦ ᑲᑎᒪᔨᖏᓐᓄᑦ ᓄᕖᕝᕙ 2002-ᖑᑎᓪᓗᒍ, ᓴᖅᑭᖅᑐᓂ ᐊᑐᓕᖁᔭᖏᓐᓂᒃ ᑕᐃᑲᓂ ᓯᕗᒧᐊᖅᐸᓪᓕᐊᓂᖅ − ᓯᕗᒧᐊᖅᐸᓪᓕᐊᓂᖅ ᐅᓂᒃᑳᖓᓂᒃ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᓕᕆᐊᖃᓚᐅᖅᓯᒪᔪᖅ ᐊᑐᓕᖅᑎᑦᑎᓗᓂ ᐊᒥᓱᓂᑦ ᐊᑐᓕᖁᔭᐅᔪᓂᑦ ᐅᓂᒃᑳᕐᒦᙶᖅᑐᓂᑦ − ᑮᓇᐅᔭᓂᒃ ᓇᓂᓯᖁᔭᐅᓪᓗᑕ ᐊᒻᒪᓗ ᐊᐅᓚᒍᑎᓕᐅᕐᓗᓂ ᖃᐅᔨᒪᓇᑦᑎᐊᖁᓪᓗᒍ ᐃᑭᐊᖅᑭᔾᔪᑎᓕᕆᔾᔪᑏᑦ ᓴᓇᔭᐅᒍᓐᓇᖁᓪᓗᒋᑦ ᐱᔨᑦᑎᖅᑕᐅᖁᓪᓗᒋᑦ ᐃᓄᐃᑦ ᑭᒃᑯᑐᐃᓐᓇᐃᑦ ᑕᒪᐃᓐᓂᑦ 25−ᖑᔪᓂᑦ ᓄᓇᓕᐅᔪᓂᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᙳᖅᑎᑕᐅᓚᐅᖅᓯᒪᕗᖅ ᖃᐅᔨᒪᓇᖅᑎᐊᖅᑎᑦᑎᓗᑎᑦ ᓄᓇᓖᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᓇᒻᒥᓂᖃᖅᑐᑦ, ᓄᓇᓕᓐᓂ ᑲᑐᔾᔨᖃᑎᒌᑦ ᐃᓄᓪᓗ ᒐᕙᒪᒃᑯᑦ ᖃᕋᓴᐅᔭᓕᕆᔾᔪᑎᖏᓐᓄᑦ ᐱᔨᑦᑎᖅᑕᐅᙱᑦᑐᑦ ᑲᓱᖅᑎᑕᐅᒐᔭᕐᒪᑕ ᐃᑭᐊᖅᑭᔾᔪᑎᒧᑦ ᐊᑭᑐᓗᐊᙱᑦᑐᒃᑯᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᒪᐃᓕᐅᕐᓂᐊᓚᐅᖅᓯᒪᕗᑦ:

  • ᖃᐅᔨᒪᑦᑎᐊᕐᓗᑎᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᖁᑎᕐᔪᐊᑦ ᓴᓇᔭᐅᒐᓗᐊᕐᒪᖔᑕ, ᐊᒪᓗ ᐱᐅᔪᓂᑦ ᐱᔨᑦᑎᕋᖅᑕᐅᓗᑎᑦ ᑕᒪᐃᓐᓂᑦ ᓄᓇᕗᒥᐅᑦ ᐊᑭᑐᓗᐊᙱᑦᑐᒃᑯᑦ;
  • ᐃᑲᔪᕐᓗᑎᑦ ᒪᑭᒪᔪᓐᓇᖁᓪᓗᒋᑦ ᑕᒪᐃᓐᓂᑦ ᓄᓇᓕᐅᔪᑦ ᐃᑲᔪᖅᑐᖅᑕᐅᓂᖏᑎᒍᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᕐᓂᖏᓐᓂᑦ ᓄᓇᓂ;
  • ᖃᐅᔨᓴᕐᓗᑎᑦ ᐊᔾᔨᒌᙱᑦᑐᑦ ᐃᑭᐊᖅᑭᔾᔪᑏᑦ, ᐊᒻᒪᓗ ᐊᑐᖅᑕᐅᒃᑲᓕᖅᑎᓪᓗᒋᑦ ᑕᐃᒃᑯᐊ ᓄᓇᓕᓐᓂ ᑭᙴᒪᒋᔭᐅᔪᑦ ᒪᓕᓪᓗᒋᑦ ᐊᒻᒪᓗ ᐊᑐᖅᑕᐅᑎᑦᑎᓇᓱᓪᓗᑎᑦ ᐊᐅᓚᓂᖃᑦᑎᐊᖅᑐᓂᑦ, ᐊᒥᓲᓗᐊᙱᑦᑐᓂᑦ ᐊᑐᓗᐊᙱᓪᓗᑎᑦ ᐊᑐᖅᑕᐅᓂᖏᑦ ᑐᓴᐅᒪᖃᑎᒌᒍᑏᑦ;
  • ᐋᖅᑭᒃᓱᐃᓗᑎᑦ ᐊᒻᒪᓗ ᖃᐅᔨᒪᑦᑎᐊᕐᓗᑎᑦ ᐊᑯᓂᐅᔪᒧᑦ ᐃᓕᓐᓂᐊᕈᑎᒃᓴᑦ ᐸᕐᓇᐅᑎᖏᑦ ᐃᓄᐃᑦ ᐃᓕᓐᓂᐊᕐᓂᐊᕐᒪᑕ ᐋᖅᑭᒃᓱᐃᑦᑎᐊᖃᑦᑕᖁᓪᓗᒋᑦ ᐊᑐᑦᑎᐊᖃᑦᑕᖁᓪᓗᒋᓪᓗ ᓄᓇᕗᒨᖓᔪᓂᑦ ᑐᓴᐅᒪᖃᑦᑕᐅᑎᔾᔪᑎᓂᑦ;
  • ᖃᐅᔨᓴᕐᓗᑎᑦ ᐊᑐᖅᑕᐅᖃᑦᑕᕐᓂᖏᓐᓂᑦ ᐃᑭᐊᖅᑭᔾᔪᑏᑦ ᓄᓇᕗᒥ ᖃᐅᔨᒪᑦᑎᐊᖁᓪᓗᒋᑦ ᓄᓇᕗᒥᐅᑦ ᐊᖑᒻᒪᑦᑎᒐᓗᐊᕐᒪᖔᑕ ᐱᕕᒃᓴᐅᔪᓂᑦ ᐊᓯᖏᓐᓄᑦ ᑲᓇᑕᒥᐅᓄᑦ ᐊᑐᐃᓐᓇᐅᒪᑎᑕᐅᖃᑦᑕᖅᑐᓄᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᙳᖅᑎᑕᐅᓚᐅᖅᓯᒪᕗᖅ ᐅᑯᑎᒎᓇ: ᑲᓇᑕᒥ ᑯᐊᐳᕇᓴᓐ ᐱᖁᔭᖓ ᐃᓚᖓ II, ᓄᕖᕝᕙ 1, 2001−ᖑᑎᓪᓗᒍ ᖃᑭᒍᑎᒃᓴᓕᐅᖅᑎᐅᙱᑦᑐᑎᑦ ᑯᐊᐳᕇᓴᓐ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᐅᓚᓂᕆᒐᔭᖅᑕᖓᑕ ᐋᖅᑭᓱᖅᓯᒪᓂᖓ ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᐃᑭᐊᖅᑭᔾᔪᑎᓕᕆᓂᕐᒧᑦ ᐅᖓᓯᑦᑐᒥᐅᓄᑦ ᐅᑭᐅᖅᑕᖅᑐᒥᐅᓄᓪᓗ ᐱᓕᕆᐊᖓᑕ ᒪᓕᑦᑕᐅᔭᕆᐊᖃᕐᓂᖏᓐᓂᑦ ᒪᓕᑦᑐᑎᑦ ᐋᖅᑭᓱᖅᓯᒪᓚᐅᖅᑐᖅ ᐱᓇᓱᒍᓐᓇᖁᓪᓗᒋᑦ ᐱᖁᑎᕐᔪᐊᓄᑦ ᑮᓇᐅᔭᓂᑦ ᐃᑲᔫᑎᓂᑦ − ᓯᕗᓪᓕᖅᐹᖅ ᐊᖏᔪᖅ ᒐᕙᒪᑐᖃᒃᑯᓐᓂᑦ ᐱᖁᑎᕐᔪᐊᓄᑦ ᑮᓇᐅᔭᖅᑎᒍᑦ ᐃᑲᔫᑎᐅᔪᑦ ᐃᑭᐊᖅᑭᔾᔪᑎᓄᑦ ᐱᔨᑦᑎᖅᑕᐅᖁᓪᓗᒋᑦ ᓄᓇᕗᒥ ᐃᓄᐃᑦ ᑭᒃᑯᑐᐃᓐᓇᐃᑦ.  ᑲᑐᔾᔨᖃᑎᒌᑉ ᖃᓄᐃᓕᐅᖅᓯᒪᔭᖏᑦ ᐅᑯᐊᖑᕗᑦ:

  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ (ᐃᓚᒋᔭᐅᔪᑦ ᓄᓇᕗᒥ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᔩᑦ ᑲᑎᒪᔨᖏᑦ) ᑐᑭᒧᐊᑦᑎᑦᑎᓚᐅᖅᑐᑦ ᐱᙳᖅᑎᑦᑎᓪᓗᑎᑦ ᓂᕈᐊᖅᑕᐅᓯᒪᔪᓂᑦ ᓯᕗᓪᓕᖅᐹᕐᒥ ᑲᑎᒪᔨᐅᔪᓂᑦ;
  • ᐃᖅᑲᓇᐃᔭᖅᑎᕆᔭᐅᒋᐊᙵᖅᑐᖅ ᑕᐃᕕᑎ ᐃ. ᓯᒥᑦ (ᐋᑐᕚ) ᐊᒻᒪᓗ ᓗᕋᐃᓐ ᑖᒪᔅ (ᐃᖃᓗᐃᑦ) ᐃᖅᑲᓇᐃᔭᖅᑎᑖᕆᔭᐅᓚᐅᖅᑑᒃ ᔮᓐᓄᐊᕆ 2003-ᖑᑎᓪᓗᒍ;
  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᓚᒋᔭᐅᔪᒃᓴᓂᑦ ᐱᓇᓱᐊᓚᐅᖅᑐᑦ, ᐋᖅᑭᒃᓱᐃᓪᓗᑎᑦ ᑲᑐᔾᔨᖃᑎᒌᒥᑦ, ᑲᑎᒪᔨᓄᑦ ᐊᐅᓚᑕᐅᓂᐊᕐᓂᖓᓄᑦ ᐋᖅᑭᒃᓱᐃᓪᓗᑎᑦ, ᐊᑐᓕᖅᑎᑎᓪᓗᑎᑦ ᑐᓴᐅᒪᖃᑎᒌᓐᓂᕐᒧᑦ ᐱᓕᕆᐊᕐᒥᒃ, ᓄᓇᓕᓐᓂ ᖃᐅᔨᓴᖅᑐᑎᑦ, ᖃᐅᔨᒋᐊᕐᕕᖃᖅᑐᑎᑦ ᐱᓕᕆᔩᑦ ᑲᑎᒪᔨᖏᑕ ᐃᓚᒋᔭᐅᔪᖁᑎᖏᓐᓄᑦ, ᓴᖅᑭᔮᕆᐊᕐᔫᒥᑎᑦᑎᓪᓗᑎᑦ ᐱᓇᓱᐊᖅᑕᖏᓐᓂᒃ ᑐᙵᕕᖏᓐᓂᒃ ᓄᓇᕗᓕᒫᕐᒧᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓄᓇᓕᓐᓂ ᑲᑐᔾᔨᖃᑎᒌᕈᕈᓐᓇᓚᐅᖅᑐᖅ ᐃᑲᔪᖅᓱᖅᑕᐅᓪᓗᓂ ᓄᓇᕗᓕᒫᕐᒥ ᓄᓇᓕᒻᒥᐅᓂᑦ, ᓇᒻᒥᓂᖃᖅᑐᓂᑦ, ᐃᓄᓐᓂᑦ ᑭᒃᑯᑐᐃᓐᓇᕐᓂᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᓂᑦ.  ᓴᖅᑭᖅᑐᑦ ᐅᑯᐊᖑᓚᐅᖅᑐᓂᑦ:

  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᓕᓴᕆᔭᐅᓚᐅᖅᑐᖅ ᓴᓇᔪᓕᕆᔨᒻᒪᕆᒃᑯᓐᓄᑦ ᑲᓇᑕᒥ ᐊᔪᙱᑦᑑᓂᕋᖅᑕᐅᓪᓗᓂ ᐱᓕᕆᕝᕕᒃ ᑮᓇᐅᔭᓕᐅᕈᓐᓇᖅᑐᖅ ᑖᒃᑯᑎᒎᓇ ᐃᑭᐊᖅᑭᔾᔪᑎᑖᕈᓐᓇᖅᑐᑦ ᐅᖓᓯᑦᑐᒥᐅᑦ ᐅᑭᐅᖅᑕᖅᑐᒥᐅᓪᓗ ᓴᓇᔪᓕᕆᔨᒻᒪᕆᒃᑯᓐᓂᑦ ᑲᓇᑕᒥ ᐱᓕᕆᐊᖓᒍᑦ;
  • ᕼᐊᓐᓇᓚᖏᓐᓃᑦᑐᑦ ᓄᓇᕗᒥᐅᑦ ᓄᓇᕗᓕᒫᕐᒥ ᐃᓚᒋᔭᐅᓕᓚᐅᖅᑐᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓄᑦ (ᓱᑲᑦᑐᒃᑯᑦ) ᐊᒻᒪᓗ 34−ᖑᔪᑦ ᐃᓄᐃᑦ ᑲᑎᒪᔨᕈᕋᓱᓚᐅᖅᓯᒪᔪᑦ ᓯᕗᓪᓕᖅᐹᕐᒥ ᑲᑎᒪᔩᑦ 7−ᖑᔪᒃᓴᑦ;
  • ᓄᕖᕝᕙ 18, 2003-ᖑᑎᓪᓗᒍ ᓯᕗᓪᓕᖅᐹᕐᒥ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑲᑎᒪᔨᖏᑦ ᓂᕈᐊᖅᑕᐅᓚᐅᖅᓯᒪᔪᑦ ᐃᓚᒋᔭᐅᔪᓄᑦ ᓄᓇᕗᓕᒫᕐᒥ ᐃᓄᒃᑎᒍᑦ ᓱᑲᑦᑐᒃᑯᓪᓗ ᓂᕈᐊᖅᑐᑎᑦ.

ᓂᕈᐊᖅᑕᐅᔪᑦ ᑲᑎᒪᔨᖏᑦ, ᓄᕖᕝᕙ 2003-ᒥ:

  • ᑭᓕᐅᕐ ᕚᔅᓗᕐ (ᐃᖃᓗᒃᑑᑦᓯᐊᖅ),
  • ᐋᑕᒥ ᐃᑦᑐᐊᑦᓯᐊᖅ (ᐃᖃᓗᐃᑦ),
  • ᕌᕗᑦ ᒪᒃᓖᓐ (ᓴᓂᑭᓗᐊᖅ),
  • ᔪᐊᔾᔨ ᒥᑦᑐᖅ (ᐃᖃᓗᐃᑦ),
  • ᕕᓕ ᐸᓪᓗᖅ (ᑲᖏᖅᑐᒑᐱᒃ),
  • ᐋᑦ ᓯᑑᕗᑦ (ᑭᙵᐃᑦ),
  • ᐹᑐᕆᒃ ᑕᒍᓐᓈᖅ (ᑲᖏᖅᖠᓂᖅ)

ᑎᒃᑯᐊᖅᑕᐅᔪᑦ:

  • ᕉᕙᓐ ᑰᐱ, ᓄᓇᕗᑦ ᒐᕙᒪᖏᑦ ᐃᑯᐱᒡᕕᓕᕆᔨᒃᑯᑦ (ᐸᖕᓂᖅᑑᖅ)
  • ᕇᑦᓱᑦ ᐸᐃᑕᓐ, ᓄᓇᕗᑦ ᑐᙵᕕᒃ ᑎᒥᖓ (ᐃᖃᓗᐃᑦ)

ᑮᓇᐅᔭᑦ ᐃᑲᔪᖅᑕᐅᖁᓪᓗᒋᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᔪᕐᓇᙱᑦᑎᑕᐅᓚᐅᖅᐳᑦ ᐅᑯᓄᖓ:

  • ᐃᑯᐱᒡᕕᓕᕆᔨᒃᑯᑦ, ᓄᓇᕗᑦ ᒐᕙᒪᖏᑦ

ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ