Projects
ᐋᖅᑭᓱᖅᑕᐅᓂᖓ ᓯᕗᓂᒃᓴᖓᑕ ᐱᖁᑎᕐᔪᐊᓕᕆᓂᖅ II ᐱᓕᕆᕝᕕᑉ ᐸᕐᓇᐅᑎᖏᓐᓂᑦ

Infrastructure Phase II Managing Bandwidth – Nunavut’s Road Ahead

ᓱᑲᑦᑐᒻᒪᕆᐊᓗᒃᑯᑦ ᐊᑐᖅᑕᐅᓕᕐᓂᖓᓄᑦ ᕿᓂᖅ ᐃᑭᐊᖅᑭᔾᔪᑎᓕᕆᓂᖅ ᓄᓇᕗᒥᐅᓄᑦ ᖄᖓᒍᒃᑲᓐᓂᖅ ᐃᑭᐊᖅᑭᔪᓐᓇᐅᑎᓕᕆᔾᔪᑏᑦ ᐊᖏᓪᓕᒋᐊᖅᑕᐅᓪᓗᑎᑦ ᓄᑖᖅ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᕈᑏᑦ ᐊᖏᓂᖅᓴᑲᓐᓂᒻᒪᕆᒻᒥᒃ ᐃᑭᐊᖅᑭᔾᔪᓐᓇᐅᑎᓕᕆᔾᔪᑎᓂᑦ ᐱᔭᕆᐊᖃᓕᓚᐅᖅᑐᖅ ᓄᓇᕗᒧᑦ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐋᖅᑭᒃᓱᐃᓕᓚᐅᖅᐳᑦ ᐱᓕᕆᕝᕕᑉ ᐸᕐᓇᐅᑎᖏᓐᓂᒃ ᒫᑦᓯ 2008-ᖑᑎᓪᓗᒍ, ᑕᐃᔭᐅᔪᖅ ᐱᖁᑎᕐᔪᐊᓕᕆᓂᖅ ᓴᓇᔭᐅᓂᖓ II ᐊᐅᓚᑦᑎᓂᖅ ᓄᑭᓪᓚᐅᑎᖏᑦ − ᓄᓇᕗᑉ ᐊᖅᑯᑎᒃᓴᖓ, ᓄᓇᕗᑉ ᐊᑐᕈᓐᓇᓂᖅᓴᐅᑎᑕᐅᓇᓱᒃᑐᓂ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐃᑭᐊᖅᑭᔪᓐᓇᐅᑎᖏᑦ ᐊᑭᑐᓗᐊᙱᑦᑐᒃᑯᑦ ᐊᒥᓱᒻᒪᕆᐊᓘᓕᖅᑎᓪᓗᒋᑦ ᐃᑭᐊᖅᑭᔾᔪᑎᓂᑦ ᐊᑐᕈᒪᔪᑦ ᓄᓇᕗᒥ.

 

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᖃᐅᔨᓴᓚᐅᖅᑐᖅ ᑭᙴᒪᒋᔭᐅᔪᓂᑦ, ᓄᐊᑦᑎᓪᓗᑎᑦ ᐃᑭᐊᖅᑭᔾᔪᑎᓂᒃ ᐊᑐᖅᐸᑦᑐᑦ ᑐᑭᓯᒋᐊᕈᑎᖏᓐᓂᑦ ᖃᓄᖅ ᑕᒪᓐᓇ ᐊᑐᖅᑕᐅᖃᑦᑕᓂᕐᒪᖔᑦ ᖃᐅᔨᓇᓱᒃᑐᑎᑦ, ᑭᒃᑯᓐᓄᑦ, ᐊᒻᒪᓗ ᑭᓱᓄᑦ ᐊᑐᖅᑕᐅᓲᖑᒻᒪᖔᑦ ᐃᑭᐊᖅᑭᔾᔪᑎ ᖃᐅᔨᓇᓱᒃᑐᑎᑦ, ᓇᓚᐅᒃᑖᖅᑕᐅᖁᓪᓗᒍ ᓄᓇᕗᒥᐅᑦ ᑭᙴᒪᔭᖏᑦ ᖃᓄᐃᒃᑲᔭᕐᒪᖔᑕ ᑕᓪᓕᒪᑦ ᐊᕐᕌᒎᓂᐊᖅᑐᓂᑦ.  ᐱᖓᓱᐃᓕᖅᑲᖓᔪᒃᑯᑦ ᑐᑭᓯᒋᐊᕈᑏᑦ ᓄᐊᑕᐅᓚᐅᖅᓯᒪᕗᑦ ᐃᒪᓐᓇᐅᓪᓗᑎᑦ:

 

  • ᐊᐱᖅᓱᖅᑐᑎᑦ ᐅᖓᑖᓃᑦᑐᓂᑦ 200−ᓂᑦ ᐃᓄᓐᓂᑦ ᐊᖏᔫᑎᓂᑦ ᒥᑭᔫᑎᓂᓪᓗ ᓄᓇᓕᓐᓃᙶᖅᑐᓂᑦ, ᒪᐃ 2007−ᖑᑎᓪᓗᒍ ᐊᒻᒪᓗ ᕖᕝᕗᐊᕆ 2008−ᒧᑦ.
  • ᑎᓴᒪᐅᔪᖅᑐᑦ ᐃᓄᒃᑎᒍᑦ ᐅᐸᒃᑕᐅᓪᓗᑎᑦ ᑲᑎᒪᑎᑦᑎᓪᓗᑎᑦ ᕖᕝᕗᐊᕆ 2008-ᖑᑎᓪᓗᒍ ᑕᒪᐃᓐᓂᑦ ᓄᓇᕗᒥ ᐊᕕᑦᑐᖅᓯᒪᔪᖏᓐᓂ ᐃᓚᐅᖃᑕᐅᔪᑦ ᐊᔾᔨᒌᙱᑦᑐᓃᙶᖓᔪᑦ ᐃᖅᑲᓇᐃᔭᕐᕕᓐᓂ, ᐊᒻᒪᓗ
  • ᑲᑎᒪᖃᑎᒋᔭᐅᓪᓗᑎᑦ ᒥᓂᔅᑕᑉ ᑐᖏᓕᖏᑦ ᐊᒻᒪᓗ ᐃᖅᑲᓇᐃᔭᖅᑏᑦ ᓯᕗᓂᒃᓴᒥ ᐃᑭᐊᖅᑭᔾᔪᑎᓕᕆᓂᕐᒧᑦ ᑭᙴᒪᒋᔭᐅᓛᕐᓂᐊᕋᓱᒋᔭᐅᔪᓂᑦ ᐅᖃᐅᓯᖃᖅᑐᑎᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᑭᑦᑐᕋᐅᑎᑎᑦᑎᓚᐅᖅᑐᖅ ᐃᓄᓐᓂᑦ ᑭᒃᑯᑐᐃᓐᓇᕐᓂᑦ ᐱᓇᓱᖁᔨᓪᓗᑎᑦ ᐋᖅᑮᔾᔪᑎᒃᓴᓂᑦ ᐃᑭᐊᖅᑭᔾᔪᑏᑦ ᐊᑐᐃᓐᓇᐅᒪᑎᑕᐅᔪᓐᓇᕋᔭᕐᒪᖔᑕ ᐊᑭᑭᓛᒃᑯᑦ ᐊᑐᖅᐸᑦᑐᓄᑦ ᐃᑭᐊᖅᑭᔾᔪᑎᓂᑦ ᓄᓇᕗᒥ ᒪᓕᑦᑐᒋᑦ ᑲᓇᑕᒥ ᖁᒻᒧᐊᑦᑎᑕᐅᓯᒪᔪᒃᑯᑦ ᐱᓕᕆᐊᖓ.  ᑕᒪᐃᓐᓂ ᐱᓇᓱᒃᑐᑦ (ᓇᓗᓇᐃᖅᑕᐅᓪᓗᑎᑦ NSI ᐊᐅᓚᓂᖓᒍᑦ) ᐊᑐᕈᓐᓇᕋᔭᖁᓪᓗᒋᑦ ᐊᑭᑭᑦᑐᒥᑦ ᐃᑭᐊᖅᑭᔾᔪᑎᒥᑦ, ᑕᑯᒃᓴᐅᑎᑦᑎᔪᖅ ᑕᒪᓐᓇ ᐊᑭᑐᓗᐊᕋᔭᙱᒻᒪᑦ ᐊᑐᓲᕐᓄᑦ ᐃᑭᐊᖅᑭᔾᔪᑎᓂᑦ.

ᐱᔭᕇᖅᑕᐅᓯᒪᔪᖅ ᐱᓕᕆᕝᕕᑉ ᐸᕐᓇᐅᑎᖓ, ᐱᖁᑎᕐᔪᐊᓕᕆᓂᖅ ᓴᓇᔭᐅᓂᖓ II ᐊᐅᓚᑦᑎᓂᖅ ᓄᑭᓪᓚᐅᑎᖏᑦ − ᓄᓇᕗᑉ ᐊᖅᑯᑎᒃᓴᖓ, ᑐᓂᔭᐅᓚᐅᖅᓯᒪᕗᖅ ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᒫᑦᓯ 2008−ᖑᑎᓪᓗᒍ.  ᐃᑭᐊᖅᑭᔾᔪᑎᒃᑲᓐᓃᑦ ᐱᔭᐅᓚᐅᖅᑐᑦ ᑲᓇᑕᒥ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐱᓕᕆᐊᖓᒍᑦ ᐃᑲᔪᖅᑐᖅᑕᐅᖁᓪᓗᒋᑦ ᓇᓗᓇᐃᖅᑕᐅᓯᒪᔪᑦ ᑭᙴᒪᑦᑎᔪᑦ ᓄᓇᕗᒥ ᐃᑭᐊᖅᑭᔾᔪᑎᓂᑦ ᐊᑐᓲᑦ.

ᐱᓕᕆᕝᕕᑉ ᐸᕐᓇᐅᑎᖓ ᐋᖅᑭᓱᖅᑕᐅᓚᐅᖅᓯᒪᔪᖅ ᑕᐃᕕᑎ ᓯᒥᑦ−ᒧᑦ ᐊᒻᒪᓗ ᓗᕋᐃᓐ ᑖᒪᔅ−ᒧᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓃᙶᖅᑐᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑲᑎᒪᔨᖏᓐᓄᑦ, ᒐᕙᒪᒃᑯᓐᓄᑦ, ᓇᒻᒥᓂᖃᖅᑐᓄᑦ, ᐊᑐᖅᐸᑦᑐᓄᓪᓗ ᐃᓄᓐᓄᑦ ᑭᒃᑯᑐᐃᓐᓇᕐᓄᓪᓗ ᐃᑲᔪᖅᑕᐅᓪᓗᑎᒃ.

ᑮᓇᐅᔭᖃᖅᑎᑦᑎᓚᐅᖅᑐᑦ ᐃᓄᓕᕆᔨᑐᖃᒃᑲᑦ, ᒐᕙᒪᑐᖃᒃᑯᓐᓂ, ᐊᒻᒪᓗ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓐᓂᓗ, ᓄᓇᕗᑦ ᒐᕙᒪᖏᓐᓂ.