Projects
ᖃᕋᓴᐅᔭᓕᕆᔾᔪᑏᑦ ᐆᑦᑐᕋᖅᑕᐅᒋᐊᙵᓕᕐᓂᖏᑦ

Portable Modem

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᒥᓱᓂᑦ ᖃᐅᔨᓴᖃᑦᑕᓚᐅᖅᑐᑦ ᐆᑦᑐᕋᖅᑐᑎᑦ ᖃᕋᓴᐅᔭᕐᓂᑦ ᖃᕋᓴᐅᔭᕐᓄᓪᓗ ᐊᑐᕈᑎᓂᑦ ᑭᙴᒪᒋᔭᐅᔪᑦ ᐊᑐᖅᑕᐅᖁᓪᓗᒋᑦ ᓯᕗᓪᓕᐅᔾᔭᐅᖁᓯᒪᔭᖏᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑲᑎᒪᔨᖏᓐᓄᑦ.  ᖃᐅᔨᓴᓚᐅᖅᑎᓪᓗᒋᑦ ᐊᑭᑭᑦᑐᓂᑦ ᐃᖅᑲᓇᐃᔭᕐᕕᖃᕈᑎᑦ ᐊᒻᒪᓗ ᓄᑖᖑᓛᑦ ᖃᕋᓴᐅᔭᒃᑯᑦ ᑲᑎᒪᔾᔪᑏᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ, ᒪᕐᕉᓐᓄᒃ ᐊᕐᕌᒎᓐᓄᒃ ᐆᑦᑐᕋᕐᓂᖅ ᐱᔪᓐᓇᑎᑦᑎᓚᐅᖅᑐᖅ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓂᒃ ᐊᒻᒪᓗ SSI Micro−ᒃᑯᓐᓄᑦ ᖃᐅᔨᒪᓂᖅᓴᐅᓕᖅᑐᑎᑦ ᓯᕗᓂᒃᓴᒥ ᖃᓄᐃᓕᐅᖅᑐᒃᓴᐅᒐᔭᕐᒪᖔᑕ.  ᐊᒥᓱᑦ ᐆᑦᑐᕋᖅᑕᐅᔪᑦ ᐊᑐᓕᖅᑎᑕᐅᓚᐅᙱᑦᑐᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐅᕝᕙᓘᓐᓃᑦ ᐋᖅᑭᒃᓱᐃᔨᓄᑦ, ᑭᓯᐊᓂᓕ ᓴᖅᑭᖅᑎᑕᐅᓚᐅᖅᑐᑦ ᑕᒪᒃᑯᐊ ᐊᓯᖏᑎᒍᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᖅᑲᓇᐃᔭᖃᑎᖃᓚᐅᖅᑐᑦ ᑳᓐᑐᕌᒃᑦ−ᑐᓂᑦ ᖃᐅᔨᓴᕐᓗᑎᑦ ᐋᖅᑭᒍᑎᒃᓴᓂᑦ ᐊᔾᔨᒌᙱᑦᑐᓄᑦ ᖃᕋᓴᐅᔭᓕᕆᔾᔪᑎᓄᑦ ᐊᑑᑎᖃᓛᕐᓂᐊᕋᓱᒋᔭᐅᔪᓂᑦ ᐃᓄᓐᓄᑦ ᓄᓇᕗᒥ, ᐅᑯᐊᖑᓪᓗᑎᑦ:

  • ᐅᖃᕐᓗᓂ ᓂᓪᓕᐊᒍᓐᓇᕐᓗᓂ ᖃᕋᓴᐅᔭᖅᑎᒍᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ,
  • ᐊᒥᓱᑦ ᑲᑎᒪᒍᓐᓇᕐᓗᑎᑦ ᖃᕋᓴᐅᔭᖅᑎᒍᑦ, (ᖃᕋᓴᐅᔭᖅᑎᒍᑦ)
  • ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᓄᓇᓕᕆᔾᔪᑏᑦ ᑐᑭᓯᒋᐊᕈᑎᖏᑦ ᒎᒍᓪ ᓄᓇᙳᐊᓕᕆᔾᔪᑎᓅᖅᑕᐅᓗᑎᑦ;
  • ᐊᑭᑭᑦᑑᓗᑎᑦ ᐃᖅᑲᓇᐃᔭᕐᕖᑦ;
  • ᐊᑐᕋᒃᓴᐅᓗᑎᑦ ᐃᑭᐊᖅᑭᕖᑦ ᓇᒧᙵᕐᓗᓂ(ᐃᑲᔪᖅᑕᐅᖁᓪᓗᒋᑦ ᓄᓇᓕᓐᓂ ᓇᒻᒥᓂᕆᔭᐅᔪᑦ ᑮᓇᐅᔾᔭᒃᓴᓂᐊᕐᒪᑕ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᐅᐸᑉᐸᑦᑕᖏᓐᓂᒃ ᐃᑭᐊᖅᑭᔾᔪᑎᑕᖃᖃᑦᑕᖁᓪᓗᒍ);
  • ᓅᒐᒃᓴᓂ ᓄᓇᓂ ᐃᑭᐊᖅᑭᔾᔪᑎᑕᖃᕈᓐᓇᕐᓗᓂ (ᐊᑐᖅᑕᐅᒐᔭᖅᑐᑦ ᓄᓇᓖᑉ ᓇᐸᕈᑕᖓᓄᑦ ᑎᑭᐅᑎᒍᓐᓇᖅᑐᑦ ᐃᑭᐊᖅᑭᔾᔪᑏᑦ ᓄᓇᑐᐃᓐᓇᕐᒦᓪᓗᓂ)
  • ᑕᕐᕆᔮᒃᓴᓕᐅᕈᑏᑦ ᐃᒡᓗᓄᑦ ᖃᐅᔨᓴᕈᑎᐅᓗᑎᑦ ᐃᑲᔪᖅᑕᐅᖁᓪᓗᑎᑦ ᓄᓇᓕᓐᓂ ᓇᒻᒥᓂᖃᖅᑐᑦ ᐋᖅᑮᔪᓐᓇᕋᔭᕐᒪᑕ ᐊᐅᓚᑦᑎᓗᑎᓪᓗ ᐅᖓᓯᑦᑐᒃᑯᑦ ᑕᕐᕆᔮᒃᓴᓕᐅᕈᑎᒥᑦ ᖃᐅᔨᓴᕈᑕᐅᓗᓂ.

ᐋᖅᑭᓱᖅᑕᐅᓚᐅᖅᑐᑦ ᐃᖅᑲᓇᐃᔭᕐᕖᑦ, ᐊᑐᕋᒃᓴᑦ ᐃᑭᐊᖅᑭᕖᑦ ᓇᒧᙵᕐᓗᓂ, ᓅᒐᒃᓴᑦ ᓄᓇᓂ ᐃᑭᐊᖅᑭᔾᔪᑎᖃᕈᓐᓇᕐᓗᓂ, ᐊᒻᒪᓗ ᑕᕐᕆᔮᒃᓴᓕᐅᕈᑏᑦ ᐃᒡᓗᓄᑦ ᖃᐅᔨᓴᐅᔨᑎᓄᑦ ᐆᑦᑐᕋᖅᑕᐅᒐᔭᖅᑐᑎᑦ.

ᖃᕋᓴᐅᔭᕐᒧᑦ ᐊᐅᓚᒍᑎᖏᑦ ᐋᖅᑭᓱᖅᑕᐅᔪᑦ ᑖᒃᑯᓄᖓ ᐅᖓᓯᑦᑐᒥ ᖃᕋᓴᐅᔭᒃᑯᑦ ᓂᓪᓕᐊᒍᓐᓇᕈᑏᑦ ᖃᐅᔨᓴᖅᑕᐅᔪᓂᑦ ᐊᓯᔾᔨᖅᐸᓪᓕᐊᖏᓐᓇᖅᑐᒥᒃ ᖃᕋᓴᐅᔭᓕᕆᓂᕐᒥᑦ ᐋᖅᑭᒃᓱᐃᖏᓐᓇᖅᑐᑦ ᐆᑦᑐᕋᑕᐅᔪᓂᑦ, Ssi−ᒃᑯᑦ ᐱᓕᕆᐊᖃᐃᓐᓇᖅᑐᑦ ᐅᖓᓯᑦᑐᒃᑯᑦ ᓂᓪᓕᐊᒍᑏᑦ ᖃᕋᓴᐅᔭᒃᑯᑦ ᐃᑭᐊᖅᑭᔾᔪᑎᑎᒍᑦ.

ᑐᑭᓯᒋᐊᕈᑏᑦ ᓄᐊᑕᐅᓯᒪᔪᑦ ᐋᖅᑭᓱᖅᑕᐅᔪᓪᓗ ᐃᓄᒃᑎᑐᑦ ᐊᒻᒪᓗ ᖄᖓᓅᖅᑲᖅᑕᐅᓪᓗᑎᑦ ᒎᒍᓪ ᓄᓇᙳᐊᓕᕆᔨᒃᑯᓐᓄᑦ ᐊᒻᒪᓗ ᑕᑯᒃᓴᐅᑎᑕᐅᓚᐅᖅᓯᒪᓪᓗᑎᑦ 17-ᓄᑦ ᓄᓇᓕᕆᔨᒻᒪᕆᓐᓄᑦ ᐃᖃᓗᓐᓂ 2006-ᖑᑎᓪᓗᒍ.

“ᓇᕿᓪᓗᒍ ᑲᑎᒪᖃᑎᖃᖁᓪᓗᑎᑦ” ᐅᖓᓯᑦᑐᒃᑯᑦ ᑲᑎᒪᔾᔪᑎ ᖃᕋᓴᐅᔭᖅᑎᒍᑦ ᐃᓕᓐᓂᐊᕈᑎᑦᑎᐊᕙᒻᒪᕆᐅᓚᐅᖅᑐᖅ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓄᑦ ᐊᒻᒪᓗ SSI Micro−ᒃᑯᓐᓄᑦ ᐱᓇᓱᐊᒐᖃᖅᑎᓪᓗᒋᑦ ᖃᕋᓴᐅᔭᒃᑯᑦ ᑲᑎᒪᔾᔪᑎᑎᒍᑦ.

ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑦᑎᓚᐅᖅᑐᑦ ᑖᔅᓱᒥᖓ.