Projects
ᑮᓇᐅᔭᓕᕆᓂᕐᒧᑦ ᐱᔨᑦᑎᕋᕈᑏᑦ: ᑮᓇᐅᔭᓕᕆᓂᖅ ᐃᑭᐊᖅᑭᔾᔪᑎᑎᒍᑦ ᖃᕋᓴᐅᔭᒃᑯᑦ

Online Banking

ᕿᓂᖅ ᐃᑭᐊᖅᑭᔾᔪᑎᓕᕆᔩᑦ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᕈᑎ ᐱᓕᕆᐊᖅ ᖃᐅᔨᓴᓚᐅᖅᑐᖅ ᐱᕕᒃᓴᐅᔪᓂᑦ ᐊᔪᕐᓇᙱᑦᑎᑕᐅᔪᑦ ᐃᑭᐊᖅᑭᕕᒃᑯᑦ ᑮᓇᐅᔭᓕᕆᓂᕐᒥᒃ ᐱᔨᑦᑎᖅᑕᐅᖁᓪᓗᒋᑦ ᓄᓇᕗᒥ ᓄᓇᓕᖏᓐᓂ ᐅᖓᓯᑦᑑᒐᓗᐊᓂᑦ.  ᐱᓕᕆᐊᖅ ᓴᖅᑮᓚᐅᖅᑐᖅ ᐊᑐᓕᖁᔭᐅᔪᓂᑦ, ᐊᑐᓕᖅᑎᑕᐅᒍᑎᑦ, ᑮᓇᐅᔭᓕᕆᔾᔪᑎᓕᒫᓂᑦ ᖃᕋᓴᐅᔭᒃᑯᑎᒍᑦ ᐊᔪᕐᓇᙱᑎᑦᑎᒍᓐᓇᐃᓕᒐᔭᖅᑐᖅ ᐃᓄᒃᑎᑐᑦ ᑕᒪᐃᓐᓄᑦ ᓄᓇᕗᑦ ᓄᓇᓕᖏᓐᓂᑦ.

ᓄᓇᕗᒥᐅᓄᑦ ᐊᐅᓚᑦᑎᒍᓐᓇᓕᖁᓪᓗᒋᑦ ᑕᒪᐃᓐᓂᑦ ᑮᓇᐅᔭᓕᐅᕈᓐᓇᕐᓂᖏᓐᓂᒃ ᓯᕗᓂᒃᓴᒥ, ᐊᑐᕈᓐᓇᕆᐊᖃᕐᒪᑕ ᑕᒪᐃᓐᓄᑦ ᓇᒻᒥᓂᖁᑎᒋᔭᐅᔪᓄᑦ ᐱᖁᑎᖏᓐᓄᓪᓗ ᑮᓇᐅᔭᓕᕆᔪᓐᓇᕐᓗᑎᑦ ᖃᕋᓴᐅᔭᖅᑎᒍᑦ ᐊᓯᖏᓐᓄᑦ ᑲᓇᑕᒥᐅᑕᓄᑦ ᐊᑐᖅᑕᐅᓲᓄᑦ.  ᓯᕗᒧᐊᒃᓯᒪᓕᕋᓗᐊᑎᓪᓗᒋᑦ ᖃᕋᓴᔭᐅᖅᑎᒍᑦ ᑮᓇᐅᔭᓕᕆᔾᔪᑏᑦ ᖃᓪᓗᓈᓂ ᐊᒻᒪᓗ ᓄᑖᑦ ᐃᑭᐊᖅᑭᔾᔪᑎᓕᕆᔾᔪᑏᑦ ᐊᖏᕐᕋᕆᔭᐅᔪᓕᒫᓂ ᐊᑐᑕᐅᓕᖅᑎᓪᓗᒋᑦ ᓄᓇᕗᒥ, ᐃᓚᖏᑦ ᐊᕝᕕᐊᕈᑎᑕᖃᕐᒪᑦ − ᑮᓇᐅᔭᒃᑯᕕᑖᕋᓱᓪᓗᓂ, ᓯᒃᑭᑖᖔᖃᑦᑕᖅᑐᑦ ᓱᓕ, ᐊᒻᒪᓗ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐱᔨᑦᑎᕋᖅᑕᐅᕙᙱᒻᒪᑕ ᓱᓕ ᐃᓄᐃᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᐃᖅᑲᓇᐃᔭᖅᑎᖏᑦ ᐃᑲᔪᖅᑎᖏᓪᓗ ᐊᐱᖅᓱᓚᐅᖅᑐᑦ ᑮᓇᐅᔭᒃᑯᕕᓕᕆᔨᒃᑯᓐᓄᑦ ᐃᖅᑲᓇᐃᔭᖅᑐᑦ ᒐᕙᒪᒃᑯᓐᓂᓗ ᐃᖅᑲᓇᐃᔭᖅᑐᓂ, ᕿᒥᕐᕈᓪᓗᑎᑦ ᑎᑎᖅᑲᓕᐊᕆᔭᐅᓯᒪᔪᓂᑦ ᑮᓇᐅᔭᒃᑯᕕᖃᙱᑦᑐᓂᑦ, ᐊᒻᒪᓗ ᕿᒥᕐᕈᒋᓪᓗᑎᑦ ᐊᕝᕕᐊᕈᑎᖏᑦ ᓄᓇᕗᒥᐅᑦ ᑮᓇᐅᔭᒃᑯᕕᓕᕆᔨᒃᑯᓐᓄᑦ ᐱᔨᑦᑎᖅᑕᐅᖃᑦᑕᕈᒪᒐᓗᐊᖅᑎᓪᓗᒋᑦ, ᓄᓇᓕᓐᓂ ᑮᓇᐅᔭᒃᑯᕕᖃᙱᑦᑐᓂᑦ ᐱᓗᐊᖅᑐᒥᒃ - 22 ᓄᓇᓖᑦ ᑕᒪᐃᓐᓂᑦ 25-ᓂᑦ ᓄᓇᕗᑦ ᓄᓇᓕᖏᓐᓂ.

ᒫᑦᓯ 2006-ᖑᑎᓪᓗᒍ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑮᓚᐅᖅᑐᑦ ᐅᓂᒃᑳᕐᒥ ᑕᐃᔭᐅᔪᖅ ᑮᓇᐅᔭᒃᑯᕕᓕᕆᓂᖅ ᖃᕋᓴᐅᔭᒃᑯᑦ. ᑖᓐᓇ ᐅᓂᒃᑳᖅ ᓴᖅᑭᖅᑎᑕᐅᓚᐅᖅᓯᒪᕗᖅ ᑮᓇᐅᔭᖃᖅᑎᑦᑎᔪᓪᓗ ᐊᒻᒪᓗ ᐊᐅᓪᓚᖅᑎᑕᐅᓪᓗᓂ ᖃᐅᔨᔪᒪᕙᒃᑐᓄᑦ ᐱᖃᑕᐅᔪᒪᔪᓄᓪᓗ.  ᐊᑐᓕᖁᔭᐅᔪᑦ ᒪᑉᐱᒐᖅ 16−ᒦᑦᑐᑦ ᑭᖑᓪᓕᖅᐹᕐᒥ ᐅᓂᒃᑳᓕᐊᕐᒥ ᑕᐃᔭᐅᔪᖅ “ᑮᓇᐅᔭᓕᕆᓂᖅ ᖃᕋᓴᐅᔭᒃᑯᑦ.”

ᑮᓇᐅᔭᓕᕆᓂᖅ ᖃᕋᓴᐅᔭᒃᑯᑦ ᐊᑐᖅᑕᐅᔪᒪᓛᖅᑐᑦ ᓇᓗᓇᐃᖅᑕᐅᓚᐅᖅᓯᒪᕗᑦ, ᐱᖃᓯᐅᔾᔭᐅᓪᓗᑎᑦ ᐊᑐᖁᔭᐅᓛᖅᑐᑦ ᐊᔾᔨᒌᙱᑦᑐᑦ ᐆᑦᑑᑏᑦ ᑐᙵᕕᖃᖅᑐᑦ ᐃᑭᐊᖅᑭᔾᔪᑎᓂᑦ ᐊᒃᓱᕈᕈᑕᐅᔪᓂᑦ ᐋᖅᑮᒍᑎᖃᕈᓐᓇᖅᑐᑦ ᑮᓇᐅᔭᓕᕆᔾᔪᑎᑕᖃᕐᓂᖅᓴᐅᓕᕐᓗᓂ ᖃᕋᓴᐅᔭᒃᑯᑦ ᓄᓇᕗᒥᐅᓄᑦ.

ᕌᕕᓐ ᓯᓐᑭᓕᐅᕐ−ᓯᐊᓄᕐ (ᖃᐅᔨᒪᔨ), ᒋᓕᐊᓐ ᑲᓴᓐᔅ (ᑐᑭᒧᐊᑦᑎᑦᑎᔨ ᓄᓇᕘᒥ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᒪᔨᖏᑦ), ᑖᓐ ᓴᐃᓐ. ᑎᓂᔅ (ᖃᐅᔨᒪᔨ), ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓂ ᐃᖅᑲᓇᐃᔭᖅᑎ ᑕᐃᕕᑎ ᓯᒥᑦ ᐊᒻᒪᓗ ᓗᕋᐃᓐ ᑖᒪᔅ ᓴᖅᑮᓚᐅᖅᑐᑦ ᑭᖑᓪᓕᖅᐹᕐᒥ ᐅᓂᒃᑳᒥ. 

ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂ ᐅᓂᒃᑳᑉ ᓴᓇᔭᐅᓂᖓᓄᑦ ᑮᓇᐅᔭᖃᖅᑎᑦᑎᓚᐅᖅᑐᑦ.