Projects
ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ: ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᒪᖔᑦ ᐱᓕᕆᐊᖅ

ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ, ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᒪᖔᑦ ᐱᓕᕆᐊᖓ ᖃᐅᔨᓴᓚᐅᖅᑐᖅ ᓇᒻᒥᓂᖅ ᓂᐅᕕᐊᒃᓴᖃᖃᑦᑕᕈᓐᓇᕐᒪᖔᑕ ᓴᓇᙳᐊᖅᑏᑦ ᐃᓄᐃᑦ ᓴᓇᐅᒐᖏᓐᓂᒃ ᖃᕋᓴᔭᐅᔭᒃᑯᑦ ᐃᑭᐊᖅᑭᕕᒃᑯᑦ.  ᐅᓂᒃᑳᖅ ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ: ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᒪᖔᖅ ᐱᓕᕆᐊᖓᑕ ᓇᓗᓇᐃᔭᖅᓯᒪᓂᖓ ᐅᖃᖅᓯᒪᕗᖅ ᖃᓄᐃᓕᐅᕈᓐᓇᕐᒪᖔᑕ ᖃᕋᓴᐅᔭᒃᑯᑦ ᐊᑐᕐᓗᓂ ᐃᑭᐊᖅᑭᕕᑎᒍᑦ ᓴᙵᑦᑎᑕᐅᖁᓪᓗᒋᑦ ᓴᓇᙳᐊᖅᑏᑦ ᐊᒻᒪᓗ ᐊᓯᖏᑦ ᓴᖅᑮᓪᓗᑎᑦ ᓄᑖᕐᒥᒃ ᓂᐅᕕᐊᒃᓴᖃᕐᕕᐅᔪᓂᑦ ᐃᓄᐃᑦ ᓴᓇᐅᒐᖏᓐᓂᒃ ᓂᐅᕕᖅᑐᖃᕐᓂᖅᓴᐅᑎᑦᑎᒐᔭᖅᑐᓂ ᐱᐅᔫᑕᐅᓂᖅᓴᐅᔪᓂᓗ ᓂᐅᕕᖅᑐᖃᖃᑦᑕᕋᔭᖅᑐᓂ.  ᐅᓂᒃᑳᖅ ᐱᔭᕇᖅᓯᓚᐅᖅᑐᖅ ᓇᓗᓇᐃᔭᑦᑎᐊᖅᓯᒪᔪᓂᑦ ᑎᑎᖅᑐᖅᓯᒪᔪᑦ ᐱᓕᕆᐊᒃᑲᓐᓂᐅᔭᕆᐅᓕᓐᓂᑦ ᖃᓄᐃᓕᐅᕈᑕᐅᔭᕆᐊᓕᓐᓂᓪᓗ ᓯᕗᒧᐊᒍᓐᓇᖁᓪᓗᒍ ᐊᒻᒪᓗ ᑮᓇᐅᔭᖅᑐᕈᑎᒃᓴᖏᓐᓂᒃ ᐅᖃᖅᓯᒪᓪᓗᑎᑦ 2008−ᒥ ᖃᓄᐃᓕᐅᕈᑕᐅᒐᔭᖅᑐᓂᑦ.

ᐱᔾᔪᑎᖓ: ᐱᔾᔪᑎᒋᓚᐅᖅᑖ ᑕᒪᔅᓱᒪᑉ ᐱᓕᕆᐊᑉ ᖃᐅᔨᓴᕐᓗᑎᑦ ᖃᓄᖅ ᓂᐅᕕᐊᒃᓴᖃᕈᓐᓇᕋᔭᕐᒪᖔᑕ ᓴᓇᙳᐊᖅᑏᑦ ᖃᕋᓴᐅᔭᖅᑎᒍᑦ, ᐊᒻᒪᓗ ᐱᔾᔪᑎᒋᓚᐅᕐᒥᔮ ᖃᓄᐃᓕᐅᕈᓐᓇᕐᒪᖔᑕ ᓇᒻᒥᓂᖅ ᓴᓇᙳᐊᖅᑏᑦ ᓂᐅᕕᐊᒃᓴᖃᖃᑦᑕᕋᓱᒍᓐᓇᕐᓂᖏᑦ ᐊᑐᕐᓗᑎᑦ ᖃᕋᓴᐅᔭᒃᑯᑦ−ᓇᒻᒥᓂᖃᖅᑐᓄᑦ ᐃᑭᐊᖅᑭᕕᖓ.

ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ ᑮᓇᐅᔭᖃᖅᑎᑦᑎᓚᐅᖅᐳᑦ ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᓂᖏᑕ ᐱᓕᕆᐊᕐᒥ, ᐊᒻᒪᓗ ᐃᓚᐅᖃᑕᐅᖏᓐᓇᐅᔭᓚᐅᖅᑐᓂ ᐅᖃᐅᔾᔨᒋᐊᖅᑎᐅᓪᓗᓂᓗ ᑭᒡᒐᖅᑐᐃᓪᓗᑎᑦ ᐃᓚᒋᔭᐅᔪᖁᑎᖏᓐᓂᑦ ᖃᐅᔨᓴᖁᔨᓪᓗᑎᑦ ᖃᓄᖅ ᓄᓇᕗᑉ ᓴᓇᙳᐊᖅᑐᓕᕆᓂᖓ ᑮᓇᐅᔭᓕᐅᕈᓐᓇᓂᖅᓴᐅᒐᔭᕐᒪᑕ ᑮᓇᐅᔭᖅᑎᒍᑦ ᐊᑐᖅᑐᖃᖃᑦᑕᕐᓂᕈᓂ ᐱᐅᓯᕚᓪᓕᖅᑎᑦᑎᔪᑦ ᓴᓇᐅᒐᕐᓂᑦ, ᖃᓄᖅᑑᖅᑎᑦᑎᓕᕈᓐᓇᕐᒪᖔᑦ ᖃᐅᔨᓴᖅᑐᑎᑦ, ᐊᒻᒪᓗ ᐃᑲᔪᖅᑐᐃᓇᓱᒃᑐᑎᑦ ᒪᑭᒪᔪᓐᓇᕐᓂᖓᓂᒃ, ᐃᖅᑲᓇᐃᔭᖃᑕᐅᓪᓗᑎᑦ ᓄᓇᕗᒥᐅᑦ ᓴᓇᙳᐊᖅᑎᖏᑦ, ᑲᑐᔾᔨᖃᑎᒌᖏᑦ ᓄᓇᓕᖏᓪᓗ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐅᖃᐅᔾᔨᒋᐊᖃᑦᑕᓚᐅᖅᑐᖅ ᐊᒻᒪᓗ ᑭᒃᑯᓐᓂᑦ ᖃᐅᔨᒋᐊᕈᓐᓇᕐᒪᖔᑦ ᐅᖃᐅᔾᔨᕙᒃᑐᓂ ᑐᕌᖓᔪᑦ ᖃᕋᓴᐅᔭᓕᕆᓂᕐᒧᑦ ᐊᑐᕋᒃᓴᓂᑦ, ᖃᕋᓴᐅᔭᓕᕆᓂᕐᒧᑦ ᐱᖁᑎᕐᔪᐊᑦ ᐊᑐᖅᑕᐅᔭᕆᐊᖃᕋᔭᖅᑐᑦ, ᐊᒻᒪᓗ ᐊᐅᓚᑦᑎᓂᕐᒥᒃ ᖃᕋᓴᐅᔭᕐᒥᒃ ᑖᔅᓱᒧᖓ ᑐᕌᖓᔪᓂᑦ ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᓂᖏᓐᓄᑦ ᐱᓕᕆᐊᕐᒧᑦ.

ᓴᖅᑭᖅᑐᑦ:  ᑭᖑᓪᓕᖅᐹᕐᒥ ᐅᓂᒃᑳᖅ, ᓴᖅᑭᑕᐅᓚᐅᖅᓯᒪᔪᖅ ᖃᕋᓴᐅᔭᒃᑯᑦ ᓄᓇᕗᑦ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑕ ᐃᑭᐊᖅᑭᕕᖓᒍᑦ, ᐊᑐᐃᓐᓇᐅᒪᕗᖅ ᓱᓕ ᐅᖃᓕᒫᕋᒃᓴᖅ, ᑕᐃᔭᐅᔪᖅ ᓄᓇᕘᒥ ᓴᓇᐅᒐᖏᑦ: ᓴᓇᙳᐊᖅᑏᑦ ᓇᒻᒥᓂᖅ ᓂᐅᕕᐊᒃᓴᖃᕈᓐᓇᕐᓂᖏᑕ ᐱᓕᕆᐊᖅ.

ᐅᓂᒃᑳᖅ ᐅᖃᐅᓯᓕᒃ ᐊᑐᖅᑕᐅᓂᖏᑦ ᖃᕋᓴᐅᔭᒃᑯᑦ ᓇᒻᒥᓂᕆᔭᐅᔪᑦ ᓴᖅᑭᔮᕐᓗᑎᑦ ᓂᐅᕕᕐᕕᐅᔪᓐᓇᕐᓗᑎᑦ ᓂᕆᐅᒋᔭᐅᙱᓐᓂᕗᖅ ᑭᓯᐊᓂ ᑕᒪᓐᓇ ᐃᓄᒃᑎᒍᑦ ᓂᐅᕕᖅᑐᖃᓲᖑᑎᓂᖓᓂᒃ.  ᐳᓛᕆᐊᖅᑐᑦ ᓂᐅᕐᕈᐊᓪᓗ ᓂᐅᕖᓐᓇᖃᑦᑕᕐᓂᐊᕐᒪᑕ ᓄᓇᓕᒻᒥ ᓴᓇᐅᒐᒥᓂᕐᓂᑦ ᐊᒻᒪᓗ ᓄᓇᓕᓐᓂ ᓂᐅᕕᖅᐸᑦᑐᑦ ᓱᓕ ᓂᐅᕕᕐᕕᐅᖃᑦᑕᕐᓂᐊᖅᑐᑦ ᑕᑯᔭᒐᖃᕐᕕᓕᓐᓄᑦ.  ᑭᓯᐊᓂᓕ ᐊᑐᕐᓗᓂ ᑕᒪᔅᓱᒥᖓ ᖃᕋᓴᐅᔭᒃᑯᑦ ᓂᐅᕕᕐᕕᒻᒥ ᒪᑐᐃᖅᓯᒍᑕᐅᕗᖅ ᓄᑖᕐᓂᑦ ᓂᐅᕕᖅᐸᑦᑐᓂᑦ ᐊᒻᒪᓗ ᓴᓇᙳᐊᒐᕐᓂᑦ ᓂᐅᕕᖅᐸᑦᑐᓄᑦ ᕿᒥᕐᕈᔭᐅᓂᖅᓴᐅᕙᓕᖅᑐᓂ ᓄᓇᕗᒨᓚᐅᖅᓯᒪᙱᑦᑐᓄᑦ ᑕᑯᔭᒐᖃᕐᕕᒻᒨᓚᐅᖅᓯᒪᒐᔭᙱᑦᑐᓄᓪᓗ ᓂᐅᕕᖅᑐᖃᕈᓐᓇᖅᓯᓪᓗᓂ ᓴᓇᐅᒐᕐᓂᑦ.

ᐃᓚᐅᖃᑕᐅᔪᑦ:  ᕼᐃᐅᕆ ᑎᐊᑯᑦ, ᖃᐅᔨᒪᔨ, ᖃᐅᔨᓴᕐᓂᕐᒥᒃ ᓯᕗᓕᖅᑎᐅᓚᐅᖅᑐᖅ, ᐃᖅᑲᓇᐃᔭᖃᑎᖃᖅᑐᓂ ᕕᐊᑦ ᕖᑎᒥᒃ ᓄᓇᕘᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᓐᓃᙶᖅᑐᖅ, ᑕᐃᕕᑎ ᓯᒥᑦ ᐊᒻᒪᓗ ᓗᕋᐃᓐ ᑖᒪᔅ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓂᑦ.

ᑮᓇᐅᔭᖃᖅᑎᑦᑎᔪᖅ(ᑦ): ᓄᓇᕗᒥ ᓴᓇᙳᐊᖅᑏᑦ ᑲᑐᔾᔨᖃᑎᒌᖏᑦ ᑮᓇᐅᔭᖃᖅᑎᑦᑎᓚᐅᖅᑐᑦ ᐱᓕᕆᐊᕐᒥ.