Projects
ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᓕᕆᕝᕕᖓᑕ ᐸᕐᓇᐅᑎᖓ 2003

Nunavut Broadband: Business Plan Submission for Implementation Funding

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᓯᕗᓪᓕᖅᐹᕐᒥ ᐱᓕᕆᕝᕕᑉ ᐸᕐᓇᐅᑎᖓ ᑕᐃᔭᐅᓚᐅᖅᓯᒪᔪᖅ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᒃᑯᑦ: ᐱᓕᕆᕝᕕᑉ ᐸᕐᓇᐅᑎᖏᑦ ᑐᓂᔭᐅᔪᑦ ᐊᑐᓕᖅᑎᑕᐅᓂᖓᕐᓂᖓᓄᑦ ᑮᓇᐅᔭᖅᑖᕋᓱᐊᕈᑏᑦ  ᑲᒪᒋᔭᐅᔭᕆᐊᖃᓚᐅᕐᒪᑦ ᑮᓇᐅᔭᖅᑎᒍᑦ ᐃᑲᔪᖅᑕᐅᖁᓪᓗᑕ ᓇᒻᒥᓂᖃᖅᑐᓄᑦ ᓴᓇᔪᖃᖁᓪᓗᒍ ᐊᐅᓚᑦᑎᔪᖃᖁᓪᓗᒍᓗ ᐃᑭᐊᖅᑭᔾᔪᑎᓂᑦ ᑕᒪᒃᑯᐊ ᓂᕆᐅᒋᔭᐅᔪᑦ ᑭᙴᒪᒋᔭᐅᓛᕐᓂᐊᕋᓱᒋᔭᑦ ᓄᓇᕗᒥᐅᑦ ᐊᑐᕈᒪᔪᑦ ᐃᑭᐊᖅᑭᔾᔪᑎᓂᑦ ᐊᑐᐃᓐᓇᐅᒪᕕᒋᖁᓪᓗᒋᑦ.

2003-ᖑᑎᓪᓗᒍ, ᐃᑭᐊᖅᑭᔾᔪᑎᖃᙱᑦᑐᓂ ᓄᓇᕗᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓯᕗᓪᓕᖅᐹᕐᒥ ᐱᓕᕆᐊᕆᓚᐅᖅᑖ ᐃᑲᔪᕐᓗᑎᑦ ᐱᕙᓪᓕᐊᒍᑎᒋᔭᐅᓇᓱᓐᓂᖓᓂᒃ ᐱᖁᑎᕐᔪᐊᑦ, ᓱᓇᒃᑯᑖᑦ, ᖁᒻᒧᐊᑦᑎᑕᐅᓯᒪᔪᖅᑎᒎᕈᓐᓇᐅᑏᑦ ᓇᐹᖅᑐᖏᑦ, ᖃᕋᓴᐅᔭᖅᑎᒍᑦ ᐊᑐᓕᖅᑎᑦᑎᒍᑏᑦ ᐊᒻᒪᓗ ᐱᔨᑦᑎᕋᖅᑕᐅᔪᓐᓇᕆᐊᖃᓛᕐᓂᖏᑦ ᑕᒪᐃᓐᓂᑦ ᓄᓇᓕᐅᔪᑦ ᐃᑭᐊᖅᑭᔾᔪᑎᓄᑦ.

ᑕᐃᕕᑎ ᓯᒥᑦ ᐊᒻᒪᓗ ᓗᕋᐃᓐ ᑖᒪᔅ ᖃᐅᔨᓴᓚᐅᖅᓯᒪᕘᒃ ᐊᒻᒪᓗ ᑎᑎᕋᖅᑐᑎᒃ ᐱᓕᕆᕝᕕᑉ ᐸᕐᓇᐅᑎᒋᒋᐊᙵᓚᐅᖅᓯᒪᔭᖓᓂᒃ ᑐᑭᒧᐊᑦᑎᑦᑎᔨᖃᖅᑐᑎᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᓐᓂᒃ ᔮᓐᓄᐊᕆᒥ ᔫᓂᒧᑦ 2003-ᒥ.  ᐃᒪᐃᓕᐅᓚᐅᖅᓯᒪᔪᑦ:

  • ᖃᐅᔨᓴᖅᑐᑎᑦ ᑭᙴᒪᒋᔭᐅᔪᓂᑦ, ᓇᓚᐅᒃᑖᑐᑎᑦ ᓄᑭᓪᓚᐅᑎᑦ ᐃᔾᔪᓂᕆᒋᐊᖃᕋᔭᖅᑕᖏᑦ ᖁᓖᑦ ᐊᕐᕌᒎᓂᐊᖅᑐᓂᑦ;
  • ᐃᓄᓐᓂᑦ ᑭᒃᑯᑐᐃᓐᓇᕐᓂᑦ ᐊᑭᑦᑐᕋᐅᑎᖁᔨᓪᓗᑎᑦ ᐱᓕᕆᕝᕕᓂᑦ ᑐᓂᓯᖁᔭᐅᓪᓗᑎᑦ ᐱᓕᕆᐊᕆᒐᔭᖅᑕᖏᓐᓂᒃ ᑲᓱᖅᑎᑦᑎᓗᑎᑦ ᓄᓇᓕᓐᓂ ᐊᒻᒪᓗ ᐃᑭᐊᖅᑭᔾᔪᑏᑦ ᑐᙵᕕᖏᓐᓂᑦ (ᓇᓕᒧᓐᓂᖓ 1 – ᖁᒻᒧᐊᑦᑎᑕᐅᓯᒪᔪᓕᕆᓂᕐᒧᑦ ᐱᔨᑦᑎᕋᕈᑏᑦ − 7 ᐱᔭᐅᔪᑦ) ᐊᒻᒪᓗ ᑲᓱᖅᑎᑕᐅᓗᑎᑦ ᓄᓇᓖᑦ (ᓇᓕᒧᓐᓂᖓ 2 − ᓄᓇᓕᓐᓂ ᓄᑭᓪᓚᐅᑏᑦ ᐱᔨᑦᑎᕋᕈᑎᖏᑦ − 3 ᐱᔭᐅᔪᑦ).
  • ᐃᓛᒃᑯᖓᔪᒥᒃ ᖃᐅᔨᓴᖅᑏᑦ ᑲᑎᒪᔨᕋᓛᖏᑦ ᓂᕈᐊᖅᑕᐅᕗᑦ ᐊᑭᑭᓛᖏᑦ, ᐱᐅᓛᑦ ᖃᕋᓴᐅᔭᓕᕆᔾᔪᑎᖏᑦ ᓄᓇᕘᒧᑦ Ssi Micro ᔭᓗᓇᐃᑉ−ᒥ, ᓵᓚᒃᓴᓚᐅᖅᓯᒪᔪᑦ ᓇᓕᒧᓐᓂᖏᑦ 1 ᐊᒻᒪᓗ 2;
  • ᐱᓕᕆᕝᕕᑉ ᐸᕐᓇᐅᑎᖓᓂᒃ ᓴᓇᓪᓗᑎᑦ ᒨᓂ 5, 2003, ᐊᒻᒪᓗ ᐸᕐᓇᐅᑎ ᑐᓂᔭᐅᓪᓗᓂ ᐅᑯᓄᖓ:
    • ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ BRAND ᐱᓕᕆᐊᖓ ᑮᓇᐅᔭᖅᑎᒍᑦ ᐃᑲᔪᕐᓗᑎᑦ ᐊᑐᓛᖁᓪᓗᒋᑦ
    • ᓄᓇᕘᒥ ᐱᓕᕆᕝᕕᓄᑦ ᑮᓇᐅᔭᖃᕐᕕᒃ ᑯᐊᐳᕇᓴᙵ, ᐊᒻᒪᓗ ᐊᑐᖅᑐᐊᕐᕕᒃ ᑯᐊᐳᕇᓴᙵ ᐊᑭᓕᒃᓴᓄᑦ ᐊᒻᒪᓗ ᐱᓕᕆᕝᕕᖃᖃᑕᐅᓛᕐᓗᑎᑦ ᑮᓇᐅᔭᓂᑦ ᐊᑐᖅᑐᑦ;
    • ᓄᓇᕗᑦ ᒐᕙᒪᖏᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᐃᓄᓕᕆᔨᑐᖃᒃᑯᑦ, ᐊᒻᒪᓗ 25-ᖑᔪᓄᑦ ᕼᐊᒻᓚᒃᑯᑦ ᐃᑲᔫᑎᖃᕐᓂᐊᕐᓂᖏᓐᓄᑦ ᐊᑭᓖᒐᔭᕐᒪᑕ ᐋᖅᑭᓱᖅᑕᐅᓂᖏᓐᓂᑦ 2.5 GHz ᓱᑲᓐᓂᓖᑦ ᐃᒡᓗᒥᐅᓄᑦ ᑲᓱᖅᑎᑦᑎᒍᑎᓂᑦ ᑕᒪᐃᓐᓂᑦ 25−ᖑᔪᓂᑦ ᓄᓇᓕᓐᓂ (ᑖᒃᑯᑐᐊᖑᙱᑦᑐᖅ ᖁᓖᑦ ᐊᖏᓛᑦ ᓄᓇᓖᑦ ᑕᐃᒪᐃᓕᐅᕈᒪᓚᐅᖅᓯᒪᒐᓗᐊᖅᑐᑎᑦ ᓵᓚᒃᓴᖅᑐᒧᑦ ᐊᑭᑦᑐᕋᐅᑎᔪᒧᑦ);
  • ᐸᕐᓇᐅᑎᐅᔪᖅ ᑐᓂᔭᐅᓚᐅᕆᕗᖅ ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᖁᒻᒧᐊᑦᑎᑕᐅᓯᒪᔪᓕᕆᓂᕐᒧᑦ ᐱᓕᕆᐊᖓᓄᑦ ᐃᑲᔪᕋᔭᕐᒪᑕ ᐃᓚᖏᓐᓂᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐃᑭᐊᖅᑭᔾᔪᑏᑦ ᐊᑭᖏᓐᓂᒃ.

ᓵᓚᒃᓴᖅᑐᖅ ᐊᑭᑦᑐᕋᐅᑎᔾᔪᑎᒥ ᓂᕈᐊᖅᑕᐅᓚᐅᖅᓯᒪᕗᖅ ᓴᓇᓂᐊᕐᓗᓂ ᐊᐅᓚᑦᑎᓂᐊᕐᓗᓂᓗ ᐃᑭᐊᖅᑭᔾᔪᑎᓕᕆᓂᑦ, ᐊᒻᒪᓗ ᑮᓇᐅᔭᖃᕆᐊᖃᕐᓂᖏᓐᓂᑦ (ᐃᑲᔫᑏᑦ, ᐊᑭᓕᒃᓴᑦ ᐊᒻᒪᓗ ᐱᖁᑎᖃᖃᑕᐅᒐᔭᕐᓗᑎᑦ ᑮᓇᐅᔭᖅᑎᒍᑦ ᐃᑲᔪᖅᑐᑦ) ᐊᔪᕐᓇᙱᑎᑦᑎᓚᐅᖅᑐᑎᓪᓗ ᑕᒪᒃᑯᓂᖓ ᐅᐱᕐᖔᖑᑎᓪᓗᒍ 2004-ᒥ ᐱᔭᕇᖅᑕᐅᖁᓪᓗᒍ ᓴᓇᔭᐅᓂᖓ ᕿᓂᖅ ᐃᑭᐊᖅᑭᔾᔪᑏᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ ᐃᖅᑲᓇᐃᔭᖅᑎᖏᓪᓗ, ᑳᓐᑐᕌᒃᑦᑑᔪᑦ, ᐃᓛᒃᑰᖓᔪᑦ ᖃᐅᔨᓴᖅᑏᑦ ᑲᑎᒪᔨᕋᓛᖏᑦ ᐃᑲᔪᖅᑐᐃᓐᓇᐅᓚᐅᖅᓯᒪᕗᑦ ᐋᖅᑭᓱᖅᑕᐅᓂᖓᓄᑦ ᐊᑐᓕᖅᑎᑕᐅᓂᖓᓄᓪᓗ ᐱᓕᕆᕝᕕᑉ ᐸᕐᓇᐅᑎᖓᓂᒃ.

ᐱᓕᕆᕝᕕᑉ ᐸᕐᓇᐅᑎᖓ ᐋᖅᑭᓱᖅᑕᐅᓂᖓᓄᑦ ᑮᓇᐅᔭᑦ ᑐᓂᔭᐅᓚᐅᖅᓯᒪᔪᑦ ᐅᑯᓇᙵᑦ:

  • ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ, BRAND ᐱᓕᕆᕝᕕᑉ ᐸᕐᓇᐅᑎᖓᓄᑦ ᑮᓇᐅᔭᑦ
  • ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ ᐱᓕᕆᕝᕕᑉ ᐸᕐᓇᐅᑎᖓᓄᑦ ᑮᓇᐅᔭᑦ
  • ᐃᑯᐱᒡᕕᓕᕆᔨᒃᑯᑦ, ᓄᓇᕗᑦ ᒐᕙᒪᖏᑦ