Projects
ᓄᓇᕘᒥ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑎᒌᑦᑐᓕᕆᓂᕐᒧᓪᓗ ᖃᕋᓴᐅᔭᖅᑎᒍᑦ ᑲᑎᒪᕕᔾᔪᐊᕐᓂᖏᑦ

ᓄᓇᕘᒥ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑎᒌᑦᑐᓕᕆᓂᕐᒧᓪᓗ ᖃᕋᓴᐅᔭᖅᑎᒍᑦ ᑲᑎᒪᕕᔾᔪᐊᕐᓂᖏᑦ

ᓄᓇᕘᒥ ᓯᕗᓪᓕᖅᐹᑦᑎᐊᖓᓂ ᑐᑭᓯᒋᐊᕈᑎᓕᕆᓂᕐᒧᑦ ᑐᓴᐅᒪᖃᑎᒌᑦᑐᓕᕆᓂᕐᒧᓪᓗ ᖃᕋᓴᐅᔭᖅᑎᒍᑦ ᑲᑎᒪᕕᔾᔪᐊᓚᐅᖅᓯᒪᕗᑦ ᐃᖃᓗᓐᓂ ᐊᒃᑑᕝᕙ 31-ᖑᑎᓪᓗᒍ ᐊᒻᒪᓗ ᓄᕖᕝᕙ 1, 2012-ᖑᑎᓪᓗᒍ.  ᑲᑎᒪᕕᔾᔪᐊᖅᑎᓪᓗᒋᑦ ᐱᓕᕆᐊᖃᓗᐊᙳᐊᓚᐅᖅᑐᑦ ᐊᒥᓱᓂᑦ ᐊᒻᒪᓗ ᑭᓱᕈᓘᔮᓗᓐᓂᑦ ᐱᔾᔪᑎᓂᑦ ᑲᒪᒋᔭᐅᔭᕆᐊᖃᖅᑐᓂᑦ ᓯᕗᒧᐊᒍᓐᓇᖁᓪᓗᒍ ᖃᓄᐃᓕᖓᓂᖓ ᑐᑭᓯᒋᐊᕈᑎᓕᕆᓂᖅ ᑐᓴᐅᒪᖃᑦᑕᐅᑎᔪᓕᕆᓂᖅ ᖃᕋᓴᐅᔭᖅᑎᒍᑦ ᓄᓇᕗᒥ.  ᓴᖅᑭᖅᑐᑦ ᑲᑎᒪᓚᐅᖅᑎᓪᓗᒋᑦ ᐊᖏᖃᑎᒌᒍᑕᐅᓯᒪᔪᑦ ᐊᒥᓱᑦ ᐱᔾᔪᑏᑦ ᐱᒻᒪᕆᐅᔪᑦ ᐊᑦᑐᐃᓂᓖᑦ ᓄᓇᕗᒥ ᑲᓱᖅᓯᒪᔪᓐᓇᕐᓂᖏᑦ ᐃᑭᐊᖅᑭᕕᒻᒧᑦ.  ᐱᖃᓯᐅᔾᔨᕗᑦ ᐅᑯᓂᖓ: ᐃᓄᐃᑦ ᑭᒃᑯᑐᐃᓐᓇᐃᑦ ᐊᑐᕈᓐᓇᖃᑦᑕᕆᐊᖃᕐᓂᖏᑦ; ᐊᑦᑎᓛᖑᒐᓗᐊᕐᒥᒃ ᑭᓯᐊᓂᓕ ᐱᕙᓪᓕᐊᒍᓐᓇᖅᑐᒥᒃ ᐱᔨᖅᑎᕋᖅᑕᐅᔪᓐᓇᕐᓂᖏᑕ ᐃᓄᐃᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᒪᓕᒐᖃᕐᓗᑎᑦ ᑕᒪᐃᓐᓂ ᓄᓇᕗᒥ ᓄᓇᓕᖏᓐᓂᑦ ᐊᒻᒪᓗ ᐅᑭᐅᖅᑕᖅᑐᒥ; ᐱᓕᒻᒪᒃᓴᖅᑐᖃᖅᑎᑦᑎᖃᑦᑕᕐᓗᓂ ᐃᓕᓐᓂᐊᖅᑐᖃᖃᑦᑕᕐᓗᓂᓗ; ᐊᒻᒪᓗ ᐊᑯᓂᐅᔪᒧᑦ ᒐᕙᒪᒃᑯᓐᓂᑦ ᑮᓇᐅᔭᖅᑎᒍᑦ ᐃᑲᔪᖅᑕᐅᖃᑦᑕᕆᐊᖃᕐᓂᖏᑦ ᖃᐅᔨᒪᓇᑦᑎᐊᖁᓪᓗᒍ ᓄᓇᕗᒥᐅᑦ ᑐᑭᓯᒋᐊᕈᓐᓇᖃᑦᑕᕐᓂᐊᕐᒪᑕ ᐊᒻᒪᓗ ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᖃᕋᓴᐅᔭᖅᑎᒍᑦ ᐊᔪᖃᑦᑕᕐᓂᐊᙱᒻᒪᑕ ᐊᑭᑭᑦᑑᓗᒋᑦ, ᓇᓕᒧᒌᑦᑑᓗᒋᑦ, ᐊᒻᒪᓗ ᓈᒻᒪᑦᑑᓗᒋᑦ.

ᑲᑎᒪᕕᔾᔪᐊᕐᓂᖅ ᐋᖅᑭᓱᖅᑕᐅᓚᐅᖅᑐᖅ ᓄᓇᕘᒥ ᕿᑭᖅᑖᓗᒃ ᑮᓇᐅᔭᖅᑖᖅᑎᑦᑎᔨᒃᑯᑦ ᑯᐊᐳᕇᓴᙵ ᑮᓇᐅᔭᖃᖅᑎᑕᐅᓪᓗᑎᑦ ᑲᓇᑕᑉ ᐅᑭᐅᖅᑕᖅᑐᖓᑕ ᐱᕙᓪᓕᐊᑎᑕᐅᓂᖓᓄᑦ ᑎᒥᖓᓄᑦ, ᑳᓐᓄᐊᕐ−ᖑᓂᕋᖅᑕᐅᔪᖅ ᐊᒻᒪᓗ ᐃᓚᐅᖃᑕᐅᓚᐅᖅᑐᑦ ᖃᕋᓴᐅᔭᓕᕆᕙᒃᑐᑦ, ᐊᔾᔨᒌᙱᑦᑐᑦ ᒐᕙᒪᒃᑯᓐᓃᙶᖓᔪᑦ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓃᙶᖓᔪᑦ, ᐃᑭᐊᖅᑭᔾᔪᑎᓕᕆᔩᑦ ᐊᒻᒪᓗ ᐱᔨᑦᑎᕋᖅᑏᑦ ᐊᒻᒪᓗᑦᑕᐅᖅ ᑲᑐᔾᔨᖃᑎᒌᖑᔪᑦ ᓄᓇᕗᒦᙶᖅᑐᑦ ᑲᓇᑕᒥᓗ.  ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᐊᕐᕕᒋᒍᒃ ᐅᕘᓇ: nunavutictsummit.ca.