Projects
ᓄᓇᕗᑦ ᓄᓇᕐᔪᐊᕐᒧᑦ ᑕᑯᓐᓇᖅᑕᐅᓕᖅᑐᖅ

Smart 21 logo

ᓴᖅᑭᖅᑎᑕᐅᓚᐅᖅᑎᓪᓗᒍ ᕿᓂᖅ ᐊᒻᒪᓗ ᐃᓄᐃᑦ ᐊᑐᖅᑐᑦ ᐊᑎᓕᐅᖃᑕᐅᓚᐅᖅᑎᓪᓗᒋᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑭᔮᕆᐊᕐᔫᒥᑎᑦᑎᓇᓱᓚᐅᖅᑐᑦ ᐅᓂᒃᑳᖅᑐᑎᑦ ᑐᓂᔭᐅᓪᓗᑎᑦ ᓄᓇᕗᑦ ᓵᓚᖃᕋᓱᐊᖅᑎᑕᐅᓪᓗᓂ ᓯᓚᑐᔪᑦ 21 ᓄᓇᓖᑦ ᐱᒃᑲᐅᓛᖑᓂᑭᓴᐅᑎᔪᓄᑦ ᓂᐅ ᔪᐊᒃ−ᒥ ᓯᓚᑐᔪᒻᒪᕇᑦ ᓄᓇᓖᑦ ᑲᑎᒪᕕᖓᓄᑦ.  ᓄᓇᕗᑉ ᑐᓂᔭᐅᓚᐅᖅᑎᓪᓗᒍ ᓂᕈᐊᖅᑕᐅᓚᐅᖅᑐᑦ ᕼᐊᓐᓇᓚᓂ ᐊᒥᓱᓂᑦ ᑐᓂᔭᒥᓂᕐᓂᑦ, ᐊᒻᒪᓗ ᕿᓂᖅ ᐃᑭᐊᖅᑭᔾᔪᑏᑦ ᓄᓇᕗᓗ ᓄᓇᕐᔪᐊᕐᒧ ᖃᐅᔨᔭᐅᓕᖅᑐᓂ ᐃᓕᓴᕆᔭᐅᓪᓗᓂ ᐱᔭᕇᖅᓯᓂᖓᓄᑦ ᐋᖅᑭᒃᓱᐃᓪᓗᓂ ᐃᑭᐊᖅᑭᔾᔪᑎᓂᑦ, ᐊᒻᒪᓗ ᐱᐅᔪᒻᒪᕆᒻᒥᒃ ᑕᐅᑐᑦᑕᐅᓕᖅᑐᓂ ᓄᓇᕗᑦ ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐱᓕᕆᐊᕆᓯᒪᔭᖓ ᐃᑭᐊᖅᑭᔾᔪᑎᖃᓕᖅᑎᑎᓪᓗᓂ.

ᓴᖅᑭᖅᑐᑦ:  ᓄᓇᕗᑦ ᐃᓕᓴᕆᔭᐅᓚᐅᖅᓯᒪᕗᖅ ᑲᑎᒪᔨᓄᑦ “ᓯᓚᑐᔪᑦ 21 ᓄᓇᓖᑦ”−ᖑᓂᕋᖅᑕᐅᔪᒥᑦ ᐊᔪᙱᓐᓂᖏᓐᓄᑦ ᐃᑭᐊᖅᑭᔾᔪᓕᕆᕙᒃᑐᑎᑦ ᓇᒻᒥᓂᖅ ᒪᑭᒪᑎᑦᑎᓇᓱᒃᑐᑎᑦ ᐃᓅᓯᖃᑦᑎᐊᖅᑎᑦᑎᓇᓱᒃᑐᑎᓪᓗ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑭᒡᒐᖅᑐᐃᔨᖏᑦ ᐊᐅᓪᓚᓚᐅᖅᓯᒪᔪᑦ ᔮᓐᓄᐊᕆ 2006-ᖑᑎᓪᓗᒍ, ᓄᓇᕗᑦ ᐆᑦᑑᑎᑦᑎᐊᓚᐅᓂᕋᖅᑕᐅᓪᓗᓂ ᐊᔪᕆᑕᒃᓴᐅᓪᓗᓂ ᐊᓯᖏᓐᓄᑦ ᑲᓇᑕᒥ ᐊᕕᑦᑐᖅᓯᒪᔪᓄᑦ ᐊᒃᓱᕈᕈᑎᓖᑦ ᐊᔾᔨᐸᓗᖏᓐᓂᒃ ᓄᓇᖓᑕ.  ᑎᐅᕈᓪ ᐅᕼᐅᑲᓐᓄᐊᖅ (ᐃᒃᓯᕙᐅᑕᖓᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ) ᐅᓂᒃᑳᓚᐅᖅᓯᒪᔪᖅ ᓄᓇᕘᒥ ᐃᑭᐊᖅᑭᔾᔪᑎᓕᕆᓂᕐᒧᑦ ᓄᓇᕐᔪᐊᓂᑦ ᑲᑎᒪᔨᓄᑦ ᑲᑎᒪᕕᔾᔪᐊᖅᑎᓪᓗᒋᑦ.

ᕿᑭᖅᑖᓗᒻᒥ ᓇᒻᒥᓂᖃᖅᑐᑦ ᑲᑎᒪᔨᖏᑦ ᐊᑦᑏᓚᐅᖅᑐᑦ ᕿᓂᖅ ᐃᑭᐊᖅᑭᔾᔪᑎᓕᕆᔨᖏᓐᓂᑦ ᐊᕐᕌᒍᒥ ᓇᒻᒥᓂᕆᔭᐅᔪᖅ ᐊᔪᙱᓛᕐᒥᒃ ᒫᑦᓯ 2006−ᖑᑎᓪᓗᒍ, ᐊᑦᑐᐃᓂᖃᕐᓂᖓᓂᒃ ᐃᑭᐊᖅᑭᔾᔪᑏᑦ, ᐊᒻᒪᓗᑦᑕᐅᖅ ᑲᓇᑕᒥ ᓯᓚᑖᓂᓗ ᐅᓂᒃᑳᕆᔭᒃᓴᐅᓚᐅᕐᒪᑦ ᑲᔪᓯᓂᖃᑦᑎᐊᖅᑐᒻᒪᕆᐅᓂᖓᓂᒃ ᐊᒻᒪᓗ ᓯᓚᑐᔪᑦ ᓄᓇᓖᑦ ᑲᑎᒪᔨᖏᓐᓄᑦ ᐃᓕᓴᕆᔭᐅᓚᐅᕐᓂᖓᓄᑦ.  ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑕᕐᕆᔮᒃᓴᓕᐊᕆᓯᒪᔭᖏᑦ ᑐᓂᐅᖅᑲᖅᑕᐅᓯᒪᔪᑦ ᑲᑎᒪᕕᔾᔪᐊᖅᑐᖃᖅᑎᓪᓗᒍ ᐊᑐᖅᑕᐅᔪᒻᒪᕆᐅᓚᐅᖅᑐᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓴᖅᑭᔮᕆᐊᕐᔫᒥᑎᑦᑎᓇᓱᒃᑐᑎᑦ ᑲᓇᑕᑉ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᐊᖓ.

ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᐊᒻᒪᓗ ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑦᑎᓚᐅᖅᐳᑦ ᐊᐅᓪᓚᕈᑎᓄᑦ ᐊᒻᒪᓗ ᑕᕐᕆᔮᒃᓴᓕᐅᕈᑕᓄᑦ/ᑐᓂᐅᖅᑲᖅᑕᐅᓂᖏᓐᓄᓪᓗ.  ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᓄᓇᕗᑦ ᒐᕙᒪᖏᓐᓂ ᑮᓇᐅᔭᖃᖅᑎᑦᑎᓚᐅᕆᕗᑦ ᐊᐅᓪᓚᕈᑎᓄᑦ.