Projects
ᖃᕋᓴᐅᔭᒃᑯᑦᑐᖅᑯᐃᕕᒃ ᐊᒻᒪᓗ ᖃᕋᓴᐅᔭᖅᑎᒍᑦ ᑲᑎᒪᔾᔪᑏᑦ ᓴᖅᑭᖅᑎᑕᐅᕗᑦ

Qfile

ᐱᓕᕆᔾᔪᑏᑦ ᓄᓇᕘᒥ ᖁᒻᒧᐊᑦᑎᑕᐅᓯᒪᔪᒃᑯᑦ ᐃᑭᐊᖅᑭᔾᔪᑎᖃᖅᑎᑕᐅᔪᓄᑦ

ᒪᕐᕉᒃ ᓄᑖᒃ ᓄᑭᓪᓚᐅᑎᑎᒍᑦ ᐱᔨᑦᑎᕋᕈᑏᑦ ᐋᖅᑭᓱᖅᑕᐅᓯᒪᔪᑦ ᑖᒃᑯᑎᒎᓇ ᐱᖁᑎᕐᔪᐊᓕᕆᓂᖅ II ᐱᓕᕆᐊᖓᒍᑦ ᓴᖅᑭᖅᑎᑕᐅᓚᐅᖅᓯᒪᕗᑦ 2010-ᖑᑎᓪᓗᒍ ᓄᓇᕘᒥ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖃᖅᑎᓪᓗᒋᑦ:

  • ᖃᕋᓴᐅᔭᒃᑯᑦᑐᖅᑯᐃᕕᒃ QFile, ᐃᑭᐊᖅᑭᕕᒃᑯᑦ ᐋᖅᑭᒍᑎᐅᔪᖅ ᐊᐅᓪᓛᖅᑎᑦᑎᓗᓂ ᐊᒻᒪᓗ ᑐᖅᑯᐃᓗᓂ ᐊᖏᔪᓂᒃ ᑎᑎᖅᑲᓂᒃ ᖃᕋᓴᐅᔭᒃᑯᑦ ᓄᓇᕗᒥ ᓄᓇᓕᖏᓐᓄᑦ.
  • ᖃᕋᓴᐅᒃᑯᑦ ᑲᑎᒪᔾᔪᑎ Meet Online ᓈᓚᕝᕕᒃᓴᐅᕗᖅ ᑕᕐᕆᔮᒃᓴᓕᐅᕐᓗᓂᓗ ᑲᑎᒪᕕᒃ ᐋᖅᑭᓱᖅᑕᐅᓯᒪᔪᖅ ᑖᒃᑯᓄᖓ ᓄᓇᕘᒥ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐃᑭᐊᖅᑭᕕᖃᖅᐸᑦᑐᓄᑦ

ᓄᑖᑦ ᐱᔨᑦᑎᕋᕈᑏᑦ ᐋᖅᑮᓯᒪᔪᑦ ᑭᙴᒪᒋᔭᐅᔪᓂᑦ ᐊᒻᒪᓗ ᐊᒃᓱᕈᕈᑕᐅᔪᑦ ᓇᓗᓇᐃᖅᑕᐅᓚᐅᕐᒪᑕ ᖃᐅᔨᒋᐊᕐᕕᖃᖃᑦᑕᓚᐅᖅᑎᓪᓗᒋᑦ ᐱᖁᑎᕐᔪᐊᓕᕆᓂᖅ II ᐱᓕᕆᕝᕕᑉ ᐸᕐᓇᐅᑎᖓ ᐋᖅᑭᓱᖅᑕᐅᓇᓱᒃᑎᓪᓗᒍ.

ᓯᑏᕝᕙ 22, 2010-ᖑᑎᓪᓗᒍ ᓴᖅᑮᒍᑎᒋᔭᐅᔪᖅ ᐱᖃᓯᐅᔾᔨᓚᐅᖅᓯᒪᕗᖅ ᐆᑦᑐᕋᐅᑕᐅᔪᒥᒃ ᑖᔅᓱᒥᖓ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐅᖓᓯᒃᑐᒃᑯᑦ ᐃᑲᔫᑎ ᖃᕋᓴᐅᔭᒃᑯᑦ ᑲᑎᒪᔾᔪᑎᐅᔪᖅ.  ᐊᖓᔪᖅᑳᖅ ᓕᐅᓚ ᐊᒡᓗᒃᑲᖅ, ᒪᓕᒐᓕᐅᕐᕕᕐᔪᐊᕐᒧᑦ ᒪᓕᒐᓕᐅᖅᑎ, ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕ ᑲᒪᒋᔭᖃᖅᑐᖅ ᐅᑭᐅᖅᑕᖅᑐᒧᑦ, ᐃᓚᐅᖃᑕᐅᓚᐅᖅᑐᖅ ᐋᑐᕚᒦᑦᑐᓂ ᐊᑐᖅᑐᓂ ᖃᕋᓴᐅᔭᒃᑯᑦ  ᑲᑎᒪᔾᔪᑎᒥᒃ.  ᖃᕋᓴᐅᔭᓕᕆᔾᔪᑏᑦ ᐊᑐᕋᒃᓴᐅᑦᑎᐊᓚᐅᖅᑐᑦ, ᑕᑯᒃᓴᐅᑎᑦᑎᓪᓗᓂ ᐆᑦᑑᑎᐅᓪᓗᓂ ᓯᕗᓪᓕᖅᐹᖑᔪᖅ ᐊᒥᓲᓛᖅᑐᓂᑦ ᐊᑐᕋᒃᓴᐅᔪᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐊᑐᕋᒃᓴᐅᓗᓂ ᖃᕋᓴᐅᔭᒃᑯᑦ ᑲᑎᒪᔾᔪᑎ ᓄᓇᕗᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕆᑦ ᐱᕙᓪᓕᐊᔪᑦ ᑐᓴᕋᒃᓴᑦ.

ᐱᕙᓪᓕᐊᔪᑦ ᑎᑎᕋᖅᓯᒪᔭᖏᑦ ᓂᕈᐊᖅᑕᐅᓯᒪᔪᑦ: