Projects
ᕿᓂᖅ 2000+

Satellite dishes

ᕿᓂᑉ ᐃᑭᐊᖅᑭᔾᔪᑎᖏᑦ ᐊᖏᓪᓕᑲᓐᓂᖅᓯᒪᓕᖅᑐᑦ ᐊᒥᓱᕈᖅᐸᓪᓕᐊᓂᖏᓐᓄᑦ ᐊᑐᖅᐸᑦᑐᑦ

ᐊᑐᖃᑦᑕᖅᑐᑦ ᕿᓂᑉ ᐃᑭᐊᖅᑭᔾᔪᑎᓕᕆᔨᒃᑯᓐᓄᑦ ᐊᒥᓱᒻᒪᕆᐊᓘᕗᑦ ᓂᕆᐅᒋᔭᐅᓚᐅᖅᓯᒪᙱᑦᑎᐊᖅᑐᓂ ᑕᒪᓐᓇ.  2000 ᐅᑭᐅᖅᑕᖅᑐᒥᐅᑦ ᐊᑐᖃᑦᑕᕐᓂᐊᕋᓱᒋᔭᐅᓚᐅᖅᓯᒪᓪᓗᑎᑦ 9-ᓄ ᐊᕐᕌᒍᓄᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐊᖏᕈᑎᒥ, 2000−ᖑᓚᐅᖅᓯᒪᕗᑦ ᐊᑐᖃᑦᑕᖅᑐᑦ 9 ᑕᖅᑮᑦ ᐊᓂᒍᑕᐃᓐᓇᖅᑎᓪᓗᒋᑦ!  ᐊᒻᒪᓗ 2008−ᖑᑎᓪᓗᒍ 4,000−ᖑᓕᖅᑐᑎᑦ ᐊᑐᖃᑦᑕᖅᑐᑎᑦ, ᓇᓚᐅᒃᑖᖅᑕᐅᓯᒪᓪᓗᓂ ᐃᑭᐊᖅᑭᔾᔪᑎᒥ ᐊᑐᖃᑦᑕᓛᕐᓂᐊᕋᓱᒋᔭᐅᓕᖅᑐᑦ 7000−ᖑᓪᓗᑎᑦ ᐊᕐᕌᒍ 2013-ᖑᓕᖅᐸᑦ.  ᕿᓂᖅ 2000+ ᐃᓗᓕᖓ ᐱᖁᑎᕐᔪᐊᓕᕆᓂᑉ II ᐱᓕᕆᐊᕐᒥᒃ ᐃᑲᔪᖅᑐᐃᕗᖅ ᕿᓂᑉ ᐃᑭᐊᖅᑭᔾᔪᑎᑎᒍᑦ ᐊᑐᖃᑦᑕᐸᓪᓕᐊᔪᑦ.  ᐱᖃᓯᐅᔾᔨᕗᑦ ᖃᕋᓴᐅᔭᓕᕆᔾᔪᑏᑦ ᓄᑖᕈᕆᐊᖅᑕᐅᓪᓗᑎᑦ ᑕᒪᐃᓐᓂᑦ 25-ᖑᔪᓂᑦ ᓄᓇᓕᓐᓂ, ᐱᔭᕇᖅᑕᐅᓚᐅᖅᓯᒪᓪᓗᓂ ᑎᓰᕝᕙ 2009−ᖑᑎᓪᓗᒍ, ᐊᒻᒪᓗ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᐊᑐᕋᒃᓴᒃᑲᓐᓂᐅᔪᑦ ᐋᖅᑭᓱᖅᑕᐅᓪᓗᑎᑦ.

ᕿᓂᖅ 2000+ ᐱᓕᕆᐊᖓ ᑲᒪᒋᔭᖃᕋᓗᐊᖅᑎᓪᓗᒍ ᐊᒥᓱᕈᕆᐊᖅᓯᒪᓕᕐᓂᖏᑦ ᐊᑐᖃᑦᑕᖅᑐᑦ ᐃᑭᐊᖅᑭᔾᔪᑎᓂᑦ, ᑲᒪᒋᔭᖃᙱᑦᑐᖅ ᐱᔾᔪᑎᒋᔭᐅᓂᖓ ᓱᑲᓐᓂᖓᑕ ᐊᑐᓂᑦ ᐃᑭᐊᖅᑭᔾᔪᑎᒥ ᐊᑐᖃᑦᑕᖅᑐᑦ (ᐱᓕᕆᕝᕕᑉ ᐸᕐᓇᐅᑎᖓ ᑎᑎᕋᕆᐊᙵᖅᑕᐅᑎᓪᓗᒍ, $60 ᑕᖅᑭᒧᑦ ᐊᑭᑭᓐᓂᖅᐹᖅ ᓱᑲᑦᑐᒥᒃ ᐊᑐᐃᓐᓇᐅᒪᑎᑦᑎᓚᐅᖅᓯᒪᔪᖅ 256 kb/s ᑕᑯᓂᐊᕈᑎᖓᑕ ᓱᑲᓐᓂᖓ ᐃᑭᐊᖅᑭᑯᓐᓂ ᐊᒻᒪᓗ 96 kb/s ᐃᑭᐊᖅᑭᕕᒻᒨᖅᑲᐃᓗᓂ ᓱᑲᓐᓂᖓ).  ᑎᓰᕝᕙᐅᑎᓪᓗᒍ 2009−ᒥ, Ssi−ᒃᑯᑦ ᓱᒃᑲᓕᓕᖅᑎᑦᑎᒋᐊᓚᐅᖅᓯᒪᕗᑦ ᑕᑯᓂᐊᕈᓐᓇᕐᓗᓂ ᐃᑭᐊᖅᑭᕕᒻᒥᑦ 384 kb/s ᓱᑲᓐᓂᖓ.  ᖃᕋᓴᔭᐅᓕᕆᔾᔪᑎᓄᑦ ᓄᑖᕈᕆᐊᖅᑕᐅᓂᖏᑦ ᕿᓂᑉ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᐊᕆᔭᑉ ᕿᓂᖅ ᐃᑭᐊᖅᑭᔾᔪᑎᓕᕆᓂᖅ 2000+−ᓄᑦ ᐃᓚᒋᔭᐅᓪᓗᓂ ᐱᔪᓐᓇᖅᑎᑕᐅᕗᖅ SSI ᓱᑲᓐᓂᖅᓴᒥᒃ ᓄᑭᓪᓚᐅᑎᑖᖅᑎᑦᑎᓗᑎᑦ ᐊᑭᑭᓛᖓᓂ ᑲᓱᖅᑎᔾᔪᑎᑉ ᐃᑭᐊᖅᑭᔾᔪᑎᓄᑦ ᐃᓛᒃᑰᖓᓪᓗᓂ.  ᓱᑲᓐᓂᖏᑦ ᐅᓪᓗᒥᐅᔪᑉ ᐊᑐᖅᑕᐅᕙᑦᑐᑦ ᕿᓂᑉ ᐃᑭᐊᖅᑭᔾᔪᑎᓕᕆᔨᒃᑯᑦ ᐋᖅᑭᒃᑕᐅᓚᐅᖅᓯᒪᕗᑦ 2005-ᖑᑎᓪᓗᒍ (ᓯᕗᓪᓕᖅᐹᕐᒥ ᑮᓇᐅᔭᖃᖅᑎᑕᐅᑎᓪᓗᑕ) ᐊᒻᒪᓗ ᓄᑭᓪᓚᐅᑎᐅᓂᕋᖅᑕᐅᓗᒍ ᐊᖏᖅᑕᐅᓯᒪᙱᓚᖅ ᐅᓪᓗᒥᐅᔪᖅ ᒐᕙᒪᑐᖃᒃᑯᓐᓄᑦ ᑐᑭᖓ ᑕᐃᑲᓂ ᓈᒻᒪᙱᒻᒪᑦ ᑐᑭᒋᓂᕋᖅᑕᐅᔪᒥᑉ ᓄᑭᓪᓚᐅᑎᓕᕆᔾᔪᑏᑦ ᐃᑭᐊᖅᑭᔾᔪᑎᓄᑦ ᖃᓄᖅᑑᕈᑎ, ᓴᖅᑭᖅᑎᑕᐅᓚᐅᖅᓯᒪᔪᖅ ᔪᓚᐃ 30, 2009−ᖑᑎᓪᓗᒍ.

ᐱᒋᐊᖅᑎᓪᓗᒍ 2008-2009−ᒥ, $9.33 ᒥᓕᐊᓐ−ᒃᑲᓐᓂᕐᓂᒃ ᑮᓇᐅᔭᓂᒃ ᐱᓚᐅᖅᓯᒪᔪᒍᑦ ᒐᕙᒪᑐᖃᒃᑯᓐᓂᑦ ᐊᒻᒪᓗ ᐃᓚᖏᑦ ᐊᑭᓕᖅᑕᐅᓪᓗᑎᑦ SSI Micro−ᒃᑯᓐᓄᑦ ᐊᑐᖅᑕᐅᓂᖏᑕ ᐊᑭᖏᑦ ᐊᑭᓕᐅᑕᐅᓂᐊᕐᒪᑕ ᕿᓂᒃᑯᑦ ᐅᖓᑖᓅᖅᓯᒪᓂᖏᑦ 2,000−ᖑᔪᑦ ᐊᑐᖅᐸᑦᑕᑦ ᐱᓕᕆᕝᕕᑉ ᐸᕐᓇᐅᑎᖓᓂ ᑎᑎᕋᖅᑕᐅᓚᐅᖅᓯᒪᔪᓂᑦ.  ᐃᑭᐊᖅᑭᔾᔪᑏᑦ ᖃᕋᓴᐅᔭᓕᕆᔾᔪᑎᖏᑦ ᓄᑖᕈᕆᐊᖅᑕᐅᓚᐅᖅᓯᒪᔪᑦ ᑕᒪᐃᓐᓂᑦ 25-ᖑᔪᓂᑦ ᓄᓇᓕᓐᓂ ᐱᒋᐊᓚᐅᖅᓯᒪᓪᓗᑎᑦ ᐊᐅᔭᐅᑎᓪᓗᒍ ᐱᔭᕇᖅᑕᐅᓪᓗᑎᓪᓗ ᑎᓰᕝᕙ 2009−ᖑᑎᓪᓗᒍ.  ᑮᓇᐅᔭᖃᖅᑎᑕᐅᓂᖏᑦ ᒫᑦᓯ 31, 2013-ᖑᑎᓪᓗᒍ.

ᐅᓪᓗᒥᐅᔪᖅ, ᐃᑲᔪᖅᑕᐅᓲᖑᕗᑦ ᕿᓂᒃᑯᑦ ᖃᕋᓴᐅᔭᓕᕆᔾᔪᑎᖏᑦ ᐅᑯᓄᖓ ᐃᑭᐊᖅᑭᔾᔪᑎᓄᑦ ᓄᑭᓪᓚᐅᑎᓕᕆᔨᒃᑯᑦ ᑲᓇᑕᒥ ᐱᓕᕆᐊᖓᒍᑦ ᐊᒻᒪᓗ ᑕᐃᑲᙶᖓᓲᖑᓪᓗᑎᑦ ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᖃᕋᓴᐅᔭᓕᕆᓂᕐᒧᑦ ᐃᑭᐊᖅᑭᔾᔪᑎᓄᑦ ᐊᐅᓚᑦᑎᔨᓄᑦ ᑐᓂᔭᐅᓪᓗᑎᑦ.