Projects
ᑲᖏᖅᖠᓂᕐᒥ ᕿᓂᖅ ᐃᑭᐊᖅᑭᔾᔪᑏᑦ ᓴᖅᑭᖅᑎᑕᐅᓂᖏᓐᓄᑦ ᖃᓄᐃᓕᐅᕈᑕᐅᔪᑦ

ᑲᖏᖅᖠᓂᕐᒥ ᕿᓂᖅ ᐃᑭᐊᖅᑭᔾᔪᑏᑦ ᓴᖅᑭᖅᑎᑕᐅᓂᖏᓐᓄᑦ ᖃᓄᐃᓕᐅᕈᑕᐅᔪᑦ

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑮᓚᐅᖅᑐᑦ ᕿᓂᖅ ᐃᑭᐊᖅᑭᔾᔪᑎᓂᑦ ᒪᐃ 2005-ᖑᑎᓪᓗᒍ, ᓄᓇᓕᓐᓂ ᖃᓄᐃᓕᐅᕈᓘᔭᖅᑎᑦᑎᓪᓗᑎᑦ, ᓄᓇᕘᒥ ᓯᕗᓕᖅᑏᑦ, ᑮᓇᐅᔭᖃᖅᑎᑦᑎᔩᑦ, ᑮᓇᐅᔭᖅᑎᒍᑦ ᐊᔪᕐᓇᙱᑎᑦᑎᔪᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑲᑎᒪᔨᖏᑦ, Ssi Micro, ᑎᐊᓕᓵᑦ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᑦ ᐱᖃᑕᐅᓚᐅᖅᓯᒪᓪᓗᑎᑦ.  ᐃᓄᐃᑦ ᑭᒃᑯᑐᐃᓐᓇᐃᑦ ᖃᐅᔨᒪᔪᒻᒪᕆᐅᓚᐅᖅᑐᑦ, ᐃᑲᔪᖅᑐᓂ ᑕᒪᓐᓇ ᓴᖅᑭᔮᖅᑎᑕᐅᒋᐊᕐᔫᒥᓪᓗᓂ ᐱᔭᕇᖅᑕᐅᓂᖏᑦ ᓄᑖᑦ ᕿᓂᖅ ᐃᑭᐊᖅᑭᔾᔪᓂᑦ, ᐊᒻᒪᓗ ᐱᙳᖅᑎᑕᐅᓂᖓ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑦ.  ᑕᒪᓐᓇ ᑲᔪᓯᓂᖃᑦᑎᐊᓚᐅᕐᓂᖓ ᓴᖅᑭᖅᑎᑦᑎᔪᖃᖅᑎᓪᓗᒍ ᐊᖅᑯᓯᐅᕈᑎᒋᔭᐅᓕᓚᐅᖅᑐᖅ ᓯᕗᓂᒃᓴᒥ ᐱᓕᕆᐊᖑᓂᐊᖅᑐᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑕᐅᔾᔪᑎᖏᓐᓂᒃ ᓄᓇᕗᒥ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐅᐸᒃᑕᒻᒪᕆᐅᓚᐅᖅᑐᑦ ᓄᓇᕗᒥ ᑲᓇᑕᒥᓗ ᐱᕙᓪᓕᐊᔪᓕᕆᔨᑦ ᐊᒻᒪᓗ ᐃᓄᐃᑦ ᑭᒃᑯᑐᐃᓐᓇᐃᓪᓗ ᑲᖏᖅᖠᓂᕐᒥᐅᑦ ᖃᐃᓚᐅᖅᑐᑦ ᓇᓪᓕᓂᖅᓯᐅᕆᐊᖅᑐᖅᓯᒪᓪᓗᑎᑦ ᓴᖅᑭᖅᑎᑕᐅᓂᖓᓂᒃ ᕿᓂᖅ ᐃᑭᐊᖅᑭᔾᔪᑎᓕᕆᔩᑦ.  ᐃᒪᐃᓕᐅᓚᐅᖅᑐᑦ:

  • ᐱᔾᔪᓯᐊᖅᑎᑦᑎᓪᓗᑎᑦ ᐅᓐᓄᕈᕐᒥᑕᖅᑎᑕᐅᑎᓪᓗᒋᑦ ᑲᖏᖅᖠᓂᕐᒥ ᒪᐃ 25−ᖑᑎᓪᓗᒍ, ᓯᕗᓕᖅᑏᑦ ᐱᖃᑕᐅᔪᑦ ᐃᓄᐃᑦ ᑕᐱᕇᑦ ᑲᓇᑕᒥ, ᓄᓇᕗᑦ ᑐᙵᕕᒃ ᑎᒥᖓ, ᑲᖏᖅᖠᓂᕐᒥ ᐃᓐᓇᑐᖃᖏᑦ ᐊᒻᒪᓗ ᐃᓕᓴᕆᔭᐅᓯᒪᔪᑦ ᐃᓄᐃᑦ, ᒐᕙᒪᒃᑯᓐᓃᙶᖅᑐᑦ ᓄᓇᕗᑦ ᒐᕙᒪᖏᓐᓂᑦ, ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ, ᑎᐊᓕᓵᑦ, Ssi, ᐊᑐᖅᑐᐊᕐᕕᒃ ᑯᐊᐳᕇᓴᓐ, ᓄᓇᕗᒥ ᓇᒻᒥᓂᖃᖅᑐᓄᑦ ᑮᓇᐅᔭᒃᑯᕕᑦ ᑯᐊᐳᕇᓴᓐ, ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᑕ ᑲᑎᒪᔨᖏᑦ;
  • 250-ᐅᔪᑦ ᐃᓄᐃᑦ ᑭᒃᑯᑐᐃᓐᓇᐃᑦ ᑕᑯᔭᖅᑐᖅᓯᒪᓚᐅᖅᑐᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᑕᑯᒃᓴᐅᑎᑦᑎᓂᖃᖅᑎᓪᓗᑕ ᒪᐃ 26, 2005-ᖑᑎᓪᓗᒍ, ᑕᑯᒃᓴᐅᑎᑕᐅᓪᓗᑎᑦ ᖃᕋᓴᐅᔭᓕᕆᔾᔪᑏᑦ ᐊᔾᔨᒌᙱᑐᑦ ᐃᑭᐊᖅᑭᕕᒃᑯᑦ ᐊᑐᕋᒃᓴᑦ;
  • ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖃᓚᐅᖅᑐᑦ ᒪᐃ 27-ᖑᑎᓪᓗᒍ ᑲᖏᖅᖠᓂᕐᒥ, ᐃᑭᐊᖅᑭᕕᒃᑯᑦ ᑲᑎᒪᔪᓐᓇᐅᑎ ᐊᑐᖅᑕᐅᓚᐅᖅᑐᑦ ᓄᑖᖅ ᕿᓂᖅ ᐃᑭᐊᖅᑭᔾᔪᑎᓄᑦ ᐱᖃᑕᐅᖁᔭᐅᓪᓗᑎᑦ ᐊᓯᖏᓐᓃᑦᑐᑦ ᓄᓇᓕᓐᓂ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖃᖅᑎᓪᓗᒋᑦ.

ᓴᖅᑭᖅᑐᑦ: ᑕᒪᓐᓇ ᐃᑭᐊᖅᑭᔾᔪᑎᓕᕆᓂᕐᒧᑦ ᓴᖅᑭᖅᑎᑦᑎᓂᖅ ᑲᔪᓯᓂᖃᑦᑎᐊᖅᑐᒻᒪᕆᐅᓚᐅᖅᑐᖅ, ᐱᕙᓪᓕᐊᔪᓕᕆᔨᒃᑯᓐᓄᑦ ᐊᒻᒪᓗ ᓂᕈᐊᖅᑕᐅᓯᒪᔪᓄᑦ ᖃᐅᔨᔭᐅᔪᒪᓪᓗᓂ ᓄᓇᕗᒥ ᓄᑖᖅ ᐃᑭᐊᖅᑭᔾᔪᑏᑦ ᐱᔨᑦᑎᕋᕈᑎᖏᑦ ᓴᖅᑭᖅᑎᑕᐅᓂᖏᑕ, ᐊᒻᒪᓗ ᐱᕙᓪᓕᐊᒍᓐᓇᕐᓂᖓᓂᒃ ᑕᑯᒃᓴᐅᑎᑦᑎᓂᖃᓚᐅᕐᒪᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᖅᑕᐅᓂᖏᑦ ᓄᓇᕗᒥ.

ᐱᕙᓪᓕᐊᔪᓂᑦ ᑎᑎᕋᖅᑕᐅᓯᒪᔪᑦ ᓴᖅᑭᖅᑎᑕᐅᓚᐅᖅᐳᑦ ᑕᒪᐃᓐᓂᑦ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᖏᓐᓂᑦ, ᐊᔾᔨᒌᙱᑦᑐᓂᒃ ᑐᑭᓯᒋᐊᕈᑎᓕᕆᓂᕐᒧᑦ ᖃᕋᓴᐅᔭᓕᕆᓂᕐᒧᓪᓗ ᐅᖃᓕᒫᒐᕋᓛᓕᐅᓲᑦ, ᐊᔾᔨᓕᐅᖅᑐᑎᑦ ᑕᑯᒃᓴᐅᑎᑦᑎᓂᖃᖅᑎᓪᓗᒋᑦ ᐆᑦᑐᕋᕐᓂᖏᓐᓂᑦ ᐊᔾᔨᙳᐊᑦ ᓴᖅᑭᖅᑎᑕᐅᓪᓗᑎᑦ ᑲᖏᖅᖠᓂᕐᒥ ᒪᒃᑯᑦᑐᑦ ᖃᕋᓴᐅᔭᒃᑰᖅᑐᑦ ᓴᖅᑭᔮᖅᑎᑕᐅᓯᒪᓕᖅᑐᑦ ᐊᖏᔪᓂᑦ ᖃᐅᑕᒫᑦ ᐱᕙᓪᓕᐊᔪᓕᕆᔨᓂᑦ, ᐊᒻᒪᓗ ᐅᖃᓕᒫᒐᕋᓛᓕᐅᖅᐸᑦᑐᓂᑦ ᓄᓇᕐᔪᐊᕐᒥ.  ᓴᓇᔪᓕᕆᔨᒻᒪᕆᒃᑯᑦ ᑲᓇᑕᒥ ᑮᓇᐅᔭᓂᒃ ᐃᑲᔪᒃᑲᓐᓂᓚᐅᕐᒪᑕ ᐱᔪᓐᓇᖅᑎᑕᐅᓪᓗᑎᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᑕᕐᕆᔮᒃᓴᓕᐅᕐᓗᑎᑦ ᓴᖅᑭᔮᕐᓂᐊᕐᑕ ᕿᓂᒃᑯᑦ ᐃᑭᐊᖅᑭᔾᔪᑎᓕᕆᔩᑦ ᑲᔪᓯᓂᖃᑦᑎᐊᖅᓯᒪᓕᕐᓂᖓ ᑖᒃᑯᐊ ᐊᒥᓲᓂᖅᓴᑦ ᑐᓴᐅᒪᓂᖅᓴᐅᖁᓪᓗᒋᑦ.

ᑮᓇᐅᔭᖃᖅᑎᑕᐅᓚᐅᖅᐳᒍᑦ ᓴᖅᑭᑎᑦᑎᓂᖃᖅᑎᓪᓗᑕ ᐃᑭᐊᖅᑭᔾᔪᑎᓕᕆᔾᔪᑎᓂᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ, ᓄᓇᕗᑦ ᒐᕙᒪᖏᓐᓄᑦ.

ᓴᖅᑭᖅᑎᑕᐅᓂᖏᓐᓂᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᐅᑏᑦ ᓄᓇᕘᒧᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑮᔪᓐᓇᓚᐅᖅᐳᑦ ᑕᓪᓕᒪᓄᑦ ᐊᕐᕌᒍᓄᑦ ᐱᓕᒻᒪᒃᓴᖅᑎᑦᑎᓂᕐᒧᑦ ᖃᓄᖅᑑᕈᑎᒥᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᒻᒪᒃᓴᕐᓂᖅ ᖃᓄᖅᑑᕈᑎ: ᐊᔪᕈᓐᓃᕈᓐᓇᕐᓂᓕᒫᖏᑦ ᒪᓕᑦᑐᒋᑦ ᐊᔪᕈᓐᓃᖅᑎᑕᐅᓇᓱᓐᓂᖏᑦ ᓄᓇᕗᒥ , ᑖᓐᓇ ᐸᕐᓇᐅᑎᑦ ᖃᓄᖅᑑᕈᑎ ᐱᔾᔪᑎᖓ ᖃᐅᔨᒪᓇᑦᑎᐊᖅᑎᑦᑎᓇᓱᒃᐳᖅ ᓄᓇᕗᒥᐅᑦ ᐱᓕᒻᒪᒃᓴᕈᓐᓇᕐᓂᐊᕐᒪᑕ ᐃᑭᐊᖅᑭᔾᔪᑎᓕᕆᓂᕐᒧᑦ ᐊᑐᕋᒃᓴᐅᔪᓂᑦ ᐱᓕᕆᔾᔪᑕᐅᔪᓐᓇᕐᓂᐊᕐᒪᑕ ᐃᓄᓐᓄᑦ, ᓄᑖᕐᒥᒃ ᐃᓕᑉᐹᓪᓕᕐᓗᑎᑦ, ᐊᒻᒪᓗ ᓄᑖᖅᑎᒍᑦ ᐱᓕᕆᔪᓐᓇᖁᓪᓗᒋᑦ ᓇᒻᒥᓂᖃᓕᕐᓗᑎᑦ.  ᓈᒻᒪᑦᑐᒥᒃ ᐱᓕᒻᒪᒃᓴᐃᑎᑦᑎᓂᕐᒧᑦ ᖃᓄᖅᑑᕈᑎᓕᐅᖅᓯᒪᒍᑦᑕ, ᓄᓇᕗᑦ ᓴᖅᑭᖅᐸᓪᓕᐊᔪᒥᒃ ᑕᒪᔅᓱᒥᖓ ᐱᓕᕆᐊᕆᔭᐅᖃᑦᑕᓕᖅᑐᓂᑦ ᖃᕋᓴᐅᔭᓕᕆᓂᕐᒧᑦ ᐊᑐᑦᑎᐊᕈᓐᓇᕐᓂᐊᖅᑐᑦ, ᐊᒻᒪᓗ ᐃᓕᓐᓂᐊᕈᓐᓇᓕᕐᓗᑎᑦ ᐃᑭᐊᖅᑭᕕᖃᓕᕐᓂᖏᓐᓄᑦ ᐃᓄᐃᑦ ᐅᖓᓯᑦᑐᒦᑦᑐᑦ ᓄᓇᓕᓐᓂ.  ᖃᓄᖅᑑᕈᑎ ᐸᕐᓇᐅᑦ ᐱᓕᒻᒪᒃᓴᐃᑎᑦᑎᓂᕐᒧᑦ ᐊᑐᓕᖅᑎᑕᐅᓚᐅᙱᒃᑲᓗᐊᖅᑎᓪᓗᒍ ᑕᒪᐃᓐᓂᑦ, ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐋᖅᑭᒃᓱᐃᔪᓐᓇᓚᐅᖅᑐᖅ ᖃᕋᓴᐅᔭᖅᑎᒍᑦ ᐱᓕᒻᒪᒃᓴᐃᒍᑎᓂᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᓐᓄᑦ ᐊᕐᕌᒍᑦ ᑭᖑᓂᐊᒍᑦ ᓴᖅᑭᓚᐅᖅᑎᓪᓗᒍ ᐸᕐᓇᐅᑎ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᑯᓂᐅᔪᒧᑦ ᖃᓄᖅᑑᕈᑎᓕᐅᕆᐊᖃᓚᐅᕐᒪᑦ ᐃᑲᔪᖅᑐᐃᖁᓪᓗᒋᑦ ᐱᕙᓪᓕᐊᓂᖏᑦ ᐊᒻᒪᓗ ᐊᑐᐃᓐᓇᐅᒪᑎᑕᐅᓂᖏᑦ ᓈᒻᒪᑦᑐᑦ ᐊᐅᓚᓂᖃᑦᑎᐊᖅᑐᓪᓗ ᐱᓕᒻᒪᒃᓴᕈᑏᑦ ᐃᓕᓐᓂᐊᕈᑏᓪᓗ ᐱᖓᓱᐃᓕᖅᑲᖓᔪᑎᒍᑦ:

  • ᐱᓕᒻᒪᒃᓴᕈᑎᑦ ᑐᕌᖓᔪᑦ ᓴᖅᑭᖅᑎᑕᐅᓂᖓᓄᑦ ᐊᑐᓕᖅᑎᑕᐅᓂᖏᓐᓄᓪᓗ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᕈᑎᓄᑦ;
  • ᐱᓕᒻᒪᒃᓴᕈᑏᑦ ᑐᕌᖓᔪᑦ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐊᑐᖅᑕᐅᓂᖏᓐᓄᑦ ᖃᕋᓴᐅᔭᖅᑎᒍᑦ ᐱᓕᕆᔾᔪᑏᑦ ᐊᔪᕐᓇᙱᑦᑎᑕᐅᔪᑦ ᐊᑐᐃᓐᓇᐅᒪᓂᖓᓄᑦ ᐃᑭᐊᖅᑭᔾᔪᑏᑦ ᐱᔨᑦᑎᕋᖅᑕᐅᓂᖏᓐᓄᑦ;
  • ᐃᓕᓐᓂᐊᖅᑎᑦᑎᒍᑏᑦ ᐱᓕᒻᒪᒃᓴᕈᑏᓪᓗ ᓴᖅᑭᖅᑎᑕᐅᓗᑎᑦ ᐱᕙᓪᓕᐊᒍᑎᒋᔭᐅᓗᑎᓪᓗ ᖃᐅᔨᒪᔭᐅᓕᕐᓗᑎᓪᓗ ᑐᑭᓯᒋᐊᕈᑏᑦ ᖃᕋᓴᐅᔭᓕᕆᔾᔪᑏᓪᓗ.