Projects
ᐃᓕᓐᓂᐊᕋᒃᓴᑦ ᓄᓇᓕᓐᓂ ᐱᔨᑦᑎᕋᖅᑎᐅᓂᐊᖅᑐᑦ ᐃᑭᐊᖅᑭᔾᔪᑏᑦ ᐊᑐᖅᑕᐅᒋᐊᙵᕐᓂᐊᖅᑎᓪᓗᒋᑦ

CSP training session

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐃᖅᑲᓇᐃᔭᖃᑎᖃᓚᐅᖅᑐᑦ Ssi Micro−ᒃᑯᓐᓂᑦ ᐋᖅᑭᒃᓱᐃᖃᑎᖃᖅᑐᑎᑦ ᐃᓕᓐᓂᐊᕋᒃᓴᓂᑦ ᐊᒻᒪᓗ ᐃᓕᓐᓂᐊᖅᑎᑦᑎᓪᓗᑎᑦ ᐱᖓᓱᓂᑦ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᖅᑕᐅᔪᓂᑦ ᓄᑖᕐᓄᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᓐᓄᑦ ᓯᕗᓂᐊᒍᑦ ᓴᖅᑭᖅᑕᐅᓚᐅᙱᑦᑎᓪᓗᒍ ᕿᓂᖅ ᐃᑭᐊᖅᑭᔾᔪᑏᑦ ᐅᑭᐊᒃᓵᕐᒥ 2004-ᖑᑎᓪᓗᒍ.  ᐃᓕᓐᓂᐊᓚᐅᕐᓂᖏᓐᓄᑦ ᐱᓕᕆᖃᑎᒌᒋᐊᙵᓚᐅᖅᐳᑦ Ssi-ᒃᑯᓐᓂᑦ, ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᓐᓂᑦ, ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓᓂᑦ, ᑭᒃᑯᓕᒫᑦ ᐃᖅᑲᓇᐃᔭᖃᑎᒌᓚᐅᕐᒪᑕ ᐅᐸᓗᖓᐃᔭᐃᓪᓗᑎᑦ ᑲᔪᓯᓂᖃᑦᑎᐊᖁᓪᓗᒍ ᓴᖅᑭᖅᑎᑕᐅᓂᖏᑦ ᐃᑭᐊᖅᑭᔾᔪᑎᖏᑦ ᕿᓂᒃᑯᑦ.

ᐱᔾᔪᑎᒋᓚᐅᖅᑕᖏᑦ ᐃᓕᓐᓂᐊᕈᑏᑦ ᓄᓇᓖᑦ ᒪᑭᒪᔪᓐᓇᖁᓪᓗᒋᑦ ᐃᓕᓐᓂᐊᖅᑎᑕᐅᓪᓗᑎᑦ ᓄᑖᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑦ ᐱᔨᑦᑎᕋᖅᑎᐅᖃᑦᑕᕐᓂᐊᕐᒪᑕ ᐃᓄᓐᓄᑦ, ᐃᑲᔪᖅᑐᐃᓗᑎᑦ ᓄᓇᖏᓐᓂᑦ, ᐊᒻᒪᓗ ᑮᓇᐅᔭᓕᐅᕈᓐᓇᕐᓗᑎᑦ ᓄᓇᓕᓐᓂ ᐱᔨᑦᑎᕋᕐᓂᖏᓐᓄᑦ.

ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᒻᒪᓗ Ssi-ᒃᑯᑦ ᐱᖓᓱᐊᖅᑎᖅ ᐃᓕᓐᓂᐊᖅᑎᑦᑎᓚᐅᖅᓯᒪᔪᑦ, ᑕᒪᐃᓐᓄᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᓐᓄᑦ ᓄᓇᕗᒥ ᐅᐸᑦᑕᐅᓪᓗᑎᑦ:

  • ᐊᒃᑐᕝᕙ 25th – 29th: ᐃᖃᓗᒃᑑᑦᓯᐊᖅ, ᓄᓇᕗᑦ (ᕿᑎᕐᒥᐅᓂ − ᓄᓇᓖᑦ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ);
  • ᓄᕖᕝᕙ 1st – 5th: ᑲᖏᖅᖠᓂᖅ, ᓄᓇᕗᑦ (ᑭᕙᓪᓕᕐᒥ − ᓄᓇᓖᑦ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ);
  • ᓄᕖᕝᕙ 8th – 12th: ᐃᖃᓗᐃᑦ, ᓄᓇᕗᑦ (ᕿᑭᖅᑖᓗᒻᒥ − ᓄᓇᓖᑦ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ).

SSi Micro ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᓴᖅᑮᓚᐅᖅᑐᑦ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ ᖃᕋᓴᐅᔭᓕᕆᓂᕐᒧᑦ ᑐᙵᕕᖏᑦ ᒪᓕᒐᕋᓛᑦ, ᐊᒻᒪᓗ ᐃᓕᓐᓂᐊᖅᑎᑕᐅᓪᓗᑎᑦ ᐅᑯᓄᖓ:

  • ᖃᓄᐃᑦᑑᓂᖓ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ / ᑕᒪᐃᓐᓂᑦ ᐱᓕᕆᐊᖅ;
  • ᓇᓚᐅᒃᑖᖅᑕᐅᓪᓗᑎᑦ ᐃᑭᐊᖅᑭᔾᔪᑎᓂᒃ ᐊᑐᖃᑦᑕᕐᓂᐊᖅᑐᑦ ᓄᓇᓕᓐᓂ ᐃᑭᐊᖅᑭᔾᔪᑎᓕᕆᔩᑦ ᐱᔨᑦᑎᕋᖅᑎᖏᑕ ᓄᓇᖏᓐᓂᑦ;
  • ᐃᓕᓐᓂᐊᖅᑐᑎᑦ ᐊᑐᕈᓐᓇᕐᓂᐊᕐᒪᑕ Ssi−ᒃᑯᑦ ᐃᑭᐊᖅᑭᔾᔪᑎᑎᒍᑦ ᐊᐅᓚᑦᑎᒍᑎᖏᑦ ᖃᕋᓴᐅᔭᒃᑯᑦ (ARIA) ᐱᔪᓐᓇᑎᑦᑎᖓᔭᖅᑐᑦ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ ᓱᑲᑦᑐᒃᑯᑦ ᐊᒻᒪᓗ ᐊᐅᓚᑦᑎᒍᓐᓇᑦᑎᐊᖁᓪᓗᒋᑦ ᐱᔨᑦᑎᕋᖅᑕᖏᑦ;
  • ᑐᑭᓯᔭᐅᖁᓪᓗᒋᑦ ᖁᒻᒧᐊᑦᑎᑕᐅᓯᒪᔪᑦ ᐊᒻᒪᓗ ᓄᑭᓪᓚᐅᑎᑎᒎᙱᑦᑐᑦ ᐃᑭᐊᖅᑭᔾᔪᑎᖏᑦ;
  • ᖃᓄᖅ ᐋᖅᑭᒃᓱᐃᒍᓐᓇᕐᒪᖔᑦ ᓄᑭᓪᓚᐅᑎᖃᙱᑦᑐᓄᑦ ᑐᙵᕕᖏᑦ ᐃᒡᓗᒥ ᐊᑐᖅᑕᐅᓲᑦ ᐃᑭᐊᖅᑭᒍᓐᓇᐅᑏᑦ, ᐋᖅᑭᓱᖅᑕᐅᓗᓂ ᖃᕋᓴᐅᔭᖅ ᑲᓱᖅᓯᒪᖁᓪᓗᒍ ᐃᑭᐊᖅᑭᔾᔪᑎᒧᑦ, ᖃᕋᓴᐅᔭᖅᑎᒍᑦ ᑎᑎᕋᕈᑏᑦ ᐋᖅᑭᒃᓱᐃᔾᔪᑎᖏᑦ, ᐃᑭᐊᖅᑭᔾᔪᑎᒧᑦ ᑲᓱᖅᑎᒍᑎᖏᑦ ᐃᒡᓗᒥ ᐊᑐᖅᑕᐅᓲᑦ ᐋᖅᑭᓱᖅᑕᐅᓂᖏᑦ ᐊᔪᖅᑐᒥᓂᐅᑎᓪᓗᒋᑦ;
  • ᐊᑭᓕᖅᓱᐃᓗᓂ ᐊᒻᒪᓗ ᑮᓇᐅᔭᓂᑦ ᐊᐅᓚᑦᑎᓂᕐᒥᒃ ᐃᓕᓐᓂᐊᖅᑎᑕᐅᓪᓗᑎᓪᓗ.

ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᔩᑦ ᐅᐸᓗᖓᐃᖅᓯᒪᓚᐅᖅᐳᑦ ᐊᒻᒪᓗ ᐃᓚᐅᖃᑕᐅᔪᓐᓇᖅᑐᑎᑦ ᐆᑦᑐᕋᖅᑕᐅᓂᖏᑕ ᐃᑭᐊᖅᑭᔾᔪᑏᑦ ᖃᕋᓴᐅᔭᕐᓄᖓᔪᑦ ᓄᓇᖏᓐᓂ, ᑲᑎᖃᑎᖃᖅᑐᑎᑦ ᐃᑲᔪᖅᑐᑎᓪᓗ Ssi−ᒃᑯᓐᓂᑦ ᐋᖅᑭᒃᓱᐃᔩᑦ ᓄᓇᖏᓐᓄᑦ ᑎᑭᑦᑐᒥᓂᐅᑎᓪᓗᒋᑦ, ᐊᒻᒪᓗ ᖃᕋᓴᐅᔭᖅᑎᒍᑦ ᓇᒻᒥᓂᖏᓐᓃᙶᖓᔪᓂᓪᓗ ᓇᒻᒥᓂᐅᔪᖅᑎᒍᑦ ᐊᐅᓚᑦᑎᓂᕐᒧᓪᓗ ᐅᖃᐅᓯᖃᓚᐅᖅᑐᑦ Ssi−ᒃᑯᓐᓄᑦ ᕿᓂᖅ ᐋᖅᑭᓱᖅᑕᐅᕙᓪᓕᐊᑎᓪᓗᒍ.  ᐱᔨᑦᑎᕋᕈᑎ ᑖᓐᓇ ᐊᑐᕋᒃᓴᕈᑎᑕᐅᒻᒪᑦ 2005-ᒥ, ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ ᐅᐸᓗᖓᐃᖅᓯᒪᓚᐅᖅᑐᑦ ᐱᔨᑦᑎᕋᕈᓐᓇᑲᐅᑎᒋᓪᓗᑎᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ.  ᐅᐸᒃᑕᐅᓯᒪᓪᓗᑎᑦ ᐃᓕᓐᓂᐊᖅᑎᑕᐅᔾᔪᑏᑦ ᐱᒻᒪᕆᐊᓘᓚᐅᖅᑐᑦ ᐱᓕᕆᖃᑎᒌᒍᓐᓇᑦᑎᐊᕐᓂᖏᓐᓄᑦ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓂᑦ, Ssi−ᒃᑯᑦ, ᐊᒻᒪᓗ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᑕᒪᐃᓐᓂᑦ ᐃᖅᑲᓇᐃᔭᖃᑎᒌᒍᓐᓇᑦᑎᐊᖁᓪᓗᒋᑦ ᐊᑐᐃᓐᓇᐅᒪᓕᖅᑎᑕᐅᓂᖓᓂᒃ ᐊᒻᒪᓗ ᐋᖅᑭᓱᖅᑕᐅᓂᖓᓂᒃ ᓄᑖᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᔨᑦᑎᕋᕈᑏᑦ.

ᑕᒪᐃᓐᓂᑦ ᓄᓇᓕᐅᔪᑦ ᐃᓚᐅᖃᑕᐅᔪᑦ ᐃᓕᓐᓂᕐᓂᕐᒥᒃ ᐅᑯᐊᖑᓚᐅᖅᑐᑦ, 22−ᖑᔪᑦ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ, (ᒪᕐᕉᒃ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᖃᐅᓱᐃᑦᑐᕐᒥ), ᑎᓴᒪᑦ ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ, (ᓄᓇᓕᓐᓂ ᑭᒡᒐᖅᑐᐃᔩᑦ ᐃᖅᑲᓇᐃᔭᖅᑐᑦ ᐴᓗᓂᐊᑦ−ᒃᑯᓐᓄᑦ, ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐱᓕᕆᔨᐅᓪᓗᑎᑦ ᑕᒪᐃᓐᓄᑦ ᑕᓪᓕᒪᓄᑦ ᕿᑎᕐᒥᐅᓂᑦ ᓄᓇᓕᖏᓐᓂᑦ), ᖄᖓᒍᒃᑲᓐᓂᖅ ᐱᖃᑕᐅᓚᐅᕐᒥᔪᑦ ᓄᓇᕘᒥ ᓱᑲᑦᑐᒃᑯᑦ ᖃᕋᓴᐅᔭᓕᕆᓂᕐᒧᑦ ᐱᕙᓪᓕᐊᔪᓕᕆᔩᑦ ᑎᒥᖓ ᐊᒻᒪᓗ Ssi ᐃᖅᑲᓇᐃᔭᖅᑎᖏᑦ.

ᓄᓇᓕᓐᓂ ᐱᔨᑦᑎᕋᖅᑏᑦ ᐃᑭᐊᖅᑭᔾᔪᑎᓕᕆᓂᕐᒧᑦ ᐃᓕᓐᓂᐊᖅᑕᐅᓂᖓ ᐊᑭᓕᖅᑕᐅᓯᒪᓚᐅᖅᑐᖅ ᐅᑯᓄᖓ:

  • ᕿᑎᕐᒥᐅᓂ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᙵ
  • ᑭᕙᓪᓕᕐᒥ ᐱᕙᓪᓕᐊᔪᓕᕆᔩᑦ
  • ᑲᑭᕙᒃ
  • ᐃᓄᓕᕆᔨᑐᖃᒃᑯᑦ, ᒐᕙᒪᑐᖃᒃᑯᓐᓂᑦ
  • ᐱᕈᖅᓴᐃᔨᒃᑯᑦ, ᒐᕙᒪᑐᖃᒃᑯᓐᓂᑦ