ᐃᖅᑲᓇᐃᔮᒃᓴᖅ: ᑐᑭᒧᐊᑦᑎᑦᑎᔨ

ᐊᐅᓚᑦᑎᔭᕆᐊᓕᒃ ᑕᒪᐃᓐᓂ ᐊᐅᓚᓂᖏᓐᓂᑦ ᓄᓇᕗᒻᒥ ᓱᒃᑲᔪᒃᑯᑦ ᖃᕆᑕᐅᔭᓕᕆᓂᕐᒥ ᐱᕙᓪᓕᐊᔪᓕᕆᔨᒃᑯᑦ ᑎᒥᖓᓂ ᐊᒻᒪᓗ ᐊᐅᓚᑕᖏᓐᓂᑦ ᑲᒻᐸᓂᖏᑦ, ᑐᑭᒧᐊᑦᑎᑦᑎᔨ ᐃᖅᑲᓇᐃᔭᖃᑎᖃᖃᑦᑕᕋᔭᖅᑐᖅ ᑕᒪᐃᓐᓂ ᒐᕙᒪᐅᔪᓂᑦ, ICT ᓂᐅᕕᕐᕕᐅᓲᖑᔪᓂᑦ, ᑲᑎᒪᔨᓂᑦ ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᓄᖕᓂᒃ. ᑲᑎᒪᔨᓂᑦ ᐊᖓᔪᖅᑳᖃᕐᓗᓂ, ᑐᑭᒧᐊᑦᑎᑦᑎᔨᐅᔪᖅ ᐊᐅᓚᑦᑎᖃᑦᑕᓲᖅ ᐊᒥᓱᓂᑦ ᐱᓕᕆᐊᓂᑦ, ᑮᓇᐅᔭᓕᕆᕙᑦᑐᓂ, ᐊᐅᓚᑦᑎᔨᐅᓪᓗᓂ, ᑐᓴᐅᒪᖃᑎᒌᑦᑐᓕᕆᔾᔪᑎᓂᑦ ᑲᒪᓲᖅ, ᐊᑐᖅᑕᐅᖁᔭᒥᓂᒃ ᓴᖅᑭᔮᕐᔫᒥᑎᑦᑎᓲᖅ, ᓄᓇᓕᓐᓂ ᑐᓴᕆᐊᕐᕕᖃᓲᖅ, ᐊᒻᒪᓗ ᑮᓇᐅᔭᓂᑦ ᑐᒃᓯᕋᐅᑎᓕᐅᓲᖑᓪᓗᓂ.

ᓇᒥ: ᐃᖃᓗᐃᑦ, ᓄᓇᕗᑦ (ᐊᓯᖏᓐᓂᑦ ᓄᓇᕗᒻᒥ ᐃᖅᑲᓇᐃᔭᕈᒪᒍᓂ ᐃᓱᒪᒃᓴᖅᓯᐅᕈᑕᐅᒍᓐᓇᕐᒥᔪᖅ ᑕᒪᓐᓇ)

ᐊᕐᕌᒍᑕᒫᑦ ᑮᓇᐅᔾᔭᒃᓵᖏᑦ:  $100,000 ᑎᑭᓪᓗᒍ $120,000 (ᒪᓕᑦᑐᑦ ᐃᖅᑲᓇᐃᔮᖃᖃᑦᑕᕐᓂᑯᒥᓂᖓᓂᒃ ᐃᓕᓐᓂᐊᕐᓂᑰᓯᒪᓂᖓᓂᓪᓗ) ᐊᒻᒪᓗ ᐊᕐᕌᒍᒥ ᒪᕐᕈᐊᖅᑎᖅ ᕿᑲᕆᐊᕐᓂᕐᒧᑦ ᐃᑲᔫᑏᑦ ᐊᒻᒪᓗ ᐋᓐᓂᐊᕕᓕᐊᕐᓂᕐᒧᑦ ᑭᒍᓐᓂᐊᖅᑎᓕᐊᕐᓂᒧᓪᓗ ᓇᓪᓕᐅᒃᑯᒫᑦ.

ᐱᓇᓱᐊᕐᓗᑎᑦ ᓯᕗᓂᐊᒍᑦ: ᒪᐃ 27, 2016, 5:00 ᐅᓐᓄᓴᒃᑯᑦ ᑲᓇᑕᑉ ᑲᓇᓐᓇᖓᓂ ᓯᕿᙳᔭᖓ ᒪᓕᓪᓗᒍ

ᐊᐅᓪᓚᑎᓪᓗᒍ ᐱᓇᓱᐊᕈᑎᕕᑦ ᑎᑎᖅᑲᖓ ᐊᒻᒪᓗ ᐃᖅᑲᓇᐃᔮᕆᖃᑦᑕᕐᓂᑯᒥᓂᖅᐱᑦ ᐃᓕᓐᓂᐊᕐᓂᑯᒥᓂᖅᐱᓪᓗ ᑎᑎᕋᖅᓯᒪᓂᖏᑦ 5−ᒨᓚᐅᙱᓐᓂᖓᓂ ᐅᓐᓄᓴᒃᑯᑦ ᑲᓇᑕᑉ ᑲᓇᓐᓇᖓᓂ ᓯᕿᙳᔭᖓ ᒪᓕᓪᓗᒍ ᒪᐃ 27, 2016-ᕈᙱᑎᓪᓗᒍ ᐅᕗᖓ hr[at]nunavut-broadband[dot]ca

ᐃᖅᑲᓇᐃᔭᖅᑎᑖᕆᔭᐅᔪᒪᒐᔭᖅᑐᑦ ᐃᓄᐃᑦ ᐃᓕᓴᕆᔭᐅᓯᒪᔪᑦ ᓄᓇᕗᑦ ᓄᓇᑖᕈᑕᐅᓯᒪᓂᖓᓄᑦ ᐊᖏᕈᑎᒥ ᐊᒻᒪᓗ ᐃᖅᑲᓇᐃᔮᖅᑖᕋᓱᐊᖅᑐᑦ ᐊᑯᓂ ᓄᓇᕗᒥᐅᑕᐅᓯᒪᓕᖅᑐᑦ.